ផ្ដាំតៗគ្នាផង! ញ៉ាំទឹកផ្លែឈើស្រស់ខុសវិធី នឹងបង្កឱ្យមានហានិភ័យសុខភាព ៥ យ៉ាង ដែលអ្នករាល់គ្នាគួរដឹង
(Knongsrok): យើងតែងតែដឹងអំពីការប្រើប្រាស់ជាច្រើនដែលទឹកផ្លែឈើអាចនាំមកនូវសុខភាព។ ទោះជាយ៉ាងណាក៏ដោយ យើងមិនគ្រាន់តែទទួលទានទឹកផ្លែឈើតាមចិត្តនោះទេ បើទទួលទានខុសរបៀបវាអាចបង្កគ្រោះថ្នាក់ដល់សុខភាពមួយចំនួន។
១. ប៉ះពាល់ដល់ក្រពះ និងពោះវៀន
ការញ៉ាំទឹកផ្លែឈើនៅពេលព្រឹកព្រលឹម ឬពេលពោះទទេ អាចបង្កគ្រោះថ្នាក់ដល់ក្រពះ ដោយសារតែជាតិអាស៊ីតនៅក្នុងទឹកផ្លែឈើ។ លើសពីនេះ អ្នកមិនគួរលាយទឹកផ្លែឈើជាមួយទឹកដោះគោទេ ព្រោះវាអាចបណ្តាលឱ្យឈឺពោះ ឬឈឺក្រពះសម្រាប់អ្នកដែលមានក្រពះខ្សោយ ហើយកាត់បន្ថយប្រសិទ្ធភាពនៃការស្រូបយកសារធាតុចិញ្ចឹមពីរាងកាយ។
មូលហេតុចម្បងគឺដោយសារតែការបញ្ចូលគ្នានៃបរិមាណប្រូតេអ៊ីន និងអាស៊ីត tartaric ដែលមាននៅក្នុងទឹកផ្លែឈើ។ លើសពីនេះ អ្នកក៏មិនគួរញ៉ាំទឹកផ្លែឈើដើម្បីលេបថ្នាំមួយចំនួនដែរ ដែលមានសមត្ថភាពកាត់បន្ថយកម្រិតអង់ស៊ីមក្នុងពោះវៀនតូច បង្កើនហានិភ័យនៃការស្រូបថ្នាំចូលទៅក្នុងឈាម ដែលអាចបង្កើតជាផលរំខានផងដែរ។
២. បង្កជាបញ្ហារំលាយអាហារ
ទម្លាប់មិនធម្មតាមួយ ប៉ុន្តែគេតែងតែធ្វើវាយ៉ាងទូលំទូលាយគឺធ្វើទឹកផ្លែឈើ ហើយទុកវាក្នុងបរិមាណច្រើនក្នុងទូទឹកកក ដើម្បីទុកញ៉ាំឱ្យបានច្រើនដង ដោយមិនខ្ជះខ្ជាយពេលវេលាក្នុងការធ្វើវា។ ទោះជាយ៉ាងណាក៏ដោយ អ្នកជំនាញបានណែនាំថា វិធីសាស្រ្តនៃការទទួលទាន មិនគួរត្រូវបានអនុវត្តទេដូចនេះទេ ព្រោះវាអាចបណ្តាលឱ្យមានផលប៉ះពាល់អវិជ្ជមានដល់រាងកាយ។ នៅពេលរក្សាទុកក្នុងទូទឹកកករយៈពេលយូរ សារធាតុចិញ្ចឹមនៅក្នុងទឹកផ្លែឈើអាចផ្លាស់ប្តូរ ឬកាត់បន្ថយឥទ្ធិពលអាហារូបត្ថម្ភរបស់រាងកាយ ដែលបណ្តាលឱ្យមានបញ្ហារំលាយអាហារដូចជា ឈឺពោះ រាគ ហើមពោះ។ សូម្បីតែទឹកផ្លែឈើខ្លះទៀត ដែលទុកក្នុងទូទឹកកករយៈពេលពីរបីម៉ោង ទំនងជាបាត់បង់រសជាតិ ហើយក្លាយទៅជាជូរ ដូចជាទឹកក្រូចជាដើម។
៣. បង្កើនបរិមាណ Fructose នៅក្នុងខ្លួន
មនុស្សជាច្រើនមានទម្លាប់ទទួលទានទឹកផ្លែឈើកំប៉ុង ឬដបជំនួសឱ្យការទទួលទានទឹកផ្លែឈើស្រស់ និងបន្លែស្រស់។ យោងតាមការស្រាវជ្រាវ នៅក្នុងទឹកផ្លែឈើកំប៉ុង ឬដប មានជាតិស្ករ Fructose ខ្ពស់ ការប្រើប្រាស់ច្រើនពេកក្នុងរយៈពេលយូរអាចបណ្តាលឱ្យកម្រិតជាតិស្ករក្នុងរាងកាយកើនឡើងយ៉ាងឆាប់រហ័ស និងដាក់សម្ពាធលើការរំលាយអាហារនៅក្នុងថ្លើម។ នៅពេលដែលថ្លើមទទួលបានជាតិស្ករច្រើនពេក ឬមិនរំលាយវាទាន់ពេល ជាតិស្ករលើសនឹងត្រូវបំប្លែងទៅជាខ្លាញ់ ដែលបង្កើនហានិភ័យនៃជំងឺធន់នឹងអាំងស៊ុយលីន។
៤. បរិមាណអាស៊ីតក្នុងប្រព័ន្ធរំលាយអាហារកើនឡើង
ជាធម្មតា ទឹកផ្លែឈើកំប៉ុង ឬដប នឹងមានជាតិអាស៊ីតខ្ពស់ជាងទឹកផ្លែឈើស្រស់ ដោយសារការដាក់សារធាតុរក្សាទុក។ ការប្រើប្រាស់ច្រើនពេក រួមផ្សំជាមួយនឹងជាតិស្ករក្នុងបរិមាណច្រើន នឹងបង្កើតលក្ខខណ្ឌអំណោយផលសម្រាប់បាក់តេរីក្នុងពោះវៀន បង្កផលប៉ះពាល់ដល់សុខភាពដូចជា ប៉ះពាល់ដល់ពោះវៀន ប៉ះពាល់ដល់ស្រទាប់ធ្មេញ និងធ្វើឱ្យស្ថានភាពកាន់តែអាក្រក់ទៅៗ ការពុកធ្មេញកើតឡើង។
លើសពីនេះទៅទៀត ពេលច្របាច់ ឬកិនទឹកផ្លែឈើ មនុស្សជាច្រើនតែងមានទម្លាប់យកសំបកចេញ។ ទោះជាយ៉ាងណាក៏ដោយ តាមពិតទៅ មានបន្លែ និងផ្លែឈើជាច្រើនប្រភេទ ដែលសម្បបរបស់វាក៏មានផ្ទុកជាតិសរសៃខ្ពស់ផងដែរ ដែលល្អសម្រាប់រាងកាយ។
៥. ការកើនឡើងហានិភ័យនៃជំងឺមួយចំនួន
ផលប៉ះពាល់ដែលបង្កគ្រោះថ្នាក់ទាំងនេះច្រើនតែកើតឡើងពេលទទួលទានទឹកផ្លែឈើច្រើនពេក។ ជាឧទាហរណ៍ ការបង្កើនកម្រិតជាតិស្ករធ្វើឱ្យរាងកាយងាយនឹងឡើងទម្ងន់ ធាត់ ឬជំងឺទឹកនោមផ្អែម និងជំងឺបេះដូង។ លើសពីនេះ បរិមាណជាតិសរសៃច្រើននៅពេលដែលផ្តល់ជាបន្តបន្ទាប់តាមរយៈទឹកផ្លែឈើក្នុងរយៈពេលយូរអាចបណ្តាលឱ្យមានអតុល្យភាពនៃពោះវៀន ដែលអាចនាំឱ្យមានបញ្ហារំលាយអាហារ។
តើអ្វីជាវិធីត្រឹមត្រូវក្នុងការទទួលទានទឹកផ្លែឈើស្រស់?
– ញ៉ាំទឹកផ្លែឈើបន្ទាប់ពីទទួលទានអាហារពេលព្រឹក៖ យោងតាមអ្នកជំនាញ ពេលវេលានៃការញ៉ាំទឹកផ្លែឈើអាចនាំមកនូវអត្ថប្រយោជន៍ល្អបំផុតសម្រាប់សុខភាពគឺញ៉ាំវាបន្ទាប់ពីទទួលទានអាហារពេលព្រឹករួចបន្ទាប់ពី ២០ ទៅ ៣០ នាទី។ ដោយសារតែនៅពេលនេះ អង់ស៊ីមនៅក្នុងរាងកាយនឹងមានល្បឿនល្អបំផុតនៃសកម្មភាព និងការរំលាយអាហារ។ ដូច្នេះ ការញ៉ាំទឹកផ្លែឈើនឹងជួយឱ្យអ្នកស្រូបយកសារធាតុចិញ្ចឹមកាន់តែមានប្រសិទ្ធភាព។
– ញ៉ាំភ្លាមៗបន្ទាប់ពីច្របាច់ ឬកិនរួច៖ សម្រាប់ទឹកផ្លែឈើ ឬបន្លែ អ្នកគួរតែផឹកវាក្នុងរយៈពេល 2 ម៉ោងបន្ទាប់ពីការច្របាច់ទឹក។ នេះមិនត្រឹមតែជួយរក្សារសជាតិដ៏ឆ្ងាញ់របស់ទឹកប៉ុណ្ណោះទេ ប៉ុន្តែថែមទាំងធានាថាសារធាតុចិញ្ចឹមដែលមាននៅក្នុងទឹកមិនផ្លាស់ប្តូរ ឬបាត់បង់ឡើយ។
– កំណត់ការបន្ថែមស្ករទៅក្នុងទឹកផ្លែឈើស្រស់៖ ទឹកផ្លែឈើមានផ្ទុកជាតិស្ករខ្ពស់ល្មមរួចហើយ ដូច្នេះអ្នកមិនចាំបាច់បន្ថែមជាតិស្ករច្រើនទៀតនោះទេ។ ក្នុងករណីចាំបាច់ អ្នកអាចបន្ថែមជាតិស្ករក្នុងបរិមាណគ្រប់គ្រាន់ ឬញ៉ាំទឹកផ្លែឈើសុទ្ធ ដើម្បីល្អបំផុតសម្រាប់រាងកាយ។
– កុំកំដៅទឹកផ្លែឈើ៖ ការកំដៅទឹកផ្លែឈើធ្វើឲ្យបរិមាណវីតាមីន C ក្នុងនោះបាត់បង់ ឬផ្លាស់ប្តូរសារធាតុខ្លះក្នុងទឹកផ្លែឈើ។ ដោយហេតុនេះបណ្តាលឱ្យមានផលប៉ះពាល់ដែលរាងកាយមិនចង់បាន។
កុំញ៉ាំទឹកផ្លែឈើច្រើនពេក៖ ការញ៉ាំទឹកផ្លែឈើច្រើនពេកក្នុងមួយថ្ងៃ ជាពិសេសទឹកផ្លែឈើកំប៉ុងបង្កើនហានិភ័យនៃការប្រឈមមុខនឹងជំងឺសរសៃឈាមបេះដូង ឬជំងឺទឹកនោមផ្អែម។
– ញ៉ាំផ្លែឈើស្រស់និងស្អាត៖ ពេលធ្វើទឹកផ្លែឈើស្រស់ អ្នកគួរតែប្រើបន្លែ និងផ្លែឈើស្រស់ ស្អាត និងអនាម័យ។ វិធីសាស្រ្តនេះមិនត្រឹមតែជួយធានានូវរសជាតិនៃភេសជ្ជៈប៉ុណ្ណោះទេ ប៉ុន្តែថែមទាំងធានាបាននូវសុវត្ថិភាពចំណីអាហារសម្រាប់អ្នកប្រើប្រាស់ផងដែរ។
– កំណត់ចំណាំផ្សេងទៀត៖
+ ប្រសិនបើអ្នកអាចជ្រើសរើសបន្លែ និងផ្លែឈើនៅផ្ទះដើម្បីធ្វើទឹកផ្លែឈើស្រស់បាន នោះជាការប្រសើរណាស់ជំនួសឱ្យការញ៉ាំទឹកផ្លែឈើកំប៉ុង ឬដប។
ដាច់ខាតកុំញ៉ាំទឹកផ្លែឈើនៅពេលស្រេកទឹក។
+ កុំញ៉ាំទឹកផ្លែឈើជាមួយទឹកដោះគោ ឬថ្នាំពេទ្យ៕
ប្រែសម្រួលដោយ៖ វីរៈ(Knongsrok)
ព័ត៌មានថ្មីៗ
