កញ្ញា សាយ សោភ័ណ កូនកាត់កម្ពុជា-ថៃ បេក្ខនារីដែលបានចូលរួមប្រកួតក្នុងកម្មវិធីធីតាឯកសង្រាន្តរដូវកាលទីបី មានប្រវត្តិការងារគួរឲ្យកោតសរសើរ ដែលកញ្ញាធ្លាប់ជាតារានៅប្រទេសថៃ ដែលបានចូលរួមសម្តែង Music Video របស់តារាចម្រៀងថៃដែលទទួលបានការទស្សនារហូតដល់ ១៤៧,000,000ដង (147 M views)។
បញ្ជាក់ផងដែរថា កញ្ញា សាយ សោភ័ណ មានទីកំណើតនៅខេត្តបន្ទាយមានជ័យ ព្រមទាំងមានការសិក្សាល្អរហូតដល់ទទួលបានអាហារូបករណ៍ទៅបន្តការសិក្សានៅប្រទេសថៃថែមទៀតផង។
ហើយនាពេលខាងមុននេះកញ្ញា សាយ សោភ័ណនឹងត្រូវបានចូលរួមសម្តែងជាតួអង្គទេវតាឆ្នាំថ្មីដែលជាបុត្រីមួយរូបរបស់កបិលមហាព្រហ្មក្នុងចំណោមបុត្រីទាំងប្រាំពីររបស់កបិលមហាព្រហ្ម។
មិនត្រឹមតែប៉ុណ្ណឹងនោះទេ កញ្ញា សាយ សោភ័ណ ក៏ធ្លាប់បានជាប់ជ័យលាភីជាច្រើនកម្មវីធីបវរកញ្ញានៅក្នុងប្រទេសថៃដូចជា៖
ជ័យលាភីរងលេខពីរ ការប្រកួតរបាំ និងសម្តែងរបាំង ទាំងខ្មែរនិងថៃ ដំណាងឲ្យមហាវិទ្យាល័យ RBRU ប្រទេសថៃ
ជ័យលាភីលេខមួយ កញ្ញាឯកប្រចាំដេប៉ាត់តឺម៉ង់ វិស្វករ ប្រចាំមហាវិទ្យាល័យ RBRU ២០១៦ នៅប្រទេសថៃ
ជ័យលាភីលេខមួយ Miss Pink Green park ប្រទេសថៃ
ជ័យលាភីរងលេខពីរ RBRU Star Contest ២០១៦ ប្រទេសថៃ
ជ័យលាភីលេខមួយ ធីតាឯកបុណ្យបណ្តែតប្រទីប ២០១៨ ប្រទេសថៃ
ពានរង្វាន់និស្សិតឆ្នើមលេខមួយ ប្រចាំជំនាន់ទីប្រាំពីរនៃដេប៉ាត់តឺម៉ង់ វិស្វករ ប្រចាំមហាវិទ្យាល័យ RBRU ប្រទេសថៃ ថែមទៀតផង។
អត្ថបទ៖ ស្លាបប៉ាកកាមាស
សិល្បៈក្នុងស្រុក