តាមហោរាសាស្ត្រ៖ សប្ដាហ៍ថ្មីនេះ អ្នកកើតឆ្នាំទាំង ៣ ត្រូវប្រយ័ត្នសម្ដីបន្តិច ព្រោះអាចជួបបញ្ហា
តាមហោរាសាស្ត្របានទស្សន៍ទាយថានៅរយៈពេល ៧ ថ្ងៃនៃសប្តាហ៍ថ្មី ចន្លោះថ្ងៃទី ១៩ ដល់ ២៥ កក្កដា សម្រាប់អ្នកកើតឆ្នាំទាំង ៣ ត្រូវប្រយ័ត្នសម្តីបន្តិច ព្រោះអាចប៉ះពាល់ដល់ទំនាក់ទំនង បង្កក្លាយជាបញ្ហាជាមួយមនុស្សមួយចំនួន។
អ្នកកើតឆ្នាំមមី (សេះ)
ជាមនុស្សដែលឈ្លាសវៃ រហ័សរហួន ហើយក៏តែងតែមានសំណាងល្អជារឿយៗក្នុងជីវិតដែរ តែនៅសប្តាហ៍ថ្មីពួកគេត្រូវប្រុងប្រយ័ត្តបន្តិចក្នុងការសម្រេចចិត្ត ទាក់ទិននឹងរឿងលុយកាក់ ព្រោះវាអាចក្លាយទៅជាគ្រោះ។
ដូចគ្នានឹងរឿងរ៉ាវស្នេហា កុំសម្តីធំដាក់គ្នា ចូរអត់ធ្មត់ឲ