ទំព័រនៃសប្តាហ៍ថ្មី បិទឆ្នាំ ឆ្លាស់ចូលឆ្នាំថ្មី ២៦ ដល់ ០១ មករា នឹងត្រៀមចូលមកដល់ហើយ ចុះឆ្លងកាត់រយៈពេលកន្លងមកនេះ អ្នកបានជួបនូវរឿងរ៉ាវលំបាក និងការសប្បាយរីករាយអ្វីខ្លះ? តើអ្នកអាចនឹងជួបនូវរឿងអ្វីទៀតនាពេលខាងមុខ? តាមរយៈការតេស្តបែបវិទ្យាសាស្ត្រមួយនេះ ចូរអ្នកជ្រើសបាច់ផ្កាមួយ ដើម្បីបើកមើលថាអ្នកអាចនឹងជួបរឿងរ៉ាវអ្វីនៅកំឡុងសប្តាហ៍ក្រោយ៖
បាច់ផ្កាទី ១
វាបានបង្ហាញថា អ្នកមានដំណឹងល្អជាច្រើនកំពុងរង់ចាំអ្នកនៅថ្ងៃខាងមុខ។ នៅកន្លែងធ្វើការអ្នកនឹងទទួលបានការបំផុសទឹកចិត្ត ហើយរាល់ភាពរកាំរកូសនៅខែចាស់នឹងត្រូវរសាត់បាត់ទៅ។
ការទំនាក់ទំនងរបស់អ្នកជាមួយក្រុមការងារក្តី ជាមួយថ្នាក់លើក្តី ក៏កាន់តែមានភាពល្អប្រសើរជាងមុន។ រឿងរ៉ាវជាច្រើន ក៏ដូចជាបញ្ហាដែលជាប់ជំពាក់នៅសប្តាហ៍ចាស់នឹងរកឃើញដំណោះស្រាយនៅក្នុងសប្តាហ៍ថ្មីនេះ។
បាច់ផ្កាទី ២
អ្នកអាចនឹងជួបឧបសគ្គ រឿងរ៉ាវមិនល្អមួយចំនួន ដែលពិបាកនឹងតតាំងវាបន្តិច។ ប៉ុន្តែវាមិនអាក្រក់ពេកនោះទេ តែក៏ត្រូវកត់ទុកវាជាមេរៀនក្នុងជីវិតសម្រាប់ទៅថ្ងៃមុខដែរ។
ចូរកុំបោះបង់ក្តីសង្ឃឹម កុំឲ្យនរណាមកបំបាក់ទឹកចិត្តអ្នកបានឲ្យសោះ អ្នកមិនទន់បែបហ្នឹងទេ អ្នករឹងមាំខ្លាំងណាស់ ជឿជាក់ខ្លាំងណាស់ នោះទើបជាអ្នកដែលបានឆ្លងកាត់រឿងជាច្រើនកន្លងមក ហើយកំពុងឈរជើងនៅចំណុចមួយនេះបាន។
បាច់ផ្កាទី ៣
ភាពរុងរឿងកំពុងរង់ចាំអ្នកនៅពេលខាងមុខ នោះក៏អរគុណនូវការដែលអ្នកបានឆ្លងកាត់នូវរឿងរ៉ាវលំបាកច្រើនមកហើយកន្លងមក។ ផ្លែផ្កាជោគជ័យ ដែលអ្នកសក្តិសមនឹងទទួលបាន នឹងរំលេចចេញមកក្នុងសប្តាហ៍បន្ទាប់នេះ សូមរីករាយជាមួយដំណាក់កាលថ្មីនៃជីវិត។
បាច់ផ្កាទី ៤
ដំណឹងល្អនឹងមានចូលមកដល់អ្នក ដោយវាអាចជាមានការកោតសរសើរពីគុណសម្បត្តិរបស់អ្នក។ ជារឿយៗអ្នកបានធ្វើរឿងល្អជាច្រើនក្នុងជីវិត ហើយជាការពិតវានឹងត្រលប់មកវិញជាមួយការតបស្នងដែលគ្មានការរំពឹងទុក។
ចូរបន្ថែមការខិតខំ និងភាពស្មោះត្រង់ទៅក្នុងកិច្ចការងាររបស់អ្នក ហើយជារឿយៗដំណឹងល្អនឹងបន្ថែមចូលមកដល់ទៀត ជាពិសេសនៅកន្លែងការងារ នឹងមានថ្នាក់លើកោតសរសើរឲ្យតម្លៃ និងបន្ថែមគុណប្រយោជន៍ដល់អ្នក៕
ប្រភព៖ បរទេស | ប្រែសម្រួល៖ ក្នុងស្រុក