ក្នុងផ្ទះអ្នក មានសមាជិកកើតឆ្នាំទាំង ៥ នេះទេ? បើមាន ដូចផ្តុំលុយទាំងបាវ ហៅអីបានហ្នឹង
ប្រសិនក្នុងផ្ទះរបស់អ្នក មានសមាជិកអ្នកកើតឆ្នាំ ១ ក្នុងចំណោមឆ្នាំទាំង ៥ ឬកាន់តែល្អផុតលេខដាក់ បើមានមនុស្ស ៥ នាក់ កើតឆ្នាំទាំង ៥ រស់នៅជួបជុំគ្នា នោះនឹងរមែងមានថាមពលវិជ្ជមានខ្ពស់ ហើយដូចផ្តុំលុយទាំងបាវ ហៅអីបានហ្នឹង៖
អ្នកកើតឆ្នាំ ចរ ឬឆ្នាំឆ្កែ
សង្កេតមើលទៅ មនុស្សកើតឆ្នាំ ចរ រមែងជាមនុស្សមានបុគ្គលិកលក្ខណៈបែបសុទិដ្ឋិនិយម ដែលគិតឃើញតែវិជ្ជមានច្រើនជាងអវិជ្ជមាន ហើយមនុស្សនេះ ចិត្តទូលាយណាស់។ ជោគជតារាសីរបស់ពួកគេ បានជះឥទ្ធិពលល្អដល់ក្រុមគ្រួសារ នាំឲ្យចម្រុងចម្រើនច្រើនឆ្នាំទៅមុខ។
ក្នុងផ្ទះដែលមានអ្នកកើតឆ្នាំ ចរ ដូចនាំសុភមង្គល នាំភាពសប្បាយរីករាយមកក្នុងផ្ទះ ហើយមិនងាយមានឡើយ នូវកំហឹង នូវភាពក្តៅក្រហាយក្នុងផ្ទះមួយនោះ។
អ្នកកើតឆ្នាំកុរ ឬឆ្នាំជ្រូក
ធម្មជាតិរបស់ម្ចាស់ឆ្នាំកុរ ជាមនុស្សងាយចុះសម្រុងនឹងអ្នកដទៃ ជាមនុស្សមានក្តីសង្ឃឹមក្នុងជីវិតខ្ពស់ មិនងាយបោះបង់អ្វីមួយដោយងាយ ងាយ ឡើយ។ ចរិតមនុស្សនេះ មិនថាស្រី ឬប្រុស គឺក្លាហាន គួរឲ្យកោតសរសើរ ហើយហ៊ានលះបង់គ្រប់បែបយ៉ាង ដើម្បីឲ្យក្រុមគ្រួសារបានសុខ។
ឥទ្ធិពលនៃលាភសំណាងរបស់ម្ចាស់ឆ្នាំកុរ ជាញឹកញយបានទាញភាពសម្បូរសប្បាយចូលដល់ក្រុមគ្រួសារ ឲ្យកើតជាទ្រព្យ រាប់លុយឥតឈប់ ជារួមផ្ទះដែលមានសមាជិកកើតឆ្នាំកុរ កម្រនឹងខ្វះខាតណាស់ បើទោះបីមិនមានលុយទាំងបាច់ យ៉ាងហោចក៏ស្ថិតនៅកម្រិតមធ្យមដែរ។ ប៉ុន្តែបើនៅជួបជុំច្រើនឆ្នាំទៅមុខ នោះនឹងអាចក្លាយជាអ្នកមានយ៉ាងឆាប់រហ័ស ប្រសិនជាមានម្ចាស់ឆ្នាំ ចរ នៅក្បែរផងនោះ។
អ្នកកើតឆ្នាំរោង ឬឆ្នាំនាគ
បើក្នុងផ្ទះ មានសមាជិកកើតឆ្នាំរោង នោះតំណាងឲ្យការហ៊ានបោះជំហានទៅមុខ ការដែលមានភាពច្នៃប្រឌិតខ្ពស់ ហើយបញ្ហាទាំងឡាយ ចូលមកក្នុងផ្ទះនេះមិនបានយូរទេ ព្រោះម្ចាស់ឆ្នាំរោង នឹងអារកាត់រកដំណោះស្រាយជាបន្តបន្ទាប់។
មនុស្សនេះមានគេរាប់ច្រើន ទៅណាមកណាញាតិមិនខ្វះ ចំណីអាហារហូបចុក ដូចរបស់ទិព្វ ឃ្លានអី សុខ សុខគេផ្តល់ឲ្យហ្នឹង ខ្វះអ្វីគេមកបំពេញហ្នឹង។ បើបានកើតជាម្តាយ ជាឪពុកគេផង ក៏នឹងទទួលបានកូនដែលដើរតាមគន្លងដូចចិត្តថែមទៀត ជាហេតុនាំឲ្យក្រុមគ្រួសារកាន់តែមានសុភមង្គលតជំនាន់ តរ រៀងទៅ។
អ្នកកើតឆ្នាំខាល ឬឆ្នាំខ្លា
ជាជំពូកមនុស្សស្ងប់ស្ងាត់ បើសប្បាយក៏មិនសប្បាយអស់ពីខ្លួន បើកើតទុក្ខ ក៏ចូលចិត្តលាក់មិនឲ្យគេដឹង។ ជាងនេះ ចំណាំមើលចុះ ម្ចាស់ឆ្នាំខាល ឆាប់ខឹងក៏ឆាប់បាត់ទៅវិញដែរ ពោលមិនចេះរក្សាកំហឹងទុកនឹងខ្លួនយូរឡើយ។
យ៉ាងណាមនុស្សនេះ មិនថាជាបុរស ឬស្រ្តី តែងនាំលាភ នាំជ័យ ចូលដល់ក្រុមគ្រួសារ ហើយវ័យល្បាក់ម្ភៃមិនទាន់ទេ តែងចេះមានគំនិតបង្កើតចំណូលចូលហោប៉ៅ ក៏ជួយជ្រោមជ្រែងដល់ក្រុមគ្រួសារទាំងមូលថែមទៀតផង។
អ្នកកើតឆ្នាំថោះ ឬឆ្នាំទន្សាយ
មកដំណាលដល់ម្ចាស់ឆ្នាំថោះ គឺមានសំណាងខ្លាំង ដូចជាអ្នកនាំទ្រព្យធំចូលមកខាងក្នុងផ្ទះ នាំភាពសុខសប្បាយដល់ក្រុមគ្រួសារទាំងមូល ងាកទៅឆ្វេង ងាកទៅស្តាំ ក៏ឃើញតែសុខក្សេមក្សាន្ត។
ខណៈនេះ ក៏អ្នកទំនងទទួលបានការជ្រោមជ្រែងពីអ្នកមានបុណ្យ ពីវិញ្ញាណល្អ ទាញឲ្យអ្នកទៅជួបតែក្តីសុខ ជួបតែកន្លែងបណ្តុំដោយលុយកាក់ នាំឲ្យជីវិតមានការអភិវឌ្ឍ បោះទៅជំហានថ្មី ពោលជាឱកាសធំកម្រនឹងប្រទះ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
