អ្នកស្រាវជ្រាវបានបង្ហាញថា អ្នកនៅលីវ នឹងមានជីវិតរីករាយប្រសើរជាងអ្នកមានគូ ឬរៀបការ
មែនហើយ ការដែលមានស្នេហា វាអាចនឹងបន្ថែមអត្ថន័យ ឬជីវិតថ្មីមួយបែបទៀតឱ្យយើង តែយ៉ាងណា លុះត្រាតែយើងរកបានមនុស្សល្អមកធ្វើជាដៃគូស្នេហា ដៃគូជីវិត តែបើយើងជ្រើសមនុស្សខុស ជីវិតនេះដូចធ្លាក់នរកអ៊ីចឹង។ តែយ៉ាងណាមិញ ផ្អែកតាមអ្នកស្រាវជ្រាវបានបង្ហាញថា មនុស្សដែលនៅលីវ មិនមានស្នេហា អាចនឹងទទួលបានជីវិតល្អប្រសើរ ជាពិសេស គឺមានក្ដីសុខ សេរីភាពច្រើនជាងអ្នកមានគូ។
១. ការនៅលីវ ប្រហែលជាត្រូវគេមើលមិនខុសឆ្គងណាស់
ការស្រាវជ្រាវបង្ហាញថា មនុស្សច្រើនតែមានទស្សនៈអវិជ្ជមានចំពោះអ្នកនៅលីវ ទោះបីជានៅលីវមិនខុសក៏ដោយ។ យ៉ាងណាមិញ វាជាការពិត សម្រាប់មនុស្សដែលនៅលីវយូរ គឺត្រូវប្រឈមមុខនឹងការរើសអើងផ្សេងៗគ្នា។
ជាក់ស្ដែងណាស់ មនុស្សមួយចំនួន ច្រើនតែសួរនាំបែបឆ្អិនឆ្អន់ចំពោះអ្នកអត់គូ សើចម្អកលេងសើចតាមបែបអគតិ។ ប៉ុន្តែការដែលអ្នកទៅឆ្អិនឆ្អន់ សើចចម្អកចំពោះអ្នកនៅលីវ ឬសួរនាំពីជីវិតឯកជនរបស់គេ វាគឺជាការអសីលធម៌យ៉ាងខ្លាំង វាក៏បញ្ជាក់ពីកម្រិតនៃការសិក្សា និងការយល់ដឹងរបស់អ្នកផងដែរ។
២. រៀនស្រឡាញ់ខ្លួនឯង
មិនថាអ្នកព្យាយាមយ៉ាងណាក៏ដោយ ប្រសិនបើអ្នកមិនទាន់ចេះស្រឡាញ់ខ្លួនឯងទេ អ្នកក៏មិនអាចកសាងទំនាក់ទំនងដែលមានភាពល្អប្រសើរបានដែរ។ អ្នកវិទ្យាសាស្ត្រនិយាយថា មនុស្សដែលមានចិត្តល្អ និងគិតតែពីខ្លួនឯង ជាទូទៅពេញចិត្តនឹងទំនាក់ទំនងរបស់គេយ៉ាងខ្លាំង។ ផ្ទុយទៅវិញមនុស្សដែលបន្ទោសខ្លួនឯង ឬមិនចេះមើលថែខ្លួនឯង រមែងមានទំនោរទៅរកការគ្រប់គ្រងត្រួតត្រា និងវិនិច្ឆ័យ ដែលបង្កើតឱ្យមានអារម្មណ៍សោកសៅ នៅពេលដែលមានស្នេហា។
៣. អាចលូតលាស់បានល្អនៅពេលនៅលីវ
មនុស្សនៅលីវ ច្រើនតែមានពេលវេលាច្រើនក្នុងការលះបង់ ធ្វើអ្វីៗទៅតាមចំណង់ចំណូលចិត្តរបស់ខ្លួន និងអាចស្វែងរកក្តីសុបិន ឬអាជីពដែលពួកគេស្រឡាញ់ពេញចិត្ត។ ការសិក្សាមួយបានរកឃើញថា ស្ត្រីនៅលីវ ក៏តែងតែមានប្រាក់ចំណូល និងអាជីពប្រសើរជាងស្ត្រីដែលរៀបការហើយ។
៤. នៅលីវតែមិនឯកា
មានគំរូមួយដែលមនុស្សនៅលីវ តែងតែទទួលរងពីភាពឯកកោ។ តាមពិតការមិនមានទំនាក់ទំនងមានន័យថា អ្នកអាចចំណាយពេលច្រើនជាមួយគ្រួសារ និងមិត្តភក្តិ។ ទោះយ៉ាងណា ចំពោះអ្នកនៅលីវ ពិតជាមានឱកាសច្រើន ក្នុងការចូលរួមក្នុងសង្គម ចូលរួមក្រុមច្រើន និងបន្ថែមទំនាក់ទំនងថ្មីដែលគួរឱ្យរំភើបបន្ថែមទៀត។
៥. ស្នេហាអាចធ្វើឱ្យអ្នកនឿយហត់
ការជម្រុញជាប្រចាំពីអ្នកដែលនៅជុំវិញយើង តែងតែធ្វើឱ្យយើងប្រញាប់ប្រញាល់ដេញតាមស្នេហា។ ប៉ុន្តែពេលខ្លះ នេះបណ្តាលឱ្យអ្នកបន្ទាបបទដ្ឋាន ឬគុណសម្បត្តិសំខាន់ៗរបស់អ្នកដើម្បីដេញតាមស្នេហាជាបណ្តោះអាសន្នតែប៉ុណ្ណោះ។ ការជ្រើសយកមនុស្សម្នាក់ដែលទំនងជាបណ្តាលឱ្យអ្នកឈឺចាប់ និងកាន់តែបាត់បង់ក្ដីសុខ ព្រោះតែការជ្រើសរើសខុស។ ស្នេហាដែលអាចញៀនក៏អាចធ្វើឱ្យអ្នកអស់សង្ឃឹមផងដែរ។ អាពាហ៍ពិពាហ៍ គឺជារឿងសំខាន់មួយនៅក្នុងជីវិត សូមកុំជ្រើសរើសនរណាម្នាក់ដោយអារម្មណ៍មួយឆាវ ដោយសារតែការជម្រុញពីអ្នកដទៃឱ្យសោះ។
៦. ការនៅលីវធ្វើឱ្យអ្នកមានសុខភាពល្អ និងស្រស់ស្អាតជាងមុន
ពេលអ្នកនៅលីវ អ្នកមិនចាំបាច់រវីរវល់ពេញមួយថ្ងៃនៅក្នុងផ្ទះបាយ ឬមើលថែទាំប្តី / កូនរបស់អ្នកទេ ...។ ប៉ុន្តែ ប្រសិនបើអ្នកមិនទាន់មានគូ នៅពេលនោះអ្នកអាចហាត់ប្រាណ ចេញក្រៅ ឬចម្អិនអាហារតាមចំណង់ចំណូលចិត្ត និងរបបរបស់អ្នកដើម្បីឱ្យរាងកាយអ្នកមានសុខភាពល្អ និងស្រស់ស្អាត។ យោងតាមការស្រាវជ្រាវ មនុស្សនៅលីវច្រើនតែមានសន្ទស្សន៍ម៉ាស់រាងកាយល្អប្រសើរជាងមុន ជំងឺសរសៃឈាមបេះដូងក៏តិច ហើយក៏មិនមានជំងឺធាត់ ឬជំងឺរ៉ាំរ៉ៃអ្វីនោះដែរ៕
ប្រភព ៖ iOne/Knongsrok
ព័ត៌មានថ្មីៗ
