ម្ចាស់ឆ្នាំទាំង ៤ និស្ស័យអណ្ដែត អើតឆ្វេងឃើញលាភ ងាកស្តាំឃើញសំណាង ពេញ ២ ខែបន្ទាប់
រយៈពេល ៦០ ថ្ងៃរាប់ចាប់ពីពាក់កណ្តាលខែឧសភា ដល់ពាក់កណ្តាលខែកក្កដា ពោលល្បាក់ ២ ខែខាងមុខ ម្ចាស់ឆ្នាំទាំង ៤ នឹងមាននិស្ស័យអណ្ដែត ឡើងខ្ពស់គ្រប់វិស័យត្រជាក់ត្រជំពេញមួយគ្រួសារ៖
អ្នកកើតឆ្នាំរកា - មាន់
ជោគវាសនាម្ចាស់ឆ្នាំរកា នឹងរីកជាមួយទ្រព្យ ជាមួយលុយចូលហោប៉ៅ តាមខ្សែសំណាងដែលព្រះប្រទានឲ្យនៅរយៈពេល ២ ខែខាងមុខ។ គំនិតគិតឃើញអ្វីល្អៗ ឲ្យអ្នកអាចដើរនាំមុខគេជានិច្ចនៅចន្លោះពេល ៦០ ថ្ងៃ។
ជោគវាសនាម្ចាស់ឆ្នាំរកា នឹងមានភាពស្ថិតស្ថេរលើផ្នែកសំណាង ត្រជាក់ត្រជំពេញលេញ ដូចបានពរជ័យពីឋានសួគ៌។ រឿងរ៉ាវនឹកស្មានមិនដល់ ភាពល្អប្រសើរ នាំឲ្យកើតមានការកោតសរសើរពីមាត់អ្នកដទៃ ល្មមមនុស្សមួយចំនួនច្រណែននឹងជីវិតអ្នក។
(Add) យ៉ាងណាត្រូវចាំ កំឡុងពេលនេះដែរ ទោះឡើងខ្ពស់ប៉ុណ្ណា ក៏មិនត្រូវភ្លេចទ្រនំដើម ឬកន្លែងចាប់ផ្តើមដំបូង ហាមផ្តាច់កុំមានចរិតក្រអឺតក្រទម ព្រោះអត្តចរិតទាំងនោះ អាចនាំភាពស៊យ ទាញអ្នកឲ្យធ្លាក់ទៅវិញមួយរំពេច។ បន្តគិតអ្វីដែលល្អ រក្សាភាពសុទិដ្ឋិនិយម មើលឃើញភាពត្រូវឲ្យច្រើនជាងកំហុសរបស់អ្នកក្បែរខ្លួន នោះអ្នកនឹងកាន់តែចម្រុងចម្រើនឡើង។
អ្នកកើតឆ្នាំឆ្កែ - ច
ម្ចាស់ឆ្នាំនេះ ឧស្សាហ៍ព្យាយាម ហើយតែងតែត្រៀមលក្ខណៈដើម្បីចាប់យកឱកាស។ មនុស្សនេះ រមែងសាងឲ្យជីវិតមានភាពរុងរឿងដោយការខិតខំរបស់ខ្លួនឯង ពោលនៅមិនស្ងៀម មិនចេះនៅសម្ងំឡើយ បើទោះបីជោគជ័យមួយដំណាក់កាលហើយក៏ដោយ។
មនុស្សកើតឆ្នាំច ដល់ពេលរកលុយ សម្រុកកើបទ្រព្យចូលផ្ទះទៀតហើយ នៅចន្លោះពេល ៦០ ថ្ងៃខាងមុខ នេះដូចបានគេជួយជ្រោមជ្រែង បួងសួងអ្វីពីពេលមុន ក៏អាចសម្រេចបាននៅពេលវេលាខាងមុខផងដែរ។
