ផ្ញើទៅកាន់អ្នកដែលកំពុងស្ថិតក្នុងស្នេហាច្បាស់លាស់ក្តី ឬស្នេហាស្រពិចស្រពិលក្តី សូមជ្រើសរើសនូវបៀរមួយសន្លឹក ដើម្បីឲ្យយើងទាយដឹងថា តើដៃគូរបស់អ្នក ឬមនុស្សដែលអ្នកកំពុងលួចស្រលាញ់ ខណៈនេះ បានគិតបែបណាខ្លះមកលើអ្នក?
សន្លឹកបៀរទី ១
មិនថាតែគេនោះ ជាបុរសឬ នារី បាននឹងដក់ជាប់ចិត្តមកលើអ្នក គ្រាន់តែគេជាមនុស្សស្ងៀមស្ងាត់មិនសូវចេះ និយាយ ហេតុនេះមិនសូវបានបង្ហាញអារម្មណ៍ចំៗមកកាន់អ្នកឡើយ។ តែយ៉ាងណាគេជាមនុស្សចាស់ទុំ ដែលបានគិតគូរល្អិតល្អន់ពីអនាគតទៅមុខ ដូច្នេះមានរឿងអ្វី ក៏គេនឹងមិនងាយលែងដៃអ្នកដែរ។
សន្លឹកបៀរទី ២
ម្នាក់នោះ កំពុងគិតអំពីផែនការណ៍ចង់ផ្តល់អ្វីមួយដ៏ភ្ញាក់ផ្អើលមកកាន់អ្នក។ មិនថាក្នុងថ្ងៃពិសេស ឬថ្ងៃធម្មតាអ្វី គេតែងតែគិតពីវិធីសាស្រ្តបែបណា ចង់ធ្វើឲ្យអ្នកញញឹមច្រើនជាងទុក្ខ រួចចូលចិត្តរកនឹកអ្វីថ្មី កន្លែងដើរលេងថ្មី កន្លែងញុាំអាហារឆ្ងាញ់ៗ ពោលចង់ឲ្យមនុស្សជុំវិញខ្លួន ច្រណែននឹងជីវិតរបស់អ្នក បើទោះបីគេត្រូវលះបង់កម្រិតណាក៏ដោយ។
សន្លឹកបៀរទី ៣
ជាសន្លឹកបៀរមិនសូវល្អប៉ុន្មានទេ ព្រោះដៃគូស្នេហារបស់អ្នក ហាក់មានការសង្ស័យរឿងអ្វីមួយ គ្រាន់តែគេមិនហ៊ានសួរនាំចំៗ ឬរង់ចាំពេលវេលាល្អណាមួយ ដើម្បីសួរអ្នកដោយផ្ទាល់។
ចូរអ្នកធ្វើការរំឭកឡើងវិញ នូវរាល់សកម្មភាព ការនិយាយស្តីទាំងឡាយ ថាអ្នកបានធ្វើអ្វីដែលមើលទៅខុសឆ្គង ឬប៉ះពាល់អារម្មណ៍របស់គេដែរទេ បើនឹកឃើញហើយ ក៏កុំធ្វើមិនដឹងអី ចូរទៅដោះស្រាយវាភ្លាមទៅ។
សន្លឹកបៀរទី ៤
គេហាក់រំភើប ក៏ដូចជាមានមោទនភាព នឹងការដែលអាចបង្កើតក្តីស្រលាញ់ជាមួយអ្នក។ គេមើលឃើញអ្នកដូចជាគ្រាប់ពេជ្រដ៏មានតម្លៃមួយអ៊ីចឹង តែគេមិនដឹងថាគួរបរិយាយបែបណានៅចំពោះមុខអ្នកឡើយ៕
ប្រភព៖ បរទេស | ប្រែសម្រួល៖ ក្នុងស្រុក