សំណាងប៉ុនភ្នំ! ប្រជ្រុយហៅលាភ ៥ កន្លែង បើនរណាមាន ទោះអាក្រក់ប៉ុណ្ណា ក៏កុំកាត់ចោល
តាមក្បួនហុងស៊ុយ បុគ្គលណាក៏ដោយ មិនថាបុរសឬស្រ្តី ដែលមានប្រជ្រុយ ៥ ទីតាំងនេះ គឺរមែងមានទ្រព្យសម្បត្តិច្រើន រាយដូចជាវល្លិតកូនតទៅច្រើនជំនាន់៖
៥) ប្រជ្រុយនៅប្រហោងកញ្ចឹងក
មនុស្សដែលមានប្រជ្រុយនៅតំបន់ប្រហោងកញ្ចឹងក ជាប្រជ្រុយកប់លុយទាំងដុំ មានលាភចូលពេញមួយជីវិត។ បើអ្នកមានប្រជ្រុយត្រង់តំបន់នេះ សុំកុំលុបវាចោលឲ្យសោះ ព្រោះវានឹងអាចនាំកេរឈ្មោះ លាភសំណាងដល់អាជីពការងារ ការរកស៊ីរបស់អ្នក។
៤) ប្រជ្រុយនៅលើខ្នង
បើអ្នកមានប្រជ្រុយដុះនៅទីតាំងខ្នងក្រោយ គឺអាចបង្ហាញថា អ្នកជាមនុស្សដែលមិនសូវមានបន្ទុកក្នុងជីវិត។ មនុស្សនេះមានទំនួលខុសត្រូវ ឧស្សាហ៍ព្យាយាមខ្លាំង ឆាប់រីកចម្រើនក្នុងជីវិត ដួលខ្លួនឯងក្រោកដោយខ្លួនឯង។
ចំពោះរឿងរ៉ាវស្នេហា មនុស្សនេះឆាប់ជួបគូពិតក្នុងជីវិត ហើយបើក្នុងអាជីពការងារ ការរកស៊ី គឺឆាប់រីកចម្រើន។ មនុស្សនេះ កាន់តែចេះដឹងគុណឪពុកម្តាយ ទ្រព្យចូលកាន់តែហូរហៀរ។
៣) ប្រជ្រុយនៅក្លៀក
នៅតំបន់ក្លៀក មិនងាយនរណាមានប្រជ្រុយទេ តែបើអ្នកជាបុគ្គលដែលមានវា នោះគឺរាប់បានថា សំណាងខ្លាំងណាស់។ មនុស្សនេះសម្បូរលុយចាយពេញដៃ បើនិយាយក្នុងពិភពជំនួញ គឺអាចកើបលុយដូចទឹកបាក់ទំនប់។ ប្រសិនជាមនុស្សស្រីវិញ គឺហាមកាត់ចោលដាច់ខាត ព្រោះសំណាងនាងក្នុងជីវិតធំប៉ុនភ្នំ។
២) ប្រជ្រុយដុះលើចិញ្ចើម
លើចិញ្ចើម បើអ្នកមានប្រជ្រុយដុះចំពីលើតែម្តង ក៏កុំកាត់ចោលអី ព្រោះវាប្រៀបដូចជាប្រជ្រុយនាំមាស នាំពេជ្រចូលដល់ម្ចាស់។
១) ប្រជ្រុយដុះខាងក្រោយកញ្ចឹងកចំក្រោយកញ្ចឹងក បើអ្នកមានប្រជ្រុយដុះមកដែរនោះ តាមក្បួន អ្នកនឹងមានមនុស្សតាមជួយជានិច្ច ហើយតែងតែទទួលបានការគាំទ្រពីមនុស្សក្បែរខ្លួន មិនថាស្ថិតក្នុងស្ថានភាពលំបាកបែបណាក្តី៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
