ម្ចាស់ស្រីឆ្នាំ ៥ ចូលចិត្តហូបច្រើន ឡើងគីឡូស្រឺតៗ តែអឺតឆ្វេងស្តាំមានសុទ្ធមនុស្សល្អចាំជួយ
បើតាមហោរាសាស្រ្តបានមើលឃើញពីវាសនាម្ចាស់ស្រីឆ្នាំ ៥ មិនងាយរកស្គមឃើញទេ ព្រោះអីនាងចូលចិត្តការទទួលហូបចុកច្រើន ហើយគីឡូក៏ឡើងមិនងាយស្រក ក៏ប៉ុន្តែរាល់ការធ្វើដំណើរទៅណាមកណា នាងហាក់ដូចមានគេតាមថែរក្សា គេស្រលាញ់រាប់អានជុំទិសទី៖
អ្នកកើតឆ្នាំខាល - ខ្លា
ភាគច្រើននៃអ្នកកើតឆ្នាំខាល មានសាច់តាំងនៅក្មេងខ្ចី ហើយគីឡូក្នុងភាពយុវវ័យក៏រាងធ្ងន់ ឥតក្រោម ៥០ ឡើយ។ ក៏ប៉ុន្តែសុខភាពរបស់នាង មិនដែលធ្វើទុក្ខ កើតជាជំងឺធ្ងន់ធ្ងរអ្វីឡើយ ជារួមគឺមានសុខភាពល្អជាធម្មតា បើទោះបីទទួលទានច្រើនបន្តិចមែន។
មុខស្រស់ភ្លឺចិញ្ចាច ដូចទេពធីតាចុះពីស្ថានសួគា រាយមន្តស្នេហ៍ដល់មហាបុរសទាំងឡាយ ទោះរាងមានសាច់ ទម្រង់មុខរាងមូលពងក្រពើបន្តិច តែច្រើនទទួលបានការតាមស្រលាញ់ជុំទិស។ នាងក៏រមែងតែងស្ថិតក្នុងបញ្ជីម្ចាស់ឆ្នាំ ដែលទេវតាទ្រព្យទម្លាក់មកជារឿយៗ ហើយមនុស្សនេះឈ្លាសវៃ ស្លូតបូត និងមានចិត្តល្អ ហើយក៏តែងតែទទួលបានពរជ័យពីព្រះ រួចក៏ពួកគេក៏មានចិត្តល្អ ផ្ទេរវាទៅកាន់មនុស្សជុំវិញខ្លួន។
អ្នកកើតឆ្នាំថោះ - ទន្សាយ
មួយថ្ងៃគេលូក ៣ ពេល តែម្ចាស់ឆ្នាំថោះ ថ្ងៃខ្លះលូកដល់ ៥ ពេលក៏មាន ឃើញអីលូកហ្នឹង ដាក់ចេះតែចូល ចេះតែឆ្ងាញ់មាត់រហូត។ អ្នកកើតឆ្នាំទន្សាយ ទៅដល់ទីណា នាំភាពសម្បូរសប្បាយទៅដល់ទីនោះ ហើយតែងជម្រុះទុក្ខសោក ការលំបាក ការស្មុគស្មាញទាំងឡាយរបស់មនុស្សជុំវិញខ្លួន។
ម្ចាស់ឆ្នាំនេះ ធំធាត់លឿន រីកចម្រើនខ្លាំងណាស់ ដែលនឹងជួបឱកាសថ្មីៗក្នុងជីវិត ដូច្នេះចូរចាប់យកឲ្យបានល្អផង។ សំណាងនេះ បើអ្នកចេះចែកចាយ នឹងអាចចែកដល់មនុស្សជុំវិញខ្លួនឲ្យទទួលបានសុខសុភមង្គលរួមគ្នាផងដែរ។
ស្រ្តីកើតឆ្នាំមមី - សេះ
ទន្ទឹមនឹងការចូលចិត្តភាពរីករាយ បង្កើតសំណើចដល់មនុស្សក្បែរខ្លួន តែរាល់ពេលហូបចុក ក៏នាងរាងសកម្មជាងគេដែរ។ ស្រ្តីនេះ មានភាពច្នៃប្រឌិត ឈ្លាសវៃ ក្នុងការដោះស្រាយបញ្ហានានានៅចំពោះមុខ។
តាមជើងលេខសំណាង នាងតែងតែជួបមនុស្សល្អៗ ហើយក៏មានឱកាសច្រើនក្នុងការអភិវឌ្ឍខ្លួន និងទទួលបានផ្លែផ្កាឆាប់រហ័សជាងម្ចាស់ស្រីឆ្នាំដទៃ។ ក៏អរគុណនូវអាកប្បកិរិយាល្អពីកំណើត គួបផ្សំនឹងសំណាងមួយផ្នែកផង ទើបរុញឲ្យស្រ្តីឆ្នាំមមី ឆាប់មានបានសោយសុខលឿន។
ស្រ្តីកើតឆ្នាំរកា - មាន់
មនុស្សស្រីកើតឆ្នាំរកា អត់ចេះជំពាក់នរណាទេ ព្រោះមានអារម្មណ៍មិនស្រណុកក្នុងខ្លួន ហើយបើនរណាជួយនាង គឺនាងចាំគុណគេមួយជីវិត។ ដោយសារភាពបុិនប្រសព្វនៃការនិយាយ ការគិតមុនគូរ ក៏រមែងនាំឲ្យនាងមានមនុស្សម្នាស្រលាញ់រាប់អានច្រើន។
ស្រ្តីកើតឆ្នាំរកា កាន់តែហូបច្រើន ជីវិតកាន់តែចម្រើនទៅតាមនោះ ហើយចាំអង្កេតមើលចុះ ភាគច្រើននៃម្ចាស់ស្រីឆ្នាំមាន់ មិនសូវជាស្គមទេ ពោលគីឡូខ្ពស់ជាង ៦០ តែនាងពេញចិត្តនឹងការរស់នៅរបៀបបែបនោះ ដោយវាជាភាពពេញលេញមួយ ទាំងទ្រព្យ និងសេចក្តីស្នេហា។
ស្រ្តីកើតឆ្នាំកុរ – ជ្រូក
ជាម្ចាស់ស្រីដែលមានចរិតស្លូតបូត និងមានតម្លៃជាខ្លួនឯង ហើយមានការជឿជាក់ខ្ពស់ណាស់ រាល់ការដំណើរការកិច្ចការងារអ្វីមួយ។ ក៏ដោយសារនាងមានសមត្ថភាព ទេពកោសល្យអំណោយទានពីកំណើតផង។
រាល់ជួបការលំបាក នាងមិនដើរថយក្រោយទេ ពោលច្រើនរកដំណោះស្រាយ ហើយជីវិតម្ចាស់ស្រីឆ្នាំកុរ បើលំបាកក៏មិនលំបាកយូរ ព្រោះដូចមានគេហុចដៃមកជួយ មកត្រួសត្រាយបង្ហាញផ្លូវល្អឲ្យនាងដើរជាប់ជានិច្ច។ បើបានស្វាមី ក៏ប៉ះប្តីល្អ នាំសំណាង នាំលាភ ជួយឲ្យជីវិតកាន់តែរីកធំថែមទៀត៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
