បញ្ហា ឧបសគ្គដែលជួបប្រទះទាំងឡាយ នៅរយៈពេលជិតមួយនេះកន្លងផុតនេះ គឺត្រៀមនឹងរសាត់ទៅបាត់អស់ហើយ ពោលនៅរយៈពេលថ្មីទំព័រខាងមុខទី ៦ ចំខែមិថុនា ជីវិតរបស់ម្ចាស់ឆ្នាំទាំង ៥ នឹងប្រែមកជួបតែសុខ រស់លើគំនរទ្រព្យ មានគេផ្គាប់ចិត្តផ្គាប់កាយ ឲ្យលេចតែស្នាមញញឹម៖
អ្នកកើតឆ្នាំរោង - នាគ
រមែងជាមនុស្សមានទេពកោសល្យ និងឈ្លាសវៃ ហើយមនុស្សនេះ ធ្វើអ្វីមានការប្រុងប្រយ័ត្នខ្ពស់ណាស់ ដូច្នេះបញ្ហានានាក្នុងជីវិត មិនងាយនឹងកើតឡើងឡើយ។
យ៉ាងណាងាកមកជោគវាសនារបស់ពួកគេនៅរយៈពេលខែថ្មី ខែមិថុនា គឺមើលឃើញថា នឹងឡើងខ្ពស់ត្រដែត ហើយការជួបប្រទះរឿងបាក់ទឹកចិត្តកន្លងមកទាំងឡាយ នឹងសាបអស់ ក្លាយទៅជាលាភ ក្លាយជាក្តីសង្ឃឹមថ្មី នាំឲ្យពួកគេក្រោកឈរ បោះជំហានទៅកាន់វិថីថ្មី ត្រៀមសម្រាប់ខែថ្មី ដែលបម្រុងនឹងចូលមកដល់។
អ្នកកើតឆ្នាំមមី - សេះ
ជាមនុស្សរហ័សរហួន ពូកែរកស៊ី ហើយក៏ជាមនុស្សមានមហិច្ឆតាធំ និងដាក់គោលដៅច្បាស់លាស់ដែរក្នុងជីវិត។ តាំងតែពីក្មេងមក មនុស្សនេះមានឆន្ទៈច្បាស់លាស់ណាស់ ហើយតែងតែពេញចិត្តនូវអ្វីដែលជារបស់ខ្លួន ពេញចិត្តភាពជាខ្លួនឯង ទើបនាំឲ្យពួកគេតែងកើតមានស្នាមញញឹមសឹងតែជារៀងរាល់ថ្ងៃ។
នៅចន្លោះល្បាក់ខែមិថុនា អ្នកកើតឆ្នាំមមី នឹងមានទ្រព្យចូលហូរហៀរ នាំឲ្យជីវិតកាន់តែល្អប្រសើរឡើង ហើយក៏មានអ្នកចិត្តបុណ្យ អ្នកខ្ពង់ខ្ពស់ជាងខ្លួន មកជួយស្រោច ជួយស្រង់ ទាញពួកគេចេញពីភាពលំបាក។ បំណុលទាំងឡាយ ទាំងបំណុលសម្តី បំណុលទ្រព្យ នឹងដោះអស់ត្រឹមចុងខែឧសភាខាងមុខ។
អ្នកកើតឆ្នាំថោះ - ទន្សាយ
តាមហោរាសាស្រ្តល្បាក់ប៉ុន្មានថ្ងៃចុងក្រោយ នៃខែឧសភា សម្រាប់ម្ចាស់ឆ្នាំថោះ ដែលរមែងជាមនុស្សមានចិត្តល្អ រួសរាយរាក់ទាក់ និងអាចជួបលាភសំណាងធំ នៅពេលខាងមុខ។ អ្វីគ្រប់យ៉ាងសម្រាប់ពួកគេ នឹងទទួលបានជោគជ័យ ធ្វើឲ្យគ្រប់គ្នាមានការច្រណែនខ្លាំង។
ក្នុងកំឡុងពេលនេះ ម្ចាស់ឆ្នាំថោះ ក៏រមែងមានគេស្ថិតនៅទីខ្ពស់មកតាមជួយថែរក្សា ទាញឲ្យងើបឡើងជាបន្តបន្ទាប់ ហើយក៏ជួយដឹកដៃឆ្ពោះទៅវិថីរីកចម្រើនក្នុងជីវិតផងដែរ។ បន្ថែមពីសំណាងដែលជួប ទៅមើលឧបសគ្គរបស់ពួកគេវិញ ក៏នឹងអាចជម្នះបានដោយភាពនឹងន ហើយមិនជាមានរឿងអ្វីគួរឲ្យបារម្ភខ្លាំងឡើយ។
អ្នកកើតឆ្នាំច – ឆ្កែ
តាមហោរាសាស្រ្តនិយាយថា ម្ចាស់ឆ្នាំច ដែលរមែងជាមនុស្សមានទេពកោសល្យ និងចរិតថ្លៃថ្នូរ ក៏តែងតែមើលឃើញចក្ខុវិស័យរយៈពេលយូរ និងប្លែកពីគេ ក្នុងការធ្វើអាជីវកម្ម និងជំនួញផ្សេងៗ។ ហេតុនេះទោះផ្តើមពីតូច ក៏ឆាប់បានកើតជាដុំមាសធំ ជួយឲ្យពួកគេទទួលបានជោគជ័យ យ៉ាងឆាប់រហ័ស។
ដោយសារលាភត្រូវចូលមកដល់ ជីវិតដូចខ្សែទឹកហូរ និងបញ្រ្ចាសវិលទៅរកជោគជ័យ ១៨០ ដឺក្រេ មិនឲ្យម្ចាស់ឆ្នាំច មានការហត់នឿយខ្លាំងទៀតទេ យ៉ាងយូរត្រឹមដើមខែថ្មីខាងមុខ។ ទាំងទ្រព្យ ទាំងញាតិ ទាំងទំនាក់ទំនងស្នេហា ទទួលបានមួយពេញចិត្ត។
អ្នកកើតឆ្នាំជូត – កណ្ដុរ
ហោរាសាស្រ្តពោលមកថា នៅរយៈពេលនៃខែថ្មីមិថុនាតទៅនេះ សម្រាប់ម្ចាស់ឆ្នាំជូត ដែលតែងតែមានការខិតខំព្យាយាម មិនខ្ជិល មានភាពរឹងមាំ ច្បាស់លាស់ក្នុងអាជីពការងារ ការរកស៊ី គឺដល់ពេលដែលទទួលផ្កាយលើកយីអ៊ុនដ៏ធំមួយ ចូលមកដល់ជីវិតរបស់ពួកគេ។
ទេវតាទ្រព្យបានកត់ឈ្មោះម្ចាស់ឆ្នាំជូតចូលក្នុងបញ្ជី ហើយរង់ចាំពេលប៉ុន្មានថ្ងៃបន្ទាប់ទៀត ដើម្បីប្រោះព្រំសំណាងធំ មកដល់ពួកគេ។ ប្រាក់ចំណូលក៏នឹងកើន ប្រាក់ចំណេញក៏នឹងចូលមកលើសពីការរំពឹងទុកសម្រាប់អ្នករកស៊ី៕
ប្រភព៖ បរទេស | ប្រែសម្រួល៖ ក្នុងស្រុក