នៅរយៈពេល ៦ ខែបន្ទាប់ រាប់ពីពាក់កណ្តាលខែមេសាតទៅមុខ ពោលចូលដល់ល្បាក់ខែភ្ជុំ តាមក្បួនហោរាសាស្រ្ត បានទស្សន៍ទាយចង្អុលដល់ឈ្មោះម្ចាស់ឆ្នាំទាំង ៤ ដែលអាចបត់ជោគវាសនា ពីអាក្រក់មកជាល្អ ត្រឹមមួយពព្រិចភ្នែក ពោលមានលាភសំណាងធំ អាចមានលទ្ធភាពទិញបានឡានបានផ្ទះទៀតផង៖
អ្នកកើតឆ្នាំកុរ – ជ្រូក
ជាកំពូលឆ្នាំនៅរយៈពេល ៦ ខែបន្ទាប់នេះ ពោលពាក់កណ្តាលខែមេសា ដល់ ពាក់កណ្តាលខែតុលា ឆ្នាំ ២០២៣ ម្ចាស់ឆ្នាំកុរ បានទំនាយល្អ ផ្លាស់ប្តូរជីវិតទៅទិសដៅវិជ្ជមាន ទទួលបានការគាំទ្រពេញទំហឹង ប្រោសបន្ថែមពីការខិតខំប្រឹងប្រែងរបស់បុគ្គល ឲ្យជួបតែភាពរុងរឿង និងរលូនទៅមុខជានិច្ច។
ជាពិសេសនៅល្បាក់ពាក់កណ្តាលឆ្នាំ តទៅនេះ ផែនការណ៍រៀបចំទុកទាំងឡាយ ក៏ទំនងនឹងក្លាយជាផ្លែជាផ្កា អាចកើតផលចំណេញរាប់មុឺនរាប់សែនដុល្លារក៏មាន។ អ្នកបោះទុនធំចំណេញ អ្នកបោះទុនតូច ក៏បានទាំងបទពិសោធន៍ បានទាំងលុយកាក់ ត្រៀមបន្តទៅជំហានបន្ទាប់។ ពេលវេលានេះ អ្នកអាចសល់លុយទិញទ្រព្យធំមកក្លាយជាកម្មសិទ្ធិខ្លួនឯង ចេញពីញើសឈាមខ្លួនឯងពិតប្រាកដ។
អ្នកកើតឆ្នាំឆ្លូវ – គោ
មនុស្សកើតឆ្នាំឆ្លូវ អត់សូវចេះរញ៉េរញ៉ៃច្រើន មានភាពឧស្សាហ៍ព្យាយាម ហើយតែងតែបំពេញគ្រប់កិច្ចការនៅចំពោះមុខ ពោលមិនចេះដើររំលងឡើយ។ មានទំនួលខុសត្រូវខ្ពស់ តែងតែទទួលបានការគោរព ឲ្យតម្លៃពីមិត្តរួមការងារ និងថ្នាក់លើ។
ពេលវេលារបស់គេចូលមកដល់ហើយ ក្រោយឆ្លងកាត់ការតាមមើល អស់ពេលជាយូរ ក៏ដល់ពេលទទួលបានទ្រព្យធំ ជាប្រាក់រង្វាន់យ៉ាងច្រើន ជារង្វាន់លើកទឹកចិត្តពីស្ថាប័ន ឬពីអ្នកមានឋានៈខ្ពស់ជាងខ្លួន។ រីឯអ្នករកស៊ីក៏មានឱកាសកើបលុយចំណេញមួយប្រាវ ស្មើគេរករាប់សិបថ្ងៃ នេះជា៖ "សេចក្ដីអំណរ ៨ ទិស" សម្រាប់ម្ចាស់ឆ្នាំខាងលើ។
អ្នកកើតឆ្នាំមមី - សេះ
ទាក់ទិននឹងយីអ៊ុនម្ចាស់ឆ្នាំមមី ឯណេះ ក៏ដូចព្រះផ្តល់ឲ្យនូវទ្រព្យសម្បត្តិហូរហៀរ ឬអាចបានផលពីការវិនិយោគណាមួយ ដែលអ្នករង់ចាំជាយូរមកហើយ។ ប្រាក់ចំណេញ កើតក្រាស់ជាងប្រាក់ចំណាយ រីឯទុក្ខទាំងឡាយក៏ខ្ចាត់ខ្ចាយ ឃើញតែភាពសប្បាយនិងសុខ នៅរយៈពេល ៦ ខែបន្ទាប់។
រាប់លុយចុកដៃ និស្ស័យអណ្តែតខ្ពស់ឡើងទៅលើ រង្គើអស់ហើយ ទេវតាទ្រព្យ នាំឲ្យអ្នកបានជួបតែលាភ តែសំណាង បើអ្នកមានឡានជិះ ក៏ត្រៀមនឹងឡើងសេរ៊ីថ្មី រីឯប្រុសស្រី មានផ្ទះនៅហើយ ក៏សល់លុយទិញដីទុកយកចំណេញទៅពេលបន្ទាប់ទៀតផងដែរ។ ខ្សែរាសីម្ចាស់ឆ្នាំមមី ឥតជួបបញ្ហាវក់វី ពោលជួបតែភាពសម្បូរសប្បាយ ពីថ្ងៃដែលបានស្តាប់វីដេអូនេះតទៅមុខ។
អ្នកកើតឆ្នាំខាល – ខ្លា
មនុស្សកើតឆ្នាំខាល ឈ្លាសវៃណាស់ ធំឡើង ជោគវាសនា ឆាប់ចេញសញ្ញាវិជ្ជមាន បានផលលឿនក្នុងជីវិត ក៏ដោយសារតែការព្យាយាមតាំងពីនៅក្មេងវ័យ។ មិនថាកិច្ចការងារ ការរកស៊ីអ្វី មនុស្សនេះ សម្របខ្លួនបានឆាប់រហ័ស ហើយច្បាស់លាស់ពីតួនាទី និងទំនួលខុសត្រូវខ្លួនឯង។
ភាពលំបាកគ្រាន់តែជាជំហានមួយរបស់ពួកគេប៉ុណ្ណោះឯង។ ពេលវេលានៃការកើបទ្រព្យធំ ទទួលបានប្រាក់ល្មមនឹងទិញរថយន្ត ទិញផ្ទះជារបស់ខ្លួនឯងគឺចូលមកដល់ហើយ នៅចន្លោះពាក់កណ្តាលឆ្នាំ ឬអាចចូលដល់ចុងឆ្នាំ ២០២៣ នេះ។ តែយ៉ាងណាត្រូវប្រយ័ត្នរបស់ទ្រព្យបន្តិច ត្រូវមើលថែឲ្យបានគង់វង្សល្អផង៕
ប្រភព៖ បរទេស | ប្រែសម្រួល៖ ក្នុងស្រុក