វាស់កម្រិតភាពឯការបស់អ្នកក្នុងពេលនេះ តើស្ថានភាពផ្លូវចិត្តអ្នកធ្លាក់ក្នុងភាពឯកាកម្រិតណាដែរ?
ជ្រើសរើសរូបគូស្នេហ៍មួយគូ ដែលអ្នកពេញចិត្តខ្លាំងជាងគេ នេះគឺជាការធ្វើតេស្តតាមបែបចិត្តសាស្ត្រ វាស់ពីកម្រិតនៃភាពឯកាដែលអ្នកកំពុងតែមាន តើស្ថានភាពផ្លូវចិត្តរបស់អ្នក ទទួលរងពីភាពឯកាខ្លាំងប៉ុនណាដែរ?
1. គូស្នេហ៍ទី 1
សម្រាប់អ្នកដែលបានជ្រើសយករូបគូទី 1 នេះបញ្ជាក់ថា ភាពឯកាមិនប៉ះពាល់ជីវិតអ្នកខ្លាំងពេកទេ ព្រោះអ្នកមិនមែនជាប្រភេទដែលងាយនឹងទុកចិត្តនរណាម្នាក់ដោយងាយឡើយ។ ទោះជាយ៉ាងណាក៏ដោយ ពេលខ្លះអ្នកមិនអាចជួយអ្វីបានក្រៅពីមានអារម្មណ៍សោកសៅ និងឯកកោ នៅពេលដែលគ្មាននរណាម្នាក់នៅក្បែរនោះ។
ជាការពិតណាស់ អ្នកក៏ចង់មាននរណាម្នាក់នៅក្បែរអ្នក ជាពិសេសនៅពេលដែលអ្នកអស់សង្ឃឹម និងបាក់ទឹកចិត្ត អ្នកពិតជាត្រូវការនរណាម្នាក់ចែករំលែកជាមួយអ្នកដូចមនុស្សដទៃដែរ។ យ៉ាងណាមិញ អ្នកត្រូវរៀនទុកចិត្តអ្នកដទៃឱ្យបានច្រើន ដើម្បីមានអ្នកនៅក្បែរ ពេលដែលអ្នកមានទុក្ខ ឬជួបបញ្ហា អ្នកមិនគួរប្រឈមមុខ រ៉ាប់
រងតែម្នាក់ឯងទេ។
2. គូស្នេហ៍ទី 2
អ្នកជាករណីពិសេស អ្នកជាមនុស្សដែលចូលចិត្តចូលក្នុងសង្គម និងសកម្ម ប៉ុន្តែនៅតែមានអារម្មណ៍ឯកោខ្លាំង។ អ្នកខ្លាចមនុស្សធុញ និងអផ្សុកខ្លាំងណាស់។ ទោះជាយ៉ាងណាក៏ដោយ ទោះបីជាអ្នកត្រូវបានហ៊ុំព័ទ្ធដោយហ្វូងមនុស្សក៏ដោយ ពេលខ្លះអ្នកនៅតែមានអារម្មណ៍ឯកោ និងបាត់បង់អារម្មណ៍ភ្លាមៗទាំងគ្មានមូលហេតុ។
ប្រហែលជាអ្នកបាន "ដើរជុំវិញ" ច្រើនពេកហើយត្រូវការជីវិតដែលមានស្ថិរភាពវិញម្ដង។ ហើយសម្រាប់អ្នក នេះគឺពិបាកណាស់។ អ្នកត្រូវរៀនរស់នៅជាមួយភាពឯកា ហើយស្តាប់បេះដូងអ្នកបន្ថែមទៀតឱ្យបានច្រើន។
3. គូស្នេហ៍ទី 3
អ្នកជាមនុស្សមានចិត្តសេរី ទម្លាប់នឹងការរស់នៅម្នាក់ឯង ហើយអ្នកក៏ពេញចិត្តនឹងភាពស្ងប់ស្ងាត់បែបនេះដែរ។ អ្នកមានមិត្តច្រើន នៅតែចេះទំនាក់ទំនង និងប្រាស្រ័យទាក់ទងជាមួយពួកគេ ប៉ុន្តែអ្នកក៏មិនអាចបើកសេរីឱ្យអ្នកណាម្នាក់ ចូលមកក្នុងរំខានភាពឯកជនរបស់អ្នកឡើយ។
អ្នកបានជ្រើសរើសការរស់នៅតាមអ្វីដែលអ្នកចូលចិត្ត និងរស់នៅក្នុងពិភពឯការបស់អ្នក។ ភាពឯកាមិនមែនជារឿងគួរឱ្យខ្លាចសម្រាប់អ្នកនោះទេ។ វាជាអាហារខាងវិញ្ញាណមិនអាចខ្វះបានដើម្បីចិញ្ចឹមព្រលឹងរបស់អ្នកបានយ៉ាងល្អ។
4. គូស្នេហ៍ទី 4
អ្នកកើតមកងាយស្រួល រួសរាយរាក់ទាក់ និងសប្បាយ តែងតែចូលចិត្តកន្លែងគួរឱ្យរំភើប អ៊ូអរ និងខ្លាចការនៅម្នាក់ឯង។ ចំពោះអ្នក ភាពឯកាប្រៀបដូចជាសុបិនអាក្រក់ដែលអ្នកមិនអាចប្រឈមមុខបានឡើយ។ អ្វីក៏ដោយដែលអ្នកចង់ធ្វើ ទោះអ្នកទៅទីណាក៏ដោយ ត្រូវតែមាននរណាម្នាក់ធ្វើជាមួយអ្នក បើមិនដូច្នេះទេ អ្នកនឹងក្លាយជាមនុស្សបាត់បង់ម្ចាស់ការលើខ្លួនឯង។
ល្អហើយ ដែលអ្នកជាមនុស្សដែលចូលចិត្តភាពអ៊ូអរ ប្រឡូកក្នុងសង្គម មានមិត្តភក្តិច្រើន ប៉ុន្តែកុំឱ្យអារម្មណ៍របស់អ្នកពឹងផ្អែកលើហ្វូងមនុស្សច្រើនពេក។ អ្នកត្រូវរៀនពីរបៀបធ្វើឱ្យមានតុល្យភាព និងផ្តល់ឱ្យខ្លួនអ្នកនូវកន្លែងស្ងប់ស្ងាត់ និងភាពឯកជនរបស់អ្នកឱ្យបានច្រើន ទើបអ្នកអាចរឹងមាំបាន៕
ប្រភព ៖ បរទេស / Knongsrok
ព័ត៌មានថ្មីៗ
