ឆ្នាំ ២០២២ នេះអ្វីដែលអ្នកប៉ងនឹងក្លាយជាការពិតឬអត់? តោះទៅអានចម្លើយពិតនៃចង្កឹះកៅស៊ីមដែលអ្នករើសមួយទៅ
សួស្តីប្រិយមិត្តនៃគេហទំព័រ Knongsrok តើប្រិយមិត្តចង់ដឹងអត់ថា អ្វីដែលអ្នកប៉ងប្រាថ្នាកន្លងមកនឹងក្លាយជាការពិតនៅក្នុងឆ្នាំ 2022 នេះឬអត់? តោះទៅពិនិត្យមើលទាំងអស់គ្នា តាមរយៈការជ្រើសរើសចង្កឹះកៅស៊ីមមួយដែលអ្នកចាប់អារម្មណ៍ហើយអានការទស្សន៍ទាយខាងក្រោម ។
បញ្ជាក់៖ ត្រូវស្មោះត្រង់នឹងខ្លួនឯង មិនគួរលួចមើលចម្លើយមុនឡើយ បើមិនដូច្នោះការទស្សន៍ទាយនឹងក្លាយជាមោឃៈ ។
សូមឲ្យប្រិយមិត្តជួបតែសំណាងល្អ
ចង្កឹះទី1. ជោគជ័យគឺអាស្រ័យលើការខិតខំប្រឹងប្រែងនិងការតាំងចិត្តរបស់អ្នកផ្ទាល់៖ ការរំពឹងទុករបស់អ្នកនៅឆ្នាំ 2022 ទំនងជាទទួលបានជោគជ័យខ្ពស់ ប៉ុន្តែជោគជ័យនោះត្រូវតែផ្លាស់ប្តូរដោយការខិតខំប្រឹងប្រែង និងការវិនិយោគ ប្រើកម្លាំងផ្ទាល់ខ្លួន ប្រហែលជាមានពេលខ្លះដែលអ្នកមានអារម្មណ៍អស់កម្លាំង បាក់ទឹកចិត្ត ហត់នឿយមិនចង់បន្តទៅមុខ តែសូមអត់ធ្មត់និងស្ងប់ស្ងាត់ ចូរប្រើប្រាជ្ញានិងភាពទៀងទាត់របស់អ្នកដើម្បីប្រយុទ្ធ ជាក់ណាស់នឹងមានរង្វាន់រង់ចាំនៅគោលដៅនាពេលអនាគត។
ចង្កឹះទី2. គួរបន្ធូរអារម្មណ៍ឲ្យធូរ្ស្រាលខ្លះ៖ ក្តីសង្ឃឹមរបស់អ្នកសម្រាប់ឆ្នាំ 2022 គឺជាទំនងជាមានភាពជោគជ័យ 50% វាអាស្រ័យលើការត្រៀមខ្លួនទាំងផ្លូវកាយនិងផ្លូវចិត្ត ប្រហែលជាមានរឿងជាច្រើននៅឆ្នាំនេះ ឱកាសជាច្រើនទាំងល្អនិងអាក្រក់នឹងចូលមកយ៉ាងលឿន បង្កជារោគសញ្ញានៃភាពតានតឹង ថប់បារម្ភ អារម្មណ៍ប្រែប្រួលគិតច្រើន ប៉ុន្តែគ្រប់បញ្ហាតែងតែមានដំណោះស្រាយដ៏ល្អ អ្នកត្រូវហាត់គ្រប់គ្រងអារម្មណ៍របស់អ្នកឲ្យល្អ បើដួលហើយត្រូវក្រោកឡើងដើរម្តងទៀត អ្វីដែលអ្នកសង្ឃឹមនឹងអាចសម្រេចបានតាមការប្រាថ្នា ។
ចង្កឹះទី3. ព្យាយាមស្វែងរកផែនការបម្រុងទុកជាមុនសិន វាអាចមានជម្រើសល្អជាងនេះ៖ ចំពោះអ្វីដែលអ្នករំពឹងទុកនៅឆ្នាំ២០២២ លទ្ធផលទាំងអស់វាប្រហែលជាមិនចេញដូចអ្នកគិតទេ តែវាមិនមែនជាចំណុចបញ្ចប់នៃអ្វីគ្រប់យ៉ាងឡើយ សូមបើកចិត្តឱ្យទូលាយជាងនេះទៀត ទើបអ្នកអាចនឹងរកឃើញវិធីល្អជាងនេះ ។
ចង្កឹះទី4. ផ្លូវកាត់អាចមិនសុទ្ធតែល្អទេ៖ ក្នុងការទទួលបានភាពជោគជ័យ សុភមង្គលនិងភាពពេញលេញ មិនមែនជារឿងងាយស្រួលនោះទេ គ្មានផ្លូវដែលពោរពេញដោយផ្កាកុលាបឡើយ តែបើសិនអ្នកប្រើវិធីមិនសមរម្យនៃការទទួលបានវានឹងមិនស្ថិតស្ថេរជារៀងរហូត អ្វីដែលអ្នករំពឹងនៅឆ្នាំ 2022 គឺឱកាសជោគជ័យដោយការប្រើល្បិចកិច្ចកល ប៉ុន្តែអ្នកត្រូវដឹងថាអ្វីក៏ដោយងាយនឹងទទួល វាងាយស្រួលក្នុងការចាកចេញផងដែរ ម្យ៉ាងចូលប្រយ័ត្នមនុស្សជុំវិញខ្លួនដែលគ្រាន់តែចង់ទទួលបានអត្ថប្រយោជន៍ពីអ្វីដែលអ្នកបានសម្រេច ពេលទទួលបានហើយគេនឹងរុញអ្នកធ្លាក់ជ្រោះ។
ចង្កឹះទី5. សេចក្ដីមេត្តាករុណាដ៏អស្ចារ្យនឹងនាំទៅរកភាពជោគជ័យ៖ នៅឆ្នាំ 2022 ការរំពឹងទុករបស់អ្នកនឹងត្រូវបានបំពេញដោយសេចក្តីសប្បុរសរបស់ញាតិសន្តានចាស់ៗ អ្នកនឹងមានមិត្តល្អ មិត្តចាស់ អតីតសង្សារ ឬមនុស្សចាស់ដែលចូលមកផ្តល់សេចក្តីសប្បុរស និងជួយជ្រោមជ្រែង អ្វីដែលចាប់យកឬសង្ឃឹមនោះនឹងមានភាពរលូននិងជោគជ័យ គួរបន្តធ្វើអំពើល្អក្នុងទម្រង់នៃការបរិច្ចាគ ដើម្បីបង្កើនភាពរុងរឿងនៃជីវិត ។
ចង្កឹះទី6. ទទួលបានជោគជ័យខ្លាំងណាស់៖ ការរំពឹងទុករបស់អ្នកនៅឆ្នាំ 2022 នឹងត្រូវបានបំពេញតាមការចង់បាន អ្នកនឹងជួបភាពស្ថិតស្ថេរឬតុល្យភាពក្នុងជីវិតផ្លូវចិត្តរបស់អ្នក នឹងមានមិត្តភក្តិ ដៃគូ ដៃគូកិច្ចសន្យា ឬដៃគូជីវិត ដែលនឹងក្លាយជាអថេរដ៏សំខាន់ក្នុងការជួយអ្នកឱ្យសម្រេចបាននូវគោលដៅដែលអ្នកចង់បាន ៕
ប្រភព៖ Wicca witch/ កែសម្រួល៖ Knongsrok
ព័ត៌មានថ្មីៗ