(Add) តែបើបានឡើងខ្ពស់ហើយ កុំភ្លេចជ្រោមជ្រែងមនុស្សក្បែរខ្លួនផង ជាពិសេសអ្នកធ្លាប់ហែលកាត់ការលំបាកកន្លងមកជាមួយ។ ទោះជាយ៉ាងណា ចូលរួមអបអរ ព្រោះការព្រួយចិត្ត ការជួបទុក្ខសោកកន្លងមក នឹងធានារសាត់បាត់ទៅអស់ត្រឹមថ្ងៃទី ១៥ ឧសភាតទៅមុខ សម្រាប់អ្នកកើតឆ្នាំដូចបានរៀបរាប់។
អ្នកកើតឆ្នាំថោះ - ទន្សាយ
ងាយនឹងជួបពរជ័យ ជួបសំណាងច្រើន នៅខណៈពេល ៦០ ថ្ងៃខាងមុខ។ អ្នកនឹងទទួលបានភាពរីករាយជាងពេលណាៗទាំងអស់ នៅល្បាក់ពាក់កណ្តាលឆ្នាំ ២០២៣ ពោលគ្រប់យ៉ាងនឹងសម្រេចបានទាំងស្រុង នឹងដំណើរការទៅដោយរលូន គ្មានឧបសគ្គរារាំងអ្វីឡើយ។
សុភមង្គលក៏នឹងអណ្តែតឡើងនៅពេលវេលាខាងមុខនេះដែរ ទាំងខ្លួនឯង ទាំងក្រុមគ្រួសារជួបតែសេចក្តីសុខ សម្រេចបានគ្រប់យ៉ាងដ៏អស្ចារ្យ មិននឹកស្មានដល់។ តែយ៉ាងណា អ្នកកើតឆ្នាំថោះ កុំភ្លេចថែរក្សាសុខភាពឲ្យបានល្អផង។
(Add) រីឯអ្នកនៅលីវ មិនថាជាបុរស ឬស្រ្តី ដូចបានទេវតាចារមកឲ្យដល់វេលាជួបគូគាប់ភ្ជាប់និស្ស័យ ហើយបើត្រូវរ៉ូវ ក៏អាចនឹងសម្រេចចូលរោងជ័យនៅឯចុងឆ្នាំ។ ងាកទៅអ្នកមានគូស្រាប់ ត្រូវប្រុងប្រយ័ត្នបន្តិច ចូរអ្នកកុំស្តាប់សម្តីអ្នកដទៃ ឬអ្នកខាងក្រៅ ខ្លាំងជាងដៃគូខ្លួនឯង ជៀសវាងប់ះទង្គិចពាក្យសម្តី ត្រូវចាកឆ្ងាយពីគ្នាឥតអំំពើ។
អ្នកកើតឆ្នាំមមែ - ពពែ
ជាមនុស្សដែលមានជោគវាសនា ប្រទះសំណាងនៅ ២ ខែខាងមុខ។ ចន្លោះពេលនេះ អ្នកត្រូវខិតខំប្រឹងប្រែងឲ្យអស់ពីសមត្ថភាព ព្រោះជាពេលវេលាអាចបង្ហាញផ្លែផ្កាទៅកាន់អ្នកខ្ពស់ជាងខ្លួនឲ្យមើលឃើញ ហើយចាប់អារម្មណ៍នឹងផ្តល់ប្រយោជន៍ ផ្តល់ផលជាច្រើន មកកាន់អ្នកនាពេលបន្ទាប់។ រឿងលុយកាក់អ្នកនឹងមិនខ្វះចាយឡើយ នៅចន្លោះពេល ៦០ ថ្ងៃខាងមុខ។
ជាងនេះ ងាកទៅជីវិតស្នេហា បើអ្នកស្ថិតនៅពាក់កណ្តាលជីវិត នៅក៏ដល់អាយុរកបានគូគាប់ភ្ជាប់និស្ស័យផងដែរ។ ការស្រលាញ់នឹងទទួលបានពេញលេញ ពោលជាមនុស្សដែលគេបារម្ភ គេចេះមើលថែ យកចិត្តទុកដាក់លើអ្នកពិតប្រាកដ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
