សម្រាប់គូស្នេហ៍ទាំង ៤ គូខាងក្រោម តាមរយៈឆ្នាំកំណើតដែលបានបង្ហាញ ប្រសិនពួកគេរៀបការនឹងគ្នា មិនថាស្រីឬប្រុសកើតឆ្នាំណាមួយ ឲ្យតែមានឆ្នាំទាំងពីរបញ្ចូលគ្នា នោះតាមជើងលេខ ពួកគេនឹងមានសំណាង អាចក្លាយជាអ្នកមានទៅពេលខាងមុខ៖ [ឧទាហរណ៍៖ ជូត + រោង ល្អ អ៊ីចឹងខាងប្រុស ជូត ឬស្រីជូត ល្អដូចគ្នា]
គូស្នេហ៍កើតឆ្នាំជូត និងរោង
មនុស្សដែលកើតឆ្នាំជូត តែងតែនូវមកនាំថាមពលស្រស់ស្រាយក្នុងជីវិត ខណៈដែលម្ចាស់ឆ្នាំរោង តែងតែមានភាពស្វាហាប់ និងរស់រវើកជានិច្ច។ ដូច្នេះហើយ បើពួកគេរស់នៅជាមួយគ្នា នោះនឹងមកនូវការផ្គុំមហិច្ឆតាធំ ក្តីស្រមៃធំ អាចឆ្ពោះទៅរកវិថីជោគជ័យរួមគ្នានៅពេលខាងមុខ។
យ៉ាងណាអ្នកកើតឆ្នាំជូត រាងមានការកំសាកបន្តិចនៅកាលៈទេសៈខ្លះ តែយ៉ាងណា បើពួកគេបានការជាមួយអ្នកកើតឆ្នាំរោង នោះនឹងដូចមានមនុស្សការពារខ្លួន លើកទឹកចិត្តខ្លួន ឲ្យមានអារម្មណ៍កក់ក្តៅ សុវត្ថិភាពជានិច្ច។
គូស្នេហ៍កើតឆ្នាំម្សាញ់ និងរកា
មាន់ និងពស់ ស្តាប់ទៅដូចមិនត្រូវគ្នាទេ តែយ៉ាងណា ក្នុងអត្ថន័យគូស្នេហ៍ គឺនឹងអាចក្លាយជាគូគាប់ដ៏អស្ចារ្យក្នុងជីវិត។ មនុស្សនេះបើស្រលាញ់គ្នាកាលណា នោះនឹងចេះបំពេញចំណុចខ្វះខាតឲ្យគ្នាទៅវិញទៅមក។
អ្នកកើតឆ្នាំម្សាញ់ ច្រើនជាមនុស្សមានសតិសម្បជញ្ញៈ មានចរិតស្លូតបូត មិនចូលចិត្តលក់ពាក្យ និយាយអីមានហេតុផល តែពេលខ្លះរាងត្រង់ពេក។ ទៅមើលអ្នកកើតឆ្នាំរកា ជាមនុស្សប្រើមនោសញ្ចេតនាខ្ពស់ យ៉ាងណាបើអ្នកទាំងពីរ រៀបការនឹងគ្នា នោះនឹងមកនាំសម្បត្តិហូរហៀរ ភាពសុខដុមរមនា សុភមង្គល និងមានតែពេលវេលាល្អជារឿយៗជាមួយគ្នា។
គូស្នេហ៍កើតឆ្នាំខាល និងច
ឆ្នាំច ជាមនុស្សឲ្យតម្លៃលើសេចក្តីស្រលាញ់ ចំពោះញាតិមិត្តជុំវិញខ្លួន រីឯឆ្នាំខាល ហ៊ានប្រយុទ្ធ ហ៊ានប្រថុយមិនខ្លាចគ្រប់បញ្ហា។ មនុស្សទាំងពីរនេះ ឈ្លាសវៃដូចគ្នា ហើយក៏ចេះមានទំនុកទុកចិត្តលើគ្នាខ្ពស់ផងដែរ។
បើម្ចាស់ឆ្នាំទាំងពីរ បានក្លាយជាគូគាប់ នោះការរស់នៅជុំគ្នា ក៏នឹងបង្កើតភាពផ្អែមល្ហែមច្រើន ហើយជីវិតគូមានស្ថិរភាព រីឯផ្នែកហិរញ្ញវត្ថុ ដូចជាទ្រព្យរត់រកទ្រព្យ ពោលមានតែបង្កើនទ្រព្យកាន់តែច្រើនឡើង មិនថយចុះនោះទេ។
គូស្នេហ៍កើតឆ្នាំថោះ និងកុរ
ជាសត្វមួយគូ ដែលកើតមករមែងមានទ្រព្យសម្បត្តិពីនាយ ឬក៏យ៉ាងហោចក៏ស្ថិតក្នុងគ្រួសារកម្រិតមធ្យម មិនលំបាកពេកនោះដែរ។ តែយ៉ាងណាឆ្នាំទាំងពីរ មានឆន្ទៈបង្កើតទ្រព្យដោយខ្លួនឯង មិនពឹងលើទ្រព្យរបស់ឪពុកម្ដាយឡើយ។
ដោយសារឆន្ទៈដូចគ្នានេះហើយ កាលណាបានគ្នាជាគូ ពួកគេកាន់តែខិតខំចាប់ដៃគ្នាខិតខំប្រឹងប្រែងរកស៊ី ហើយនិយាយពីអត្តចរិតវិញ គឺស្លូតបូត ស្ងប់ស្ងាត់មានញាតិគោរពស្រលាញ់ជុំទិស។ ទៅមុខទៀតរឿងលុយកាក់ កាន់តែលែងខ្វល់ ហើយកាន់តែអាចក្លាយជាអ្នកមានកប់ពពក ប្រសិនអ្នកទាំងពីរចេះគាំទ្រគ្នាទៅមក និងមានការយោគយល់អធ្យាស្រ័យច្រើន៕
ប្រភព៖ បរទេស | ប្រែសម្រួល៖ ក្នុងស្រុក