ស្រ្តីកើតឆ្នាំទាំង ៣ ខាងក្រោម តាំងពីដើមមក នាងតែងប្រកាន់គោលជំហរមិនពឹងទ្រព្យប្តីនោះទេ ពោលសង្វាតខិតខំខ្លួនឯងតាំងពីដើមមក។ នេះបើប៉ះប្តីចេះសន្សំ ចេះមានផែនការណ៍ជីវិតច្បាស់លាស់ផង ក៏ពេលទៅមុខត្រឹមប៉ុន្មានឆ្នាំ អាចឲ្យនាងក្លាយជាសេដ្ឋិនីមានទ្រព្យក្នុងខ្លួនរាប់មិនអស់៖
ស្រ្តីកើតឆ្នាំមមី - សេះ
តែងជាស្រ្តីមានចរិតស្លូតបូត ចិត្តល្អ ចេះយកចិត្តទុកដាក់ស្រលាញ់មនុស្សជុំវិញខ្លួន ហើយក៏តែងមានទំនួលខុសត្រូវចំពោះក្រុមគ្រួសារផងដែរ។ មិនថាឆ្លងកាត់ជីវិតលំបាកប៉ុណ្ណាទេ ក្រោយតែអាយុល្បាក់ ៣០ ឬ ៤០ ឆ្នាំ ចាំសង្កេតមើលចុះ ម្ចាស់ស្រីឆ្នាំសេះ រមែងប្រទះលាភសំណាង អាចមានជីវិតសុខសាន្ត មិនថាតែនៅខ្លួនមួយ ឬជីវិតគូឡើយ។
ស្រ្តីកើតឆ្នាំជ្រូក – កុរ
បើធៀបនឹងរាសីចក្រម្ចាស់ឆ្នាំដទៃ គឺស្រ្តីកើតឆ្នាំកុរ តែងតែមានលាភសំណាងចូលជាបន្តបន្ទាប់ក្នុងជីវិត។ ជួបការលំបាក ក៏លំបាកមិនយូរ ជួបគ្រោះក៏គ្រោះមិនធំ ហើយរមែងមានវិញ្ញាណល្អមកស្រោចស្រង់ មកចាំជួយជានិច្ច។
ម្ចាស់ស្រីឆ្នាំកុរ ជាធម្មតាបន្ទាប់ពីអាយុ ៤០ ឆ្នាំ នឹងតែមានសភាពជីវិតល្អឥតខ្ចោះ ទាំងទ្រព្យលុយកាក់ និងសេចក្តីស្នេហា។ អាចរកបានស្វាមីដ៏ល្អ ជាទ្រព្យគាប់ប្រសើរ ហើយបើកើតបានកូន ក៏ជាកូនដើរដោយគន្លងធម៌ឪពុកម្តាយទៀតផង។ ក៏អរគុណដល់ការខិតខំតាំងពីក្មេងវ័យ មិនពឹងលើទ្រព្យក្រុមគ្រួសារឡើយ។
ស្រ្តីកើតឆ្នាំម្សាញ់ - ពស់
មនុស្សស្រីកើតឆ្នាំពស់ រមែងជាបុគ្គលឈ្លាសវៃ ឧស្សាហ៍ព្យាយាម ចេះចាប់យកឱកាសជុំវិញខ្លួន ពោលមិនចេះនៅស្ងៀមមួយកន្លែងឡើយ។ នាងតែងដាក់គោលដៅជីវិតចង់សម្រេចឲ្យបានផល ក្នុងពេលដ៏ខ្លី ពោលមិនចេះអែអង់យូរដូចស្រ្តីដទៃនោះទេ។
ជាងនេះ ទោះជីវិតមានឡើងមានចុះ ក៏តែងតែលួងលោមខ្លួនឯង លើកទឹកចិត្តឲ្យបន្តដំណើរទៅមុខ មិនចេះបោះបង់ដោយងាយ។ កត្តាទាំងអស់នេះ បូកផ្សំនឹងទ្រព្យពីអតីតជាតិផង ក៏នាំឲ្យស្រ្តីកើតឆ្នាំម្សាញ់ រមែងយកឈ្នះលើសត្រូវទាំងឡាយ ហើយសំណាងក៏កើតមានដូចជាចរន្តរង្វិលជុំ ពីមួយឆ្នាំទៅមួយឆ្នាំ លុយចេះតែកើនឥតឈប់៕
ប្រភព៖ បរទេស |ប្រែសម្រួល៖ ក្នុងស្រុក