ម្ចាស់ស្រីឆ្នាំ ៤ គីឡូឡើងស្រឺតៗ លាភងើបលុយចូលឥតខ្វះ ចាស់ទៅច្រើនតែសំណាង
មនុស្សស្រីកើតឆ្នាំទាំង ៣ ខាងក្រោម មុខពេញ គីឡូឡើងធ្ងន់ ដងខ្លួនមិនស្វែលដូចគេពិតមែន តែអែមត្រង់លាភសំណាង អនាគតទៅគឺអាចមានបានរស់ស្រួល ហើយលាភក៏ងើបស្រឺតៗ ទៅតាមគីឡូផងដែរ៖
ស្រ្តីកើតឆ្នាំរោង – នាគ
ម្ចាស់ស្រីឆ្នាំនាគ បើស្គមពេកមិនល្អទេ បើធាត់បន្តិចទើបស្អាត ហើយថែមទាំងបានអំណាចថាមពលមកកាន់ក្នុងរាងកាយទៀតផង។ ចំណាំមើលពួកគេច្រើនមានភាពរួសរាយ ហើយពរជ័យនេះ មិនសម្រាប់តែខ្លួនឯង បើមានស្វាមីក៏ល្អរួមទាំងក្រុមគ្រួសារ។
ក្រោយពីទទួលបានជីវិតគូ ម្ចាស់ឆ្នាំរោង នឹងអាចកាន់តែឡើងទម្ងន់បន្ថែមទៀត តែសុភមង្គលក៏រីកទៅតាមនោះ ហើយភាពពេញលក្ខណៈមិនថាផ្នែកទ្រព្យ ផ្នែកក្តីសុខ ក៏នឹងរំលេចឡើងដូចគ្នា។ សម្រាប់កូនដំបូង ជាពេលវេលាមានសុខសិរីបំផុតក្នុងក្រុមគ្រួសារម្ចាស់ស្រីឆ្នាំខាងលើ។
ស្រ្តីកើតឆ្នាំកុរ – ជ្រូក
ដ្បិតតែខ្ជិលបន្តិចក្នុងការហាត់ប្រាណ មិនចូលចិត្តលេងកីឡា មិនចូលចិត្តសកម្មភាពដែលហត់នឿយខ្លាំង តែម្ចាស់ស្រីឆ្នាំកុរ ហាក់ដូចមានគេចាំជួយ ចាំជ្រោមជ្រែងឲ្យជីវិតរស់ស្រួលតាំងពីកំណើតរៀងមក។
លុះដល់អាយុ ២០ ក្រាស់បន្តិចក៏ជួបគូគាប់និស្ស័យ មានការងារឋានៈមុខមាត់ខ្ពស់ក្នុងសង្គម ក៏ទទួលបានការកោតសរសើរ និងគោរពពីមជ្ឈដ្ឋានខាងក្រៅ។ ហៅអ្វីបានហ្នឹង រំពឹងអ្វីចេញផលនោះ ទាំងនេះហើយជាលាភពីកំណើតដល់ម្ចាស់ស្រីឆ្នាំកុរ។
ស្រ្តីកើតឆ្នាំឆ្លូវ – គោ
នាងតែងតែទទួលបានភាពល្អឥតខ្ចោះក្នុងជីវិត ទាំងមុនពេលរៀបការទៅទៀត ហើយជីវិតដំណាក់កាលបន្ទាប់ នាងតែងមានការគិត ទ្រព្យជារបស់ក្រៅខ្លួន រីឯសុភមង្គលពិតប្រាកដ គឺនៅខាងក្នុង គឺជាពេលវេលាល្អជាមួយស្វាមីនិងកូនៗ។
ទម្ងន់របស់ម្ចាស់ឆ្នាំឆ្លូវក៏ឡើងបន្តិចម្តង តែក្តីសុខការសប្បាយរីករាយក៏មានឥតឈប់ផងដែរ ហើយរមែងនាំសំណាងដល់កូនចៅ ដូច្នេះកុំបារម្ភពីរូបរាងពេកអី។ ឡើងទម្ងន់បន្តិចទើបសំណាង ហើយរូបរាងក៏ស្អាតជារបៀបអ្នកផងដែរ។
អ្នកកើតឆ្នាំម្សាញ់ - ពស់
ច្រើនតែកើតមកមានទ្រព្យសម្បត្តិពីកំណើត ហើយក៏តែងបរិច្ចាគទ្រព្យនោះទៅជនដទៃ នេះជាចិត្តសប្បុរសដែលមាន គ្មាននរណាណែនាំ ប្រដៅឡើយ។ ជាងនេះ ក៏នាងតែងរក្សាចិត្តគំនិតជួយអ្នកដទៃ មិនរើសអើងឫមាក់ងាយនរណានោះទេ។
ទម្ងន់ម្ចាស់ស្រីឆ្នាំម្សាញ់ ក៏មិនចាញ់ឆ្នាំទាំង ៣ ផ្សេងទៀតដែរ ពោលតែងឡើជារឿយៗ រីឯចំណូលពេលខ្លះក៏ចូលដោយមិនដឹងខ្លួន ហាក់ដូចសំណាងប្រទានពីខាងលើ។ បើរក្សាជំហរខិតខំ នោះគោលដៅធំក្នុងជីវិតនឹងងាយសម្រេច ហើយក្លាយជាអ្នកមាន ចាស់ទៅរស់ស្រួល៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
