តាមក្បួនចិនសែបានទស្សន៍ទាយឃើញជោគជតារាសីម្ចាស់ឆ្នាំទាំង ៣ នៅចន្លោះពេល ៣ ថ្ងៃនៃខែមិនា ពោលរាប់ពីថ្ងៃទី ៦-៧ និង ៨ ដែលវាសនារបស់ពួកគេ ដូចបានពរជ័យពីទេវតាទ្រព្យ បើកភ្នែកឃើញលុយ ឃើញលាភនៅចំមុខផ្ទះ៖
អ្នកកើតឆ្នាំឆ្លូវ – គោ
សញ្ញារាសីចក្រម្ចាស់ឆ្នាំឆ្លូវ នៅខណៈពេល ៣ ថ្ងៃខាងមុខ នៃខែមិនានេះ នឹងផ្លាស់ប្តូរទាំងស្រុង ពោលប្រុងនឹងឡើងមកក្លាយជាអ្នកមានត្រឹមមួយពព្រិចភ្នែក ប្រសិនអ្នកចេះចាប់ឱកាស ទាញប្រយោជន៍ពីវា។
វិញ្ញាណអាក្រក់ បញ្ហាទាំងឡាយ ដែលតាមយាយីនឹងរសាត់បាត់អស់យ៉ាងយូរត្រឹមថ្ងៃសិទ្ធនារី ៨ មិនានេះតទៅ។ ការខិតខំទាំងឡាយរបស់អ្នកនឹងបង្ហាញផ្លែផ្កាមកហើយ ភាពរុងរឿង ភាពអស្ចារ្យក្នុងជីវិត ក៏រំលេចដូចពន្លឺភ្លឺចិញ្ចាច។ ទាំងកិត្តិយសក្នុងអាជីពការងារ ការរកស៊ី គឺខ្ពស់ត្រដែតឡើងតែម្តង។
អ្នកកើតឆ្នាំរកា - មាន់
មនុស្សកើតឆ្នាំមាន់ មានចរិតទៀងត្រង់ ស្មោះនឹងអ្នកដទៃខ្លាំងណាស់ សឹងតែពេលខ្លះដឹងគេក្បត់ហើយ ក៏មិនចង់មាត់ថែមទៀត។ គេខិតខំតែឯង មិនខ្វល់ពីការរំខាន ឬទង្វើរបស់នរណាឡើយ ពោលព្យាយាមបង្កើតទំនាក់ទំនងឲ្យបានល្អតាមដែលអាចធ្វើទៅបាន ព្រោះជឿថា ឱកាសផ្លាស់ប្តូរជីវិតនឹងកើតឡើងមិនខាន។
ត្រឹមត្រូវហើយបើអ្នកប្រកាន់ខ្ជាប់គំនិតអស់នោះ ពេលវេលារបស់អ្នកក៏ចូលមកដល់នៅ ៣ ថ្ងៃខាងមុខខែមិនានេះ ដោយការលំបាកទាំងឡាយ នឹងរសាត់ឆ្ងាយ។ ទ្រព្យសម្បត្តិរបស់អ្នក នឹងកើនឡើងដូចព្យុះក្នុងខ្យល់ នៅរយៈពេលខាងមុខ សមល្មមនឹងគ្រប់លុយអាចទិញទ្រព្យធំចូលផ្ទះក៏ថាបាន។
អ្នកកើតឆ្នាំមមែ - ពពែ
៣ ថ្ងៃចំ ថ្ងៃទី ៦-៧ និង ៨ មិនា ស្ថិរភាពជីវិតម្ចាស់ឆ្នាំមមែនឹងបន្តមាន ពោលបន្តជួបលាភសំណាង បោះជំហានជឿនលឿនទៅមុខជានិច្ច ជាពិសេសគឺផ្នែកទ្រព្យនោះតែម្ដង។ អ្នកអាចឈានទៅមុខយ៉ាងលឿន ដូចមានគ្រាប់ខ្សាច់សំណាងភាយចូលមកអ៊ីចឹង។
ដំណើរលើផ្លូវខាងមុខ នឹងមិនមានការរាំងស្ទះអ្វីឡើយ ពោលអាចដើរទៅមុខយ៉ាងរលូន ដោយមិនឆ្លងឧបសគ្គអ្វីទាំងអស់។ វាជាពេលវេលាដ៏សក្ដិសមក្នុងការចាប់ផ្ដើមរបរ ឬការរកស៊ីតូចធំណាមួយ រីឯអ្នកប្រកបការងារ ក៏ដល់ពេលវេលាឡើងតំណែងបានប្រាក់ខែកាន់តែខ្ពស់បន្ថែមទៀត។ ចុងក្រោយអំពីរឿងរ៉ាវស្នេហា ក៏មិនមានភាពរកាំរកូសអ្វីដែរ ជារួមមានតែរឹតបន្តឹងចំណងស្នេហ៍ឲ្យកាន់តែផ្អែមល្ហែមតទៅមុខ៕
ប្រភព៖ បរទេស | ប្រែសម្រួល៖ ក្នុងស្រុក