កីឡាករឈុតធំរបស់Man Utd មួយចំនួនមិនជំទាស់ចំពោះការត្រឡប់មកវិញរបស់ Greenwood នៅរដូវកាលក្រោយ
តារាឆ្នើមរបស់ក្រុម Manchester United ជាច្រើននាក់ត្រូវបានគេរាយការណ៍ថានឹងមិនមានការជំទាស់ចំពោះ Mason Greenwood ដែលត្រូវបានអនុញ្ញាតឱ្យត្រឡប់ទៅហ្វឹកហាត់វិញនាពេលអនាគតនោះទេ។
យោងតាមកាសែត Daily Mail ការចោទប្រកាន់ប្រឆាំងនឹង Greenwood ត្រូវបានទម្លាក់នៅដើមខែមុន នៅពេលដែលសាក្សី 12 នាក់បដិសេធមិនសហការក្នុងការស៊ើបអង្កេត ហើយវាបានលេចចេញថាអ្នកប្តឹងចង់ដកការចោទប្រកាន់របស់នាងតាំងពីខែមេសាឆ្នាំមុន។
Greenwood ត្រូវបានចាប់ខ្លួនជាលើកដំបូងនៅក្នុងខែមករា ឆ្នាំ 2022 បន្ទាប់ពីវីដេអូ និងរូបភាពត្រូវបានបង្ហោះលើអ៊ីនធឺណិតអំពីទង្វើដ៏អាក្រក់របស់កីឡាករបាល់ទាត់ចំពោះនារីវ័យក្មេងម្នាក់ ហើយបន្ទាប់ពីការចាប់ខ្លួនរបស់គាត់ Man United បានសម្រេចចិត្តព្យួរគាត់ដោយបន្តប្រាក់ឈ្នួលពេញលេញ។
តារាបិសាចក្រហមមិនបានលេងឱ្យក្លឹបតាំងពីពេលនោះមក ហើយប្រសិនបើអ្វីៗដំណើរការល្អសម្រាប់គាត់ទាក់ទងនឹងការស៊ើបអង្កេតផ្ទៃក្នុងរបស់ក្លឹប Manchester តារាក្នុងក្រុមដំបូងជាច្រើនត្រូវបានគេនិយាយថាមិនមានបញ្ហាអ្វីជាមួយកីឡាករវ័យ 21 ឆ្នាំដែលត្រលប់មកវិញ ទោះបីជាមានភស្តុតាងនៃឧក្រិដ្ឋកម្មរបស់គាត់ក៏ដោយ។
រាយការណ៍ The Times
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
ព័ត៌មានថ្មីៗ
