នៅរយៈពេល ៩៩ ថ្ងៃទៅមុខ លាភនឹងសម្រុកហូរចូលដល់ម្ចាស់ឆ្នាំទាំង ៤ ក៏ប៉ុន្តែក៏ទាមទារនៅលក្ខខណ្ឌមួយចំនួនផងដែរ នោះគឺតម្រូវឲ្យចេះដាក់ខ្លួន បន្ទាបកាយ មិនត្រូវក្រអឺតក្រទម ឬសម្លឹងឃើញតែប្រយោជន៍ខ្លួនឯងនោះទេ។ បើអ្នកកើតឆ្នាំ ៤ អាចអនុវត្តក្បួនណែនាំនេះបាន នោះតាមជើងលេខ នឹងអាចជួបលាភសំណាងធំ នៅពេលខាងមុខ៖
អ្នកកើតឆ្នាំជូត - កណ្តុរ
រមែងជាមនុស្សមានការខិតខំប្រឹងប្រែង ពេញចិត្តការរស់នៅក្នុងជីវិតបែបសាមញ្ញ ហើយមិនត្រឹមតែប៉ុណ្ណោះ ក៏ជាមនុស្សដែលគួរឲ្យទុកចិត្ត និយាយអ្វីគឺធ្វើហ្នឹង បើធ្វើមិនបាន គឺមិនងាយបោះបង់ឡើយ។
ក្នុងរយៈពេល ៩៩ ថ្ងៃបន្ទាប់នេះ ជោគជតារាសីរបស់ម្ចាស់ឆ្នាំជូត នឹងឡើងខ្ពស់ អាចទទួលដំណឹងល្អ នៅផ្លូវខាងមុខ។ វាសនារបស់បុគ្គលនេះ នឹងអាចកើបលុយធំចូលផ្ទះ រីឯអ្នកធ្វើដំណើរឆ្ងាយពីក្រុមគ្រួសារ ក៏ហៀបនឹងបានដំណឹងល្អមកចែកដល់សមាជិកផងដែរ តែវាក៏ពាក់ព័ន្ធនឹងចរិតដូចបានណែនាំពីខាងលើ។
អ្នកកើតឆ្នាំឆ្លូវ - គោ
ជាមនុស្សដែលតែងមានអាកប្បកិរិយាទន់ភ្លន់ មិនឆ្មើងឆ្មៃ ដឹងចាស់ទុំ ដឹងរាក់ជ្រៅ មិនងាយបង្កកំហុសឡើយក្នុងជីវិត។ មនុស្សនេះ មិនចូលចិត្តនឹងបង្កជម្លោះជាមួយអ្នកដទៃ ហើយក៏មិនសូវខ្វល់នឹងពាក្យពេចន៍មនុស្សក្បែរខ្លួនច្រើនពេកដែរ បើល្អក៏ស្តាប់យក តែបើអាក្រក់ ក៏ផាត់ចេញឆ្ងាយ។
ក្នុងរយៈពេល ៩៩ ថ្ងៃបន្ទាប់ តាមថារាប់ ពីថ្ងៃ ២០/១២ នេះតទៅ ម្ចាស់ឆ្នាំខាល នឹងផ្ទុះសំណាងធំ ដូចត្រូវឆ្នោតរង្វាន់ប្រាក់លាន នាំឲ្យទ្រព្យសម្បត្តិកើនឡើងខ្លាំង។ អ្នកក៏មានលទ្ធភាពអាចរកត្រឹមតែប៉ុន្មានថ្ងៃ ប្រហែលនឹងមនុស្សធម្មតារកមួយខែ។ តែយ៉ាងណាសូមប្រយ័ត្នពាក្យពេជន៍ កុំនិយាយដូចមានតែឯង កុំដំឡើងឬក ទោះបានខ្ពស់ប៉ុណ្ណាក៏ដោយ។
អ្នកកើតឆ្នាំមមី - សេះ
ជាមនុស្សដែលមិនខ្វះកម្លាំង ជាមនុស្សក្លាហាន រឹងមាំ ស្វាហាប់ រួចក៏មានទំនួលខុសត្រូវខ្ពស់ក្នុងជីវិតផងដែរ។ អរគុណចំពោះពេលវេលាខិតខំ និងការចេះដាក់ខ្លួន តាំងពីដើមមក ឥឡូវអាចមកប៉ះប៉ូវកើតជាលាភធំ ត ៩៩ ថ្ងៃខាងមុខ។
ជាពេលវេលារំភើបសម្រាប់ម្ចាស់ឆ្នាំមមីទាំងឡាយ បើជានិស្សិត អ្នកនឹងទទួលបានលទ្ធផលល្អក្នុងការប្រលងនានា បើជាអ្នកបំពេញការងារ នោះនឹងបានឡើងឋានៈ ហើយបើជាអ្នករកស៊ីប្រាក់កាស នោះក៏នឹងហូរចូល ដូចគេខ្ជាក់ឲ្យ។
អ្នកកើតឆ្នាំច - ឆ្កែ
អ្នកកើតឆ្នាំច ជាមនុស្សដែលពូកែខាងបង្កើតទំនាក់ទំនង ហើយរមែងប្រើប្រាស់បណ្តាញនោះ ក្លាយទៅជាអាជីពបង្កើតចំណូលជាប្រចាំ។ ស្ទើរពេញមួយជីវិតម្ចាស់ឆ្នាំឆ្កែ តែងតែជួបសំណាង ហើយតទៅពាក់កណ្តាលខែកក្កដា ក៏នឹងកាន់តែសំណាងគុណ។
លាភសំណាងនឹងកាន់តែធំ ធំជាងខែមុនៗទៅទៀត ពោលវានឹងក្លាយជាផលលើសការរំពឹងទុក តែយ៉ាងណាត្រូវចាំ កុំខ្ជិល កុំធុញនឹងការងារឬរបររកស៊ីខ្លួនឯង កុំមើលស្រាលអ្នកដទៃថាទាបឬអន់ជាងខ្លួន ពោលបើខំពង្រឹងបន្ថែម គួបផ្សំលាភដែលបម្រុងមកដល់ផង អ្នកនឹងអាចសល់លុយទិញឡាន ទិញផ្ទះសម្រាប់ខ្លួនឯងក៏ថាបាន៕
ប្រភព៖ បរទេស | ប្រែសម្រួល៖ ក្នុងស្រុក