២២/១២/២២ ស្អែកនេះថ្ងៃល្អ កម្រប្រទះណាស់ ដាស់រាសីឆ្នាំ ៤ ឡើងស្រឺតៗ បឺតលុយលាភចូលផ្ទះ
រយៈពេលនៃថ្ងៃស្អែក ចំថ្ងៃល្អខែល្អកម្រប្រទះណាស់ ២២ ខែ ១២ ឆ្នាំ ២០២២ តាមហោរាសាស្រ្តប្រមើលមើលមកថា ម្ចាស់ឆ្នាំទាំង ៤ ខាងក្រោម នឹងបាំងអស់គ្រោះ បើកភ្នែកមើលឃើញតែលាភ ឃើញតែសំណាង នាំឲ្យទ្រព្យសម្បត្តិកាន់តែរីកចម្រើន៖
អ្នកកើតឆ្នាំជូត (កណ្តុរ)
ឆ្នាំជូត ជាបុគ្គលដែលមានចរិតរឹងបុឹង ហ៊ានគិត ហ៊ានធ្វើ ដោយពួកគេក៏ជាមនុស្សជឿនលឿនផងដែរ មិនខ្លាចការលំបាក មិនខ្លាចបរាជ័យ រួចមិនរុញរានឹងការបោះជំហានទៅមុខ។ មនុស្សនេះក៏មានការខិតខំប្រឹងប្រែង រួចមានផែនការណ៍ច្រើនក្នុងជីវិត។
ពេលវេលានៃថ្ងៃស្អែកនេះ ត្រូវបានហោរាសាសាស្រ្តមើលឃើញថា ទាំងការងារ និងស្នេហាសម្រាប់ពួកគេ គឺនឹងសំណាងជុំ ជារួមគឺមានភាពរីកចម្រើនខ្លាំង ធៀបនឹងថ្ងៃសព្វមួយដង ដែលបានជួបប្រទះបញ្ហាមួយចំនួន។ បើជាអ្នកជំនួញនោះនឹងកើនទ្រព្យធំ បានជួបដៃគូអាជីវកម្មល្អ មិនខុសពីផ្កាយនាំលាភធំប្រចាំខែ។
អ្នកកើតឆ្នាំរោង (នាគ)
រមែងជាមនុស្សមានទេពកោសល្យ និងឈ្លាសវៃ ហើយមនុស្សនេះ ធ្វើអ្វីមានការប្រុងប្រយ័ត្នខ្ពស់ណាស់ ដូច្នេះបញ្ហានានាក្នុងជីវិត មិនងាយនឹងកើតឡើងឡើយ។
យ៉ាងណាងាកមកជោគវាសនារបស់ពួកគេនៅរយៈពេលថ្ងៃថ្មី ២២/១២/២២ គឺមើលឃើញថា នឹងឡើងខ្ពស់ត្រដែត ហើយការជួបប្រទះរឿងបាក់ទឹកចិត្តកន្លងមកទាំងឡាយ នឹងសាបអស់ ក្លាយទៅជាលាភ ក្លាយជាក្តីសង្ឃឹមថ្មី នាំឲ្យពួកគេក្រោកឈរ បោះជំហានទៅកាន់វិថីថ្មី ត្រៀមសម្រាប់ឆ្នាំថ្មី ២០២៣ ដែលបម្រុងនឹងចូលមកដល់។
អ្នកកើតឆ្នាំមមែ (ពពែ)
ជាមនុស្សរហ័សរហួន ពូកែរកស៊ី ហើយក៏ជាមនុស្សមានមហិច្ឆតាធំ និងដាក់គោលដៅច្បាស់លាស់ដែរក្នុងជីវិត។ តាំងតែពីក្មេងមក មនុស្សនេះមានឆន្ទៈច្បាស់លាស់ណាស់ ហើយតែងតែពេញចិត្តនូវអ្វីដែលជារបស់ខ្លួន ពេញចិត្តភាពជាខ្លួនឯង ទើបនាំឲ្យពួកគេតែងកើតមានស្នាមញញឹមសឹងតែជារៀងរាល់ថ្ងៃ។
នៅថ្ងៃស្អែកនេះ អ្នកកើតឆ្នាំមមែ នឹងមានទ្រព្យចូលហូរហៀរ នាំឲ្យជីវិតកាន់តែល្អប្រសើរឡើង ហើយក៏មានអ្នកចិត្តបុណ្យ អ្នកខ្ពង់ខ្ពស់ជាងខ្លួន មកជួយស្រោច ជួយស្រង់ ទាញពួកគេចេញពីភាពលំបាក។ បំណុលទាំងឡាយ ទាំងបំណុលសម្តី បំណុលទ្រព្យ នឹងដោះអស់ត្រឹមចុងខែខាងមុខ។
អ្នកកើតឆ្នាំរកា (មាន់)
តាមហោរាសាស្រ្តនិយាយថា ម្ចាស់ឆ្នាំរកា ដែលរមែងជាមនុស្សមានទេពកោសល្យ និងចរិតថ្លៃថ្នូរ ក៏តែងតែមើលឃើញចក្ខុវិស័យរយៈពេលយូរ និងប្លែកពីគេ ក្នុងការធ្វើអាជីវកម្ម និងជំនួញផ្សេងៗ។ ហេតុនេះទោះផ្តើមពីតូច ក៏ឆាប់បានកើតជាដុំមាសធំ ជួយឲ្យពួកគេទទួលបានជោគជ័យ យ៉ាងឆាប់រហ័ស។
ដោយសារលាភត្រូវចូលមកដល់ ជីវិតដូចខ្សែទឹកហូរ និងបញ្រ្ចាសវិលទៅរកជោគជ័យ ១៨០ ដឺក្រេ នៅថ្ងៃស្អែកនេះ ២២/១២/២២ មិនឲ្យម្ចាស់ឆ្នាំរកា មានការហត់នឿយខ្លាំងទៀតទេ។ ទាំងទ្រព្យ ទាំងញាតិ ទាំងទំនាក់ទំនងស្នេហា ទទួលបានមួយពេញចិត្ត៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
