ឆុតមែន ! ក្បួនទស្សន៍ទាយជតា វាសនារាសីជីវិតទាំង១២ តាមក្បួនសៀវភៅព្រាហ្មណ៍
នេះជាក្បួនទំនាយរាសីទាំង ១២ តាមគម្ពីរព្រហ្មញ្ញសាសនា ដែលយើងខ្ញុំបកប្រែពីគម្ពីរឯកសារជាភាសាថៃ ។ ដូច្នេះប្រសិនជាលោកអ្នកចង់ដឹង ឆ្នាំណា អាយុណាមានជោគវាសនា ល្អ ឬអាក្រក់ អ្នកត្រូវធ្វើតាមក្បួនខាងក្រោមនេះ។
# វិធីរាប់
- បើជាប្រុស ត្រូវរាប់ឆ្នាំទី១ ពីរូបចេតិយ (លេខ១) ទៅខាងស្តាំដៃ រហូតដល់អាយុបច្ចុប្បន្ន ។
- បើជាស្រី ត្រូវរាប់ឆ្នាំទី១ ពីរូបចេតិយ (លេខ១) ទៅខាងឆ្វេងដៃ រហូតដល់អាយុបច្ចុប្បន្ន ។
បន្ទាប់ពីរាប់ដល់អាយុបច្ចុប្បន្នដល់លេខមួយណាហើយ អ្នកអាចដឹងពីជោគវាសនារបស់អ្នកនឹងទៅជាយ៉ាងណាក្នុងឆ្នាំនោះដូចខាងក្រោម។
# វិធីមើលសៀវភៅទំនាយព្រាហ្មណ៍
១. ចេតិយ
- ស្ត្រី និងបុរសអាយុ 25, 37, 49, 61, 73
ជោគវាសនារបស់អ្នកនៅឆ្នាំនេះ គឺអាចរស់នៅដោយសុខសន្តិភាព ភាពសប្បាយរីករាយ និងមានសុភមង្គលនៅក្នុងជីវិត។ ជាពិសេសរាល់ បំណងប្រាថ្នាទាំងអស់នឹងបានសម្រេចគ្រប់ប្រការ។
២. ឆត្រប្រាក់
- ស្ត្រីអាយុ 24, 36, 48, 60, 72
- បុរសអាយុ 26, 38, 50, 62, 74
ជោគវាសនាក្នុងឆ្នាំនោះនឹងមានសេចក្តីសុខ មានលាភចូលហូរហៀរ និងមានមនុស្សជួយគាំទ្រ។ បើធ្វើការងារទាក់ទងនឹងរដ្ឋាភិបាល ឬធ្វើជំនួញ នឹងមានការរីកចម្រើនបន្ថែមទៀត។
៣. មនុស្សកំបុត.ក
- ស្ត្រីអាយុ 23, 35, 47, 59, 71
- បុរសអាយុ 15, 27, 39, 51, 63, 75
វាសនាអ្នកក្នុងឆ្នាំនោះ អ្នកនឹងរងទុក្ខ ដោយទទួលបានភាពរីករាយជាច្រើនមុន តែនឹងរងទុក្ខលំបាកជាក្រោយ។ អ្នកអាចជួបគ្រោះបាត់បង់លុយកាក់ និងបាត់បង់ទ្រព្យសម្បត្តិផងដែរ។
៤. រាជដំណាក់ហ្លួង
- ស្ត្រីអាយុ 22, 34, 46, 58, 70
- បុរសអាយុ 16, 28, 40, 52, 64, 76 อ่
វាសនាអ្នកក្នុងឆ្នាំនោះ អ្នកនឹងទទួលបានជ័យជម្នះគ្រប់ប្រការ និងមានតែអ្នកចុះញ៉ម។ អ្នកអាចសម្រេចលើគ្រប់កិច្ចការ មានទ្រព្យសម្បត្តិ មាសប្រាក់ និងលាភហូរចូល។ ខ្មាំងសត្រូវនឹងត្រូវចាញ់ដោយគ្រោះរបស់ខ្លួន។
៥. ប្រាសាទ
- ស្ត្រីអាយុ 21, 33, 45, 57, 69
- បុរសអាយុ 17, 29, 41, 53, 65, 77
ជោគវាសនាឆ្នាំនោះ ប្រសិនបើអ្នកនៅលីវអ្នកនឹងរកឃើញគូព្រេងពិតរបស់អ្នក។ ជោគវាសនារបស់អ្នកនឹងជួបតែសុភមង្គល រីកចម្រើនផ្នែកអាជីវកម្ម ប្រាថ្នាអ្វីបានសម្រេច បើរកស៊ីជួញដូរនឹងបានក្លាយទៅជាអ្នកមាន ។
៦. រាហ៊ូ
- ស្ត្រីអាយុ 20, 32, 44, 56, 68, 80
- បុរសអាយុ 18, 30, 42, 54, 66, 78
ជោគវាសនារបស់អ្នកក្នុងឆ្នាំនោះ អ្នកនឹងទទួលបានការខកចិត្ត។ សម្ដីរបស់អ្នកដទៃធ្វើឱ្យអ្នកគិតច្រើន និងមានអារម្មណ៍តានតឹង ។ អ្នកអាចជួបគ្រោះបាត់បង់លុយកាក់ និងទ្រព្យសម្បត្តិ ថែមទាំងជួបប្រទះភាពចលាចលមិនចេះចប់ មានរឿងឈ្លោះប្រកែកជាមួយអ្នកជិតខាង ហើយអ្នកអាចនឹងមានជំងឺប្រចាំកាយបៀតបៀនផងដែរ។
៧. ឆត្រមាស
- ស្ត្រី និងបុរសអាយុ 19 , 31 , 43 , 55 , 67 , 79 ។
ជោគវាសនាឆ្នាំនោះ អ្នកនឹងជួបប្រទះសំណាង សម្បូរដោយទ្រព្យសម្បត្តិ រួមជាមួយនឹងការមានសំណាងដោយមានមិត្តភក្តិ និងមានមនុស្សមានមុខមានមាត់ជួយគាំទ្រ។ ជោគវាសនារបស់អ្នកនៅឆ្នាំនេះមានតែសេចក្តីសុខ និងសេចក្តីចម្រើន។
៨. ទេវតាជិះអណ្តើក
- ស្ត្រីអាយុ 18, 30, 42, 54, 66, 78
- បុរសអាយុ 20, 32, 44, 56, 68, 80
ជោគវាសនាឆ្នាំនោះ អ្នកនឹងសប្បាយចិត្តក្នុងកម្រិតមធ្យម លុយកាក់ មាសប្រាក់ ល្មមចាយត្រូវចាយ អ្វីដែលត្រូវធ្វើ គិតឱ្យច្បាស់ជាមុនសិន។ បើមិនដូច្នោះទេកំហុសនឹងកើតឡើង ហើយនឹងអាចបង្កជាបញ្ហាទៀតផង។
៩. មនុស្សគៀប.ក
- ស្ត្រីអាយុ 17, 29, 41, 53, 65, 77
- បុរសអាយុ 21, 33, 45, 57, 69, 81
ជោគវាសនាឆ្នាំនោះ ចាត់ទុកថាវាសនាធ្លាក់ក្នុងស្ថានភាពអាក្រក់ ប្រយ័ត្នជាមួយសាច់ញាតិរបស់អ្នកដែលអាចនឹងនាំមកនូវបញ្ហា ។ គូស្នេហ៍គួរតែយកចិត្តទុកដាក់ចំពោះគ្នាចៀសវាងមានទំនាស់ផ្សេងៗ។ ត្រូវប្រុងប្រយ័ត្នក្នុងការធ្វើដំណើរផ្លូវឆ្ងាយ ត្រូវធ្វើបុណ្យកុសលឱ្យបានច្រើន ចៀសវាងបញ្ហានានា។
១០. លោកបណ្ឌិត
- ស្ត្រីអាយុ 16, 28, 40, 52, 64, 78
- បុរសអាយុ 22, 34, 46, 58, 70, 82
ជោគវាសនាឆ្នាំនោះ អ្នកនឹងបានជួបចាស់ទុំ ដែលជួយគាំទ្រអ្នក ផ្តល់ឋានៈអ្នក អាចផ្តល់សុភមង្គល និងភាពចម្រុងចម្រើន ។ សំណាងនឹងមករកអ្នកផ្ទួនៗ ឯគ្រោះមហន្តរាយនឹងមិនបៀតបៀនជីវិតអ្នកឡើយ។
១១. មេមត់
- ស្ត្រីអាយុ 15, 27, 39, 51, 63, 75
- បុរសអាយុ 23, 35, 47, 59, 71, 83
ជោគវាសនារបស់អ្នកនៅឆ្នាំនោះ អ្នកនឹងបានជួបអ្នកចាស់ទុំ ដែលបានគាំទ្រអ្នក ផ្តល់សុភមង្គល និងភាពចម្រុងចម្រើន។ ពាក្សសម្តីរបស់អ្នកតែងតែត្រូវមនុស្សគ្រប់គ្នាយកចិត្តទុកដាក់ស្តាប់ ទៅទីណាក៏មានមនុស្សស្រលាញ់រាប់អានអ្នកដែរ។ អ្នកនឹងមានអ្នកនាំសំណាង ប៉ុន្តែមិនច្រើនទេ អ្នកអាចនឹងនឿយហត់ទាំងផ្លូវកាយ និងផ្លូវចិត្តតិចតួចដែរ។
១២. នាគរាជ
- ស្ត្រីអាយុ 14, 26, 38, 50, 62, 74
- បុរសអាយុ 24, 37, 48, 60, 72, 84
ជោគវាសនាក្នុងឆ្នាំនោះចាត់ទុកថាអាក្រក់ សូមប្រយ័ត្នការកើតមានជំងឺតម្កាត់ផ្សេងៗ និងមានមនុស្សទុច្ចរិតលួចធ្វើបាបអ្នក។ ចូរធ្វើបុណ្យទាន និងបន់ស្រន់ឱ្យបានច្រើន កុំធ្វើបាបសត្វ នោះការរងទុក្ខនឹងធូរស្រាលជាងមុន ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ Writers
ព័ត៌មានថ្មីៗ
