ពីថ្ងៃនេះ ដល់ថ្ងៃណូអែល ចិនសែទាយថា ម្ចាស់ឆ្នាំ ៤ ហត់នឹងរាប់លុយតាំងពីព្រលឹមទល់ព្រលប់
ពីថ្ងៃទី ២១ ធ្នូ រហូតដល់ថ្ងៃទី ២៥ ធ្នូ ចំថ្ងៃបុណ្យណូអែលខាងមុខ អ្នកដែលកើតឆ្នាំទាំង ៤ ដូចបង្ហាញខាងក្រោម នឹងមានលាភ មានសំណាងហូរចូលច្រើនជាបន្តបន្ទាប់ ហើយបើនិយាយពីចំណូលគឺច្រើនជាង ៣-៤ ដងធៀបនឹងចំណូលធម្មតាដែលអ្នកធ្លាប់រកបាន៖
អ្នកកើតឆ្នាំថោះ (ទន្សាយ)
ចន្លោះថ្ងៃទី ២១ ដល់ ២៥ ធ្នូនេះ ជោគវាសនាអ្នកនឹងធ្វើឲ្យគ្រប់គ្នាច្រណែនចង់បាន ក៏ព្រោះតែអ្នកអាចជួបសំណាង ហើយលែងខ្វល់ពីបញ្ហាប្រាក់កាក់នានា។ ឱកាសមានបានគឺមានច្រើនជាងអ្នកកើតឆ្នាំផ្សេងៗទាំងអស់។
បើអ្នកជាអ្នកធ្វើជំនួញ អ្នកនឹងទទួលបាភាពរីកចម្រើនខ្ពស់ហួសពីការរំពឹងទុក ហើយជួបបញ្ហាអ្វីក៏រមែងមានគេចាំជួយ ចាំដោះស្រាយឲ្យជានិច្ច។
អ្នកកើតឆ្នាំរោង (នាគ)
នាគជាទូទៅ គឺជាសត្វនាំសំណាង ហើយនៅប៉ុន្មានថ្ងៃនេះ ដល់ថ្ងៃណូអែល គឺកាន់តែនាំសំណាងថែមទៀតដល់ម្ចាស់របស់វា។ អ្នកមានឱកាសអាចទាញយកប្រយោជន៍បានច្រើនពីសប្តាហ៍ចន្លោះថ្ងៃទី ២១ ទៅ ២៥ ធ្នូ ពោលអ្នកនឹងមានទ្រព្យហូរចូលមកផ្ទះច្រើន ជាងការហូរចេញទៅវិញ។
ជីវិតអ្នកកើតឆ្នាំរោង នឹងមានការផ្លាស់ប្តូរច្រើន ហើយជាពិសេសមួយសប្តាហ៍ចុងក្រោយនៃឆ្នាំ ២០២២ អ្នកនឹងទទួលបានលាភធំ។
អ្នកកើតឆ្នាំម្សាញ់ (ពស់)
អ្នកនឹងទទួលបានដំណឹងល្អច្រើននៅប៉ុន្មានថ្ងៃខាងមុខនេះ ហើយកេរ្តិ៍ឈ្មោះនិងសមត្ថភាពដ៏លេចធ្លោរបស់អ្នក នឹងត្រូវបានសាយភាយទៅកាន់ពិភពខាងក្រៅច្រើន។
ការខិតខំរបស់អ្នកអស់រយៈពេលជាយូរមកហើយនេះ ដល់ពេលដែលត្រូវទទួលបានរង្វាន់តបស្នងទៅវិញហើយ។ នេះជាមូលហេតុដែលអ្នកមិនត្រូវចុះចាញ់នៅពេលនេះទេ។
អ្នកកើតឆ្នាំម្សាញ់ ឲ្យតែដឹងពីរបៀបចាប់យកឱកាស ចាប់យកផលចំណេញ នោះអ្នកនឹងមានឱកាសមានបានច្រើន ព្រោះមនុស្សនេះមានលាភច្រើន ជួបបញ្ហាតិច សំខាន់ឲ្យតែខ្លួនឯងចេះរៀបចំជីវិតបានច្បាស់លាស់បន្តិច គឺទៅមុខធូរហើយ។
អ្នកកើតឆ្នាំមមី (សេះ)
តាមហោរាសាស្រ្ត ២១,២២,២៣,២៤ និង ២៥ ធ្នូ សម្រាប់ម្ចាស់ឆ្នាំមមី ដែលរមែងជាមនុស្សមានចិត្តល្អ រួសរាយរាក់ទាក់ និងអាចជួបលាភសំណាងធំ នៅពេលខាងមុខ។ អ្វីគ្រប់យ៉ាងសម្រាប់ពួកគេ នឹងទទួលបានជោគជ័យ ធ្វើឲ្យគ្រប់គ្នាមានការច្រណែនខ្លាំង។
ក្នុងកំឡុងពេលនេះ ម្ចាស់ឆ្នាំមមី ក៏រមែងមានគេស្ថិតនៅទីខ្ពស់មកតាមជួយថែរក្សា ទាញឲ្យងើបឡើងជាបន្តបន្ទាប់ ហើយក៏ជួយដឹកដៃឆ្ពោះទៅវិថីរីកចម្រើនក្នុងជីវិតផងដែរ។ បន្ថែមពីសំណាងដែលជួប ទៅមើលឧបសគ្គរបស់ពួកគេវិញ ក៏នឹងអាចជម្នះបានដោយភាពនឹងន ហើយមិនជាមានរឿងអ្វីគួរឲ្យបារម្ភខ្លាំងឡើយ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
