បើតាមក្បួនចិនសែទស្សន៍ទាយមកថា ជោគវាសនាអ្នកកើតឆ្នាំទាំង ៥ ដូចបង្ហាញខាងក្រោម គឺតម្រូវឲ្យបន្ថែមស្នាមញញឹមជាប់លើមុខច្រើន ទើបអាចកើនទ្រព្យ ពោលមានលុយហូរចូលរាប់ចុកដៃពីព្រលឹមទល់ព្រលប់៖
អ្នកកើតឆ្នាំជូត - កណ្តុរ
ឆ្នាំជូត ជាមនុស្សមិនសូវចេះនិយាយច្រើនទេ ស្ងៀមៗតែពោរពេញដោយទំនួលខុសត្រូវនិងភាពជាអ្នកដឹកនាំខ្ពស់ក្នុងជីវិត។ មនុស្សនេះ ស៊ូឲ្យគេមើលងាយខ្លួន តែមិនឲ្យប៉ះពាល់ទាំងកាយវិការនិងពាក្យសម្តី ទៅលើក្រុមគ្រួសារ ឬមនុស្សជាទីស្រលាញ់។
ជាទូទៅ តែងដើរជាខ្នងបង្អែកយ៉ាងរឹងមាំ ហើយពេលវេលា ឆ្នាំបន្ទាប់ ២០២៤ ជូតមានសំណាង ហូបឆ្អែតដេកឆ្អែត បានសុខ មិនសូវហត់ និងសល់លុយសល់កាក់អាចសន្សំទ្រព្យធំ ទុកវិនិយោគក្លាយជាផលចំណេញនាពេលទៅមុខទៀតផង។
អ្នកកើតឆ្នាំខាល - ខ្លា
ជាមនុស្សស្លូតបូត ស្មោះត្រង់ ហើយមានសមត្ថភាពក្នុងការគ្រប់គ្រងលើផ្នែកហិរញ្ញវត្ថុពីកំណើត។ ចាយតិច ខំរកមកវិញ សន្សំចូលច្រើន និយាយទៅជាមនុស្សឈ្លាសវៃរឿងលុយកាក់។
គួបផ្សំនឹងការខិតខំប្រឹងប្រែង បូកសំណាងត្រៀមផ្ទុះឡើងនៅឆ្នាំទៅមុខផង ក៏នាំឲ្យមនុស្សឆ្នាំខាល អាចជម្នះអស់រាល់គ្រោះ រាល់ឧបសគ្គទាំងឡាយ មិនថាមកពីជិតពីឆ្ងាយក៏ចូលបៀតមិនបានដែរ។ សញ្ញារាសីចក្រទាំងលើអាជីពការងារ និងការរកស៊ីគឺអាចជោគជ័យខ្ពស់ចន្លោះពេលនេះ។
ដ្បិតបើកន្លងមកមានគ្រោះច្រើនក្នុងជីវិត តែមិនអីទេពេលខាងមុខនេះទៅ គឺនឹងល្អវិញហើយ។ ជាពិសេសចំល្បាក់ចុងឆ្នាំ ចូលដើមឆ្នាំថ្មី ២០២៤ អ្នកកើតឆ្នាំខាល នឹងមានយីអ៊ុនឡើងខ្ពស់ ហើយបើចេះចាប់យកឱកាសទាំងនោះផង នោះនឹងមានលុយកាន់ពេញ ល្មមនឹងរាប់ហត់។
អ្នកកើតឆ្នាំមមី - សេះ
ជាមនុស្សមានចរិតស្មោះត្រង់ ចេះមើលថែអ្នកក្បែរខ្លួន ចេះដាក់ខ្លួន បន្ទាបកាយមិនកោងកាច ហើយឈ្លាសវៃរាល់ការសម្រេចចិត្តផ្សេងៗ។ តាមហោរាសាស្ត្រនៅឆ្នាំ ២០២៤ រាសីនឹងហោះឡើង ដូចខ្លែងជួបខ្យល់ ហក់ផុតទៅលើ នាំឲ្យក្លាយជាពេលអាចកែប្រែជីវិតត្រឹមមួយពព្រិចភ្នែក។
អ្នកប្រៀបដូចទទួលបានរង្វាន់ធំសម្រាប់ជីវិត ពោលនឹងមិនហត់ ឬខ្វល់ខ្វាយរឿងហិរញ្ញវត្ថុដូចជាពេលមុនទៀតឡើយ។ យ៉ាងណាបើមានលុយក្នុងដៃហើយ ក៏ចេះគ្រប់គ្រងនិងបែងចែកប្រើប្រាស់ឲ្យបានជាផលចំណេញទៅពេលខាងមុខផង ជៀសវាងការចាយវាយដោយមិនបានគិតឲ្យបានល្អិតល្អន់។
អ្នកកើតឆ្នាំមមែ - ពពែ
ជាមនុស្សមានភាពឧស្សាហ៍ព្យាយាម ហើយតែងតែមានសំណាងនៅនាទីចុងក្រោយ។ ចាំសង្កេតមើល មនុស្សនេះជួបទុក្ខ ក៏ជួបមិនយូរ ដល់សុខៗ ក៏រំលេចអ្វីម្យ៉ាងជួយឲ្យគេឆ្លងវាផុត ហើយប្រែជាភាពសប្បាយរីករាយត្រលប់មកវិញ។
ជាងនេះដែរ រឿងលុយកាក់នៅឆ្នាំបន្ទាប់ គឺជាសញ្ញាហោះឡើងទៅចំណុចខៀវខ្ពស់ត្រដែត នាំឲ្យជីវិតជួបតែភាពសម្បូរបែប ផ្ទុះសុភមង្គលខ្លាំងល្មមឲ្យគ្រប់គ្នាច្រណែន។ អ្នកខ្លះមានកប់ពពក ចង់ប្រាថ្នាបានជីវិតដូចអ្នកទៀតផង។
អ្នកកើតឆ្នាំវក - ស្វា
ជាមនុស្សដែលមានទេពកោសល្យ និងសមត្ថភាពពីកំណើត។ មនុស្សនេះឆ្លាតនិងមោះមុតខ្លាំងណាស់ ហើយការបង្កើតទំនាក់ទំនងជាមួយអ្នកដទៃក៏ធ្វើទៅបានល្អណាស់ដែរ។
មកដល់រយៈពេលនៃឆ្នាំ ២០២៤ ខាងមុខ ក៏នឹងដល់ពេលវេលាសម្រាប់អ្នកកើតឆ្នាំវកផងដែរ ក្នុងការកើបទ្រព្យសម្បត្តិជាច្រើន។ រាល់កិច្ចការងារ ឬដាក់ផែនការណ៍ធ្វើអ្វីថ្មីក្នុងជីវិត ក៏នឹងរមែងទទួលបានជោគជ័យជានិច្ច តែកុំភ្លេចទំនាយចិនសែផងណា ចូរញញឹមឲ្យបានច្រើនៗ៕
ប្រភព៖ បរទេស | ប្រែសម្រួល៖ ក្នុងស្រុក