ជ្រើសរើសរូបព្រះមួយអង្គ ដើម្បីដឹងថា សំណាងអ្វី កំពុងរង់ចាំអ្នកនៅក្រោយថ្ងៃវិសាខបូជា?
បុណ្យវិសាខបូជា ជាបុណ្យមួយយ៉ាងធំក្នុងព្រះពុទ្ធសាសនា នាថ្ងៃពេញបូណ៌មី ថ្ងៃ១៥កើត ខែវិសាខ ដែលពុទ្ធសាសនិក ទាំងព្រះសង្ឃ ទាំងគ្រហស្ថ តែងធ្វើសក្ការបូជាប្រកបដោយជំនឿថាជា មហាកុសល ដ៏ប្រសើរ ។
ការដែលប្រារព្ធពិធីបូជានាថ្ងៃ ១៥ កើតខែវិសាខនេះ អាស្រ័យដោយលោកអ្នកប្រាជ្ញខាង ព្រះពុទ្ធសាសនា បានកំណត់ គឺជាថ្ងៃ មហាមង្គល ត្រូវនឹងថ្ងៃដែលព្រះសម្ពុទ្ធបរមគ្រូ៖
ទ្រង់ប្រសូតចាកឧទរមាតា
ទ្រង់ត្រាស់ដឹងអនុត្តរសម្មាសម្ពោធិញ្ញាណ
ទ្រង់រំលត់ខន្ធចូលកាន់ព្រះនិព្វាន
ដោយឡែកងាកមកអត្ថបទ Knongsrok យើងសូមបង្ហាញការធ្វើតេស្តដ៏គួរឲ្យចាប់អារម្មណ៍មួយ តម្រូវឲ្យបងប្អូនជ្រើសរើសរវាងព្រះពុទ្ធ ១ ក្នុងចំណោមទាំង ៣ អង្គ ដើម្បីបង្ហាញ តើមានសំណាងអ្វី កំពុងរង់ចាំអ្នកនៅក្រោយថ្ងៃបុណ្យវិសាខបូជា ទី ០៤ ឧសភាតទៅ៖
ព្រះអង្គទី ១
នៅក្នុងជីវិតរបស់អ្នកនៅពេលដ៏ខ្លីខាងមុខ នឹងមានការផ្លាស់ប្តូរដ៏ធំមួយ ហើយវាក៏ជាការសម្រេចចិត្តដ៏សំខាន់បំផុត ដែលអ្នកត្រូវធ្វើដោយការបោះជំហានទៅមុខ ហើយកុំមានការភ័យខ្លាចអ្វីឲ្យសោះ។ បើទោះបីជាមានអ្វីដែលរាំងស្ទាក់នៅផ្លូវធ្វើដំណើរដំបូងៗ ក៏កុំបញ្ឈប់ឲ្យសោះ ចូរប្រឹងប្រែងបន្តិច នោះជោគវាសនារបស់អ្នកនឹងទទួលបានលាភធំ ជាការតបស្នងមកវិញ។
ថ្នាក់លើ អ្នកមានឋានៈខ្ពស់ជាងអ្នក គេកំពុងមើលឃើញពីការខិតខំរបស់អ្នកហើយ តែរង់ចាំដល់ពេលវេលាល្អបន្តិច ដល់ពេលវេលាដែលគួរផ្តល់លាភសំណាង តបស្នងនឹងការខិតខំរបស់អ្នក។ ចំពោះពេលវេលាទាំងនោះ មិនជាយូរទៀតនោះទេ ក្រោយបុណ្យវិសាខបូជាតទៅនេះ អ្នកនឹងចាប់ផ្តើមទទួលបានដំណឹងល្អជាបណ្តើរៗមិនខានឡើយ។
ព្រះអង្គទី ២
សប្បាយរីករាយជាបណ្តើរៗទៅ ក្តីស្រមៃមួយរបស់អ្នកនឹងក្លាយជាការពិតនៅពេលខាងមុខ។ ភាពជោគជ័យនឹងដើរអមជាមួយគ្នា ហើយចូរប្រើប្រាស់ឱកាសដែលអ្នកមានទាញយកប្រយោជន៍ពីវាឲ្យបាន។ បើអ្នកកំពុងបម្រើការងារនៅស្ថាប័នណាមួយ អ្នកត្រៀមនឹងទទួលបានលាភតាមរយៈការឡើងតំណែងទៀតផង។
រីឯអ្នករកស៊ី ចំខែឧសភានេះ ជាខែរកភ្ញៀវបានច្រើន រកអតិថិជន កើតផលចំណេញបានច្រើន កើនតែតួលេខលក់ ឥតស្គាល់ពាក្យខាត។ ការខាតបង់ទាំងឡាយនៅពេលមុន នឹងរសាត់បាត់អស់ សល់មកវិញ តែសំណាង តែភាពមានបានឥតខ្វះចាយ សប្បាយច្រើនជាងទុក្ខ ចាំតែមើលចុះ។
ព្រះអង្គទី ៣
កាលពីខែមុនៗ អ្នកបានហែលកាត់បញ្ហាច្រើនណាស់មែនទេ រឿងជាច្រើនបានដាក់បន្ទុកកាន់តែធ្ងន់មកលើអ្នក តែមិនអីទេ ចូលដល់ពេលវេលាខាងមុខ វានឹងធូរស្រាលច្រើនហើយ។ សម្ពាធការងារ គ្រួសារ ជីវិតផ្ទាល់ខ្លួន នឹងសឹងតែលែងមាន នាំឲ្យអ្នកទទួលអារម្មណ៍ថា ស្រឡះក្នុងខ្លួន អាចរីករាយជាមួយពេលវេលានៅខែថ្មី បានដោយមានសុភមង្គលជាទីបំផុត។
អ្នកជ្រើសរើសព្រះអង្គទី ៣ ក៏រមែងនឹងមានគេស្ថិតនៅទីខ្ពស់មកតាមជួយថែរក្សា ទាញឲ្យងើបឡើងជាបន្តបន្ទាប់ ហើយក៏ជួយដឹកដៃឆ្ពោះទៅវិថីរីកចម្រើនក្នុងជីវិតផងដែរ។ បន្ថែមពីសំណាងដែលជួប ទៅមើលឧបសគ្គរបស់ពួកគេវិញ ក៏នឹងអាចជម្នះបានដោយភាពនឹងន ហើយមិនជាមានរឿងអ្វីគួរឲ្យបារម្ភខ្លាំងឡើយ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
