បាត់យូរកាន់តែកាច! ពូឃ្លាំង ត្រលប់មកវិញមានដំណឹងល្អ មើលតែ Teaser បទថ្មីញាក់ (មានវីដេអូ)
កាលពីជាង ១០ឆ្នាំមុន ពូឃ្លាំង ត្រូវមហាជនស្គាល់ថាជាតារាចម្រៀងរ៉េប និងហ៊ីហបដ៏ល្បីល្បាញខ្លាំងតាមរយៈបទចម្រៀងល្បីៗជាច្រើនបទ។ ប៉ុន្តែ បន្ទាប់ពីសាងកេរ្តិ៍ឈ្មោះល្បីមិនធម្មតា ពូឃ្លាំងហាក់ឃ្លាតឆ្ងាយជាខ្លាំងពីការងារសិល្បៈដោយរស់នៅជីវិតឯកជនដ៏មានក្តីសុខ ធ្វើឱ្យអ្នកគាំទ្រនឹករលឹកដល់រូបលោកជាខ្លាំង។
យ៉ាងណាមិញបន្ទាប់ពីការផ្ដាច់ខ្លួនចេញឆ្ងាយពីសិល្បៈចម្រៀងអស់រយៈពេលជាយូរ ស្រាប់តែកាលពីពេលថ្មីៗនេះ តារាចម្រៀងរ៉េបពូឃ្លាំង បានធ្វើឱ្យទស្សនិកជន ក៏ដូចជាមិត្តអ្នកគាំទ្រមានការភ្ញាក់ផ្អើលជាខ្លាំងនឹងការត្រឡប់មកវិញ ជាមួយនឹងបទថ្មីមានចំណងជើងថា « 3Some » ដែលទើបតែចេញ Trailer ខ្លីៗ ឯ MV ពេញនឹងចេញជាផ្លូវការនៅសប្តាហ៍ក្រោយ។
ដោយគ្រាន់តែមើលឈុតខ្លីៗ Teaser បទចម្រៀង « 3Some » ធ្វើឱ្យអ្នកគាំទ្រលាន់មាត់ថា ពូឃ្លាំង ត្រលប់មកវិញកាន់តែកាចជាមួយនឹងបទថ្មីពិរោះរណ្តំ ពិសេសមានឈុតកាចៗជាមួយតារាស្រីស៊ីចស៊ីសម្រស់មិនធម្មតាដល់ទៅ ២រូប។
ដូច្នេះចង់ដឹងថាបទចម្រៀង « 3Some » មានឈុតញាក់ៗយ៉ាងណាខ្លះសូមទស្សនាវីដេអូចម្រៀង Teaserខាងក្រោមទាំងអស់គ្នា ៖
រក្សាសិទ្ធិដោយ៖ ក្នុងស្រុក
ព័ត៌មានថ្មីៗ
