តាមរយៈការទស្សន៍ទាយពីអនាគត ដោយប្រើក្បួនខ្នាតទំនើបមួយនេះ យើងសូមឲ្យអ្នកធ្វើការជ្រើសរើសនូវត្រីមាសមួយ ក្នុងចំណោមត្រីទាំងបី រួចសឹមធ្វើការផ្ទៀងផ្ទាត់ចម្លើយនៅខាងក្រោម អំពីដំណើរជីវិតរបស់អ្នក នៅរយៈពេល ៥ ឆ្នាំទៅមុខ៖
ត្រីមាសទី ១ - សំណាងមិត្តភាព
អ្នកកំពុងមានមនុស្សល្អម្នាក់នៅក្បែរ តែគេមិនមែនជាគូស្នេហាអ្វីនឹងអ្នកឡើយ ពោលគេអាចជាមិត្តភ័ក្ដិតាំងពីក្មេងមក ឬមិត្តរួមការងារ ឬថ្នាក់លើទើបតែស្គាល់គ្នានៅប៉ុន្មានឆ្នាំក្រោយ។
ទោះជាយ៉ាងណា អ្នកមិនទាន់មើលឃើញពីភាពស្មោះត្រង់ និងភាពល្អពិតប្រាកដរបស់គេនៅឡើយទេ ពោល ៥ ឆ្នាំទៅមុខនេះ អ្នកនឹងបានឃើញច្បាស់ ថាជុំវិញខ្លួនអ្នក នរណាល្អពិត នរណាល្អក្លែងក្លាយ នរណារាប់អានអ្នកដើម្បីតែប្រយោជន៍ នរណារាប់អ្នក ដោយប្រើសេចក្តីស្មោះត្រង់ទៅវិញទៅមក។ ក៏ប៉ុន្តែអ្នកក៏ត្រូវប្រយ័ត្នបន្តិចដែរ ព្រោះខណៈពេលនេះ មានមនុស្សជិតខ្លួនអ្នកបំផុត ក៏គួរឲ្យខ្លាចបំផុត។
ត្រីមាសទី ២ – សំណាងផ្នែកទ្រព្យ
ហិរញ្ញវត្ថុរបស់អ្នក នឹងបោះទៅចំណុចកំពូល ឡើងពីចំណុចទាបមកខ្ពស់ ហក់ទៅសញ្ញាពណ៌បៃតង នៅរយៈពេល ៥ ឆ្នាំតទៅមុខ។ ស្ថិរភាពនឹងមានពីនេះ ហើយនាំឲ្យអ្នកមានបាន សល់របស់ទ្រព្យធ្ងន់ជាច្រើនក្នុងដៃ។
ទោះជាយ៉ាងណា យើងណែនាំឲ្យអ្នកកុំធ្វើការសម្រេចចិត្តអ្វីតក់ក្រហល់ពេក ហើយកុំឆាប់ជឿសម្តីអ្នកដទៃពេក ពោលគ្រប់រឿងតូចធំ ពីពេលនេះតទៅ ហាមផ្តាច់មិនឲ្យពាក្យសម្តីមនុស្សខាងក្រៅ មកជះឥទ្ធិពលលើបេះដូងអ្នកឡើយ។
ត្រីមាសទី ៣ – សំណាងសុភមង្គល
ពេលខ្លះមានលុយ ខ្វះក្តីសុខក៏មាន តែសំណាង ៥ ឆ្នាំទៅមុខ សម្រាប់អ្នកជ្រើសយកត្រីមាសទី ៣ នេះ គឺសំណាងសុភមង្គល។ លុយក៏ហូរចូល រីឯសុខភាពផ្លូវកាយផ្លូវចិត្តក៏ល្អ នាំឲ្យអ្នកទទួលបានភាពរីករាយពេញលក្ខណៈជាមួយសមាជិកក្រុមគ្រួសារសាច់ញាតិទាំងជិតឆ្ងាយ។
អ្នកនឹងមានដំណើរកម្សាន្តជួបជុំបងប្អូនកើតឡើងច្រើន នៅប៉ុន្មានឆ្នាំទៅមុខ ហើយធ្វើឲ្យអ្នកយល់ឃើញថា សេចក្តីសុខពិត មិនមែនស្ថិតនៅលើទ្រព្យសម្បត្តិឡើយ តែគឺការដែលឃើញមនុស្សជុំវិញខ្លួនគេអាចរីករាយដូចជាអ្នកដែរ គេអាចមានក្តីសុខដូចជាអ្វីដែលអ្នកកំពុងមាន៕
ប្រភព៖ បរទេស | ប្រែសម្រួល៖ ក្នុងស្រុក