នៅពេលដែលពួកគេមានលុយក្នុងដៃ ម្ចាស់ឆ្នាំទាំង ៣ នេះតែងតែមានទម្លាប់ចាយមិនសូវចេះគិត ពោលចំណាយច្រើន សន្សំបានតិច។ តែយ៉ាងណា ជោគវាសនារបស់ពួកគេ គឺរមែងជាមនុស្សដែលទទួលបានឱកាសច្រើនក្នុងជីវិត ពូកែចាប់យកឱកាស និងដឹងពីវិធីបំពេញលុយចូលហោប៉ៅ៖
អ្នកកើតឆ្នាំរកា - មាន់
សម្រាប់អ្នកកើតឆ្នាំរកា ជាមនុស្សដែលច្រើនតែមានសំណាងផ្នែកទ្រព្យ ពួកគេតាំងពីក្មេងមក តែងមានគេជួយជ្រោមជ្រែងជាប់ជានិច្ច។ បើកើតក្នុងគ្រួសារអ្នកខ្សត់ ក៏មានសំណាង ប្រឹងដល់ក្លាយជាអ្នកមាន ហើយបើកើតក្នុងគ្រួសារអ្នកមធ្យម ក៏កាន់តែមានឱកាស អាចរស់ស្រួលត្រឹមរយៈពេលខ្លី។
មនុស្សនេះមានមិត្តភក្តិច្រើន មានទំនាក់ទំនងក្នុងសង្គមធំ ទូលាយ ដូច្នេះហើយការចំណាយក៏មិនតិចនោះដែរ។ តែយ៉ាងណា ឃើញពួកគេចាយច្រើនអ៊ីចឹង អ្នកកើតឆ្នាំរកា ក៏ពូកែខាងរកស៊ី ខាងបង្កើតទំនាក់ទំនង បង្កើតលុយចូលហោប៉ៅមកវិញបានឆឹបៗផងដែរ។ រាសីមនុស្សនេះ ចាយកាន់តែច្រើន បានលុយមកវិញកាន់តែច្រើន។
អ្នកកើតឆ្នាំវក – ស្វា
អ្នកកើតឆ្នាំវក មានភាពល្បីល្បាញខាងចំណង់ក្នុងការចំណាយ។ មនុស្សនេះ បើនិយាយពីដេញសេរ៊ីរបស់ប្រើប្រាស់ របស់ស្លៀកពាក់លើខ្លួន គឺឆ្នាំឯទៀតសុំខ្មាស។ តែយ៉ាងណា បើក្រឡេកទៅវិធីរកលុយរបស់ពួកគេ បើកាលណារកបាន ១០ ទោះឃើញចាយ ៧ ឬ ៨ តែសល់ ២ គឺមនុស្សនេះឆ្លាត ចេះយកទៅវិនិយោគត្រូវគោលដៅ អាចបង្កើតចំណូលមកវិញក្រាស់ក្រែល ហើយមិនងាយនឹងខាតបង់ឡើយ។
អ្នកកើតឆ្នាំខាល – ខ្លា
មនុស្សនេះ មិនសូវចូលចិត្តភាពសប្បាយជាមួយមិត្តភក្តិខាងក្រៅពេកទេ តែចូលចិត្តរីករាយជាមួយនឹងអ្នកផ្ទះ និយាយជារួម បើរកបានច្រើន គឺផ្តោតទៅលើការជួយជ្រោមជ្រែង ការសប្បាយជាមួយសាច់ញាតិឯងច្រើនជាងជាមួយអ្នកក្រៅ។
មនុស្សកើតឆ្នាំខាល ភាគច្រើន ជាមនុស្សបង្កើតរបរខ្លួនឯង ពោលបើធ្វើការឲ្យគេ ក៏ធ្វើមិនយូរដែរ ដោយពួកគេឈ្លាសវៃ ចេះច្នៃមកបង្កើតអ្វីដែលជាខ្លួនឯង។ ពួកគេមានសំណាង បានជួបមនុស្សល្អច្រើនក្នុងជីវិត បានជួបមនុស្សដែលស្ថិតនៅកម្រិតខ្ពស់ផុតលេខ រមែងជួយជ្រោមជ្រែង ផ្តល់ឱកាសឲ្យពួកគេជានិច្ច។ ជាពិសេសក្រោយអាយុ ៣០ ឆ្នាំ អ្នកចាំមើលទៅម្ចាស់ឆ្នាំខាល នឹងមានជីវិតល្អប្រសើរខ្លាំង បើកាលណាស្រករ ២០ គេខំខ្លាំងហើយនោះ ដូច្នេះក៏នឹងចូលដល់វ័យ លុយចូលឥតឈប់ផងដែរ៕
ប្រភព៖ បរទេស | ប្រែសម្រួល៖ ក្នុងស្រុក