ខែថ្មី ខែមករា ក៏កៀកនឹងចូលមកដល់នៅពេលដ៏ខ្លីខាងមុខ ដោយវាហាក់ធ្វើឲ្យយើងមានអារម្មណ៍ស្រស់ស្រាយជាបណ្តើរៗទៅហើយ សម្រាប់ចាប់ផ្តើមជំហានជីវិតបន្ទាប់ទៀត។ ចូរជ្រើសរើសសន្លឹកបៀរមួយ ដែលអ្នកពេញចិត្ត ដើម្បីទទួកយកសារបន្ទន់ចិត្ត អង្រួនក្តីស្រមៃ ក៏ដូចជាអាចបង្កើនស្នាមញញឹមបន្ថែម៖
សន្លឹកបៀរទី ១
ពេលនេះជាពេលល្អបំផុតដើម្បីជឿជាក់លើក្តីសុបិន្តរបស់ខ្លួនឯង ហើយសួរខ្លួនឯងតើក្នុងជីវិតនេះអ្នកចង់បានអ្វីឲ្យពិតប្រាកដ? ប្រើប្រាស់ឆន្ទៈនិងមហិច្ឆតា រួចដើរតាមផ្លូវនោះ អមដោយការគិតវិជ្ជមាន និងភាពច្នៃប្រឌិតដែលអ្នកមានតាំងពីដើមមក។
ដំណើរផ្សងព្រេងរយៈពេលយូរ វាទាមទារសំណាងខ្លះដែរ អ៊ីចឹងហើយទើបការគិតវិជ្ជមានជាជម្រើសល្អបំផុត ព្រោះអំណោយទានពីធម្មជាតិភាគច្រើន តែងតែធ្លាក់មកដល់មនុស្សដែលគិតវិជ្ជមានប៉ុណ្ណោះ។
សន្លឹកបៀរទី ២
បន្តនូវភាពដឹងគុណ ការអំណរគុណដល់អ្នកដែលបានជួយអ្នក ហើយរឿងល្អៗនឹងបន្តចូលមកក្នុងជីវិតរបស់អ្នកនៅពេលខាងមុខ។ ក៏កុំភ្លេចអរគុណខ្លួនឯងសម្រាប់គ្រប់យ៉ាងដែលបានធ្វើ និងអ្វីដែលអ្នកដទៃបានជួយអ្នក។ ព្យាយាមរក្សាតុល្យភាពនៃការគោរពខ្លួនឯងនិងអ្នកដទៃ ជាអ្វីដែលអ្នកត្រូវធ្វើនៅពេលនេះ។
សន្លឹកបៀរទី ៣
អ្នកស្ថិតក្រោមឥទ្ធិពលនៃអំណាចវេទមន្តពីធម្មជាតិ ដែលអ្នកអាចប្រើប្រាស់វាបានក្នុងការជួយស្រោចស្រង់ខ្លួនឯងនិងមនុស្សនៅជុំវិញខ្លួន។
ចូររីករាយនូវគ្រប់យ៉ាងដែលអ្នកកំពុងមាននៅពេលនេះ ហើយបន្តឲ្យវាដើរទៅតាមព្រេងវាសនាដែលបានចារមក តែកំឡុងពេលជាមួយគ្នាក៏កុំភ្លេចប្រើប្រាស់កម្លាំងកាយ និងកម្លាំងគិតរបស់ខ្លួនឯងខ្លះផង។ គ្រប់យ៉ាងដែលកើតឡើងនៅលើលោក លើសពីភាពចៃដន្យ តែយើងគឺជាអ្នកបង្កើត៕
ប្រភព៖ បរទេស | ប្រែសម្រួល៖ ក្នុងស្រុក