ចំណាំមើល! បុរសណាមានផ្នែកទាំងនេះ ធំ ៣ វែង ១ ក្នុងជីវិតមិនស្គាល់ទេពាក្យថា “ក្រ”
តាមក្បួន គេអាចមើលជោគវាសនារបស់មនុស្សប្រុស ថាពួកគេអាចទទួលបានសំណាងទៅថ្ងៃមុខ ឬមានបាន ដោយមិនបារម្ភភាពក្រ ត្រឹមតែមើលលើផ្នែករាងកាយទាំង ៤ ខាងក្រោម៖
៤) ត្រចៀក និងមុខធំ
បុរសដែលមានត្រចៀកធំ មុខធំ ចាត់ទុកដូចជាកូនប្រុសរបស់ព្រះពុទ្ធ ហេតុនេះហើយ រមែងអាចយកឈ្នះរាល់ឧបសគ្គ សត្រូវចំពោះមុខ មិនខ្លាចការលំបាកអ្វីទាំងអស់ក្នុងជីវិត។ ជាងនេះទៅទៀត ពួកគេក៏រមែងទទួលបានការគោរពស្រលាញ់ ពីមនុស្សជុំវិញខ្លួនផងដែរ។
និយាយពីរឿងការងារ ការរកស៊ី គឺមមាញឹកតាំងពីនៅក្មេងខ្ចី មិនចេះនៅទំនេរខ្លួនទេ ហេតុហ្នឹងហើយនាំឲ្យងាយកើតបានចំណូលចូលហោប៉ៅឥតឈប់។ ទៅថ្ងៃមុខក៏អាចក្លាយជាអ្នកដឹកនាំ រីឯក្នុងគ្រួសារ ក៏មានកូនចៅគោរពស្រលាញ់ខ្លាំងផងដែរ។
៣) ទងត្រចៀកធំនិងវែង
ទងត្រចៀកបើធំ និងវែង គឺប្រៀបដូចជាព្រះ ហើយមនុស្សនេះ ដូចមានពរជ័យពីជាតិមុន ដោយពួកគេចូលចិត្ត ចូលចិត្តស្វែងយល់ ចង់ដឹង ចង់ស្គាល់អ្វីដែលថ្មី ដើម្បីយកមកអនុវត្តបង្កើតជាផលជោគជ័យក្នុងជីវិត។
មនុស្សនេះក៏ច្បាស់លាស់ណាស់ដែរ ដឹងសខ្មៅ ចេះបែងចែកខុសត្រូវ ហើយក្នុងការងារ ការរកស៊ីពួកគេយកចិត្តទុកដាក់ខ្លាំង ងាយនឹងនាំឲ្យជួបជោគជ័យឆាប់រហ័ស។
២) ថ្ងាសបើកទូលាយ
ជាមនុស្សដែលមានប្រាជ្ញាឈ្លាសវៃ ជាមនុស្សដែលពូកែគិត នាំឲ្យឆាប់សម្រេចជោគជ័យលើសពីការរំពឹងទុកក្នុងជីវិត។
បើស្ថិតក្នុងវ័យកណ្ដាល បុរសដែលមានថ្ងាសបើកទូលាយ ក៏រមែងមានគេគោរពស្រលាញ់ ហើយក្នុងអាជីពការងារ ពូកែខាងរៀបចំយុទ្ធសាស្រ្តអាជីវកម្ម មិនក្រអឺតក្រទមនោះទេ។ និយាយពីដៃគូជីវិត បុរសនេះស្មោះណាស់ ដូច្នេះនារីណាបានជាគូ គឺរាប់ថាសំណាងហើយ។
១) ដៃនិងជើងវែង
មនុស្សដែលមានដៃ ជើងវែង ជាបុរសដែលមានលំនឹងខ្លាំង មិនខ្លាចនឹងទួលរែកបន្ទុកច្រើននោះទេក្នុងជីវិត។ ដូច្នេះហើយ បើមនុស្សស្រីណាបានរៀបការជាមួយបុរសនេះ គឺដូចបានជួបលាភសំណាងក្នុងជីវិត ព្រោះពួកគាត់នឹងស្រលាញ់យកចិត្តទុកដាក់លើអ្នក សឹងតែពេលខ្លះភ្លេចគិតពីខ្លួនឯង៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
