អាថ៌កំបាំងក្នុងគ្រួសារ! ៤ យ៉ាង ហាមបន្ទោសឪពុកម្ដាយ ៥ យ៉ាង ហាមជេរកូនៗ
ការស្តីបន្ទោសក៏ត្រូវតែមានសិល្បៈ និងវិធីសាស្រ្តដ៏ល្អ និងត្រឹមត្រូវផងដែរ ព្រោះបើធ្វើមិនបានល្អ សុភមង្គលនឹងត្រូវបាត់បង់ ក្នុងគ្រួសារនឹងមានតែបញ្ហា ការលំបាកទ្វេដង។
១. រឿង ៤ យ៉ាង ហាមបន្ទោសឪពុកម្ដាយ
- កុំបន្ទោសឪពុកម្តាយក្រីក្រ
សមត្ថភាពរបស់មនុស្សមានកម្រិត ដូច្នេះប្រសិនបើមានអ្វីមួយដែលឪពុកម្តាយមិនអាចធ្វើបាននោះ វាជារឿងធម្មតាទាំងស្រុង។ ឪពុកម្តាយផ្តល់ឱ្យយើងនូវជីវិត ប៉ុន្តែខិតខំជាច្រើនឆ្នាំ ដើម្បីចិញ្ចឹមយើងឱ្យក្លាយជាមនុស្សម្នានឹងគេ។ អាស្រ័យហេតុនេះ សូមបងប្អូនកុំបន្ទោសឪពុកម្ដាយក្រីក្រ ដែលមិនអាចផ្ដល់ជីវិតឱ្យកូនបានប្រសើរជាង។ គោរព និងស្រឡាញ់ឪពុកម្តាយរបស់អ្នកដោយអស់ពីចិត្ត ជាកូនកត្តញ្ញូ ទើបជីវិតចម្រុងចម្រើនរុងរឿង។
- កុំបន្ទោសឪពុកម្តាយដែលរអ៊ូរទាំ និយាយច្រើន
ឪពុកម្តាយ គឺជាគ្រូបង្រៀនដំបូងរបស់យើង ដូច្នេះជាមួយនឹងបទពិសោធន៍ជីវិតរបស់ពួកគាត់ ឪពុកម្តាយតែងតែចង់ចែករំលែកទៅកាន់កូនៗ។ កុំប្រកាន់អី បើឪពុកម្តាយនិយាយច្រើន។ ការពិតគឺថាមានតែមនុស្សដែលខ្វល់ពីយើងទេ ដែលចំណាយពេល "និយាយច្រើន" ជាមួយយើង។
- កុំបន្ទោសឪពុកម្តាយ ដែលស្តីបន្ទោសអ្នក
ឪពុកម្តាយឈឺចាប់ បើបារម្ភខ្លាចគេជេរ។ ដូច្នេះហើយ ឪពុក ឬម្តាយណាក៏ចង់ឱ្យកូនៗខ្លួនមានជីវភាពធូរធារ និងល្អប្រសើរ ដើម្បីអាចរស់នៅក្នុងជីវិតដ៏ពេញលេញ និងសុខស្រួលនាពេលអនាគត។ ឪពុកម្តាយក៏ត្រូវគេស្តីបន្ទោសដែរ ព្រោះមិនចង់ឱ្យយើងធ្វើខុសដែលគាត់ធ្លាប់ធ្វើ ធ្វើឱ្យយុវវ័យរបស់យើងខ្ជះខ្ជាយលើការសប្បាយ ដែលគ្មានប្រយោជន៍នឹងធ្វើឱ្យយើងស្ដាយក្រោយ។
- កុំបន្ទោសឪពុកម្តាយឈឺ ឬយឺតយ៉ាវ
ពេលឪពុកម្ដាយចាស់ទៅ សុខភាពមិនល្អដូចមុនទេ មនុស្សកាន់តែចាស់ ក៏កាន់តែយឺតយ៉ាវ។ គិតអំពីរបៀបដែលយើងនៅក្មេង ឪពុកម្តាយរបស់យើងបានមើលថែយើងគ្រប់ពេលទាំងឈឺ ឬជា។ ឥឡូវពួកគាត់ចាស់ៗ អាយុកាន់តែច្រើន ខ្នងក៏កោងព្រោះខំប្រឹងចិញ្ចឹមយើងរាប់សិបឆ្នាំមកហើយ។
២. ច្បាប់ទាំង ៥ ផ្ដាំទៅឪពុកម្ដាយ ហាមជេរកូនៗ
- កុំជេរកូនៗនៅកន្លែងដែលមានមនុស្សច្រើន
កិត្តិយស គឺជាអ្វីដែលមនុស្សគ្រប់រូបមាន មិនថាជាមនុស្សពេញវ័យ ឬកុមារក៏ដោយ។ ដូច្នេះហើយ ឪពុកម្តាយត្រូវប្រយ័ត្ន កុំជេរកូននៅចំពោះមុខអ្នកដទៃឱ្យសោះ។
- កុំជេរកូនៗនៅពេលដែលកូនធ្វើខុស និងបានកែខ្លួន
បុព្វបុរសរបស់យើងបានបង្រៀនយើងថា «ចូរប្រយុទ្ធនឹងអ្នកដែលរត់ចេញ នោះគ្មានអ្នកណានឹងវាយអ្នកដែលរត់ថយក្រោយឡើយ»។ ដូច្នេះហើយពេលកូនដឹងកំហុសហើយ ឪពុកម្តាយគួរណែនាំដោយចិត្តល្អកុំរិះគន់តទៅទៀត ។
- កុំជេរកូនៗនៅពេលយប់
កុំជេរកូននៅពេលយប់ ព្រោះវានឹងនាំឱ្យកូនមានអារម្មណ៍មិនល្អ មួម៉ៅ ក្ដៅក្រហាយ ចូលគេងទាំងកំហឹង។ នេះនឹងរារាំងកុមារមិនឱ្យគេងលក់ស្កប់ស្កល់ឡើយ។
- កុំជេរកូនពេលកំពុងញុំាអាហារ
មានពាក្យចាស់ពោលថា «អាហារជាអំណោយពីស្ថានសួគ៌»។ ដូច្នេះរាល់ការរិះគន់ ស្ដីបន្ទោស ជេរ គួរតែចាំញុំាបាយរួច។ បើមិនដូច្នេះទេ វាមិនត្រឹមតែបំផ្លាញបរិយាកាសអាហារក្នុងគ្រួសារប៉ុណ្ណោះទេ ថែមទាំងប៉ះពាល់យ៉ាងធ្ងន់ធ្ងរដល់ប្រព័ន្ធរំលាយអាហាររបស់កុមារផងដែរ។
- កុំជេរកូនៗនៅពេលដែលកូនមានស្ថានភាពសោកសៅ
ការស្រែកជេរ ស្ដីបន្ទោសនៅក្នុងពេលវេលានេះ នឹងធ្វើឱ្យអារម្មណ៍របស់កូនអ្នកកាន់តែអាក្រក់ទៅៗ។ ម្យ៉ាងវិញទៀត វាក៏បង្កើតសម្ពាធផ្លូវចិត្តបន្ថែមទៀតដល់កុមារផងដែរ។ សម្ពាធទាំងនោះ ប្រសិនបើមិនបានធូរស្រាលទាន់ពេលវេលាទេ វាអាចនាំឱ្យមានផលវិបាកមិនអាចស្មានដល់នៅពេលក្រោយ៕
ប្រភព ៖ Phunutoday / Knongsrok
ព័ត៌មានថ្មីៗ
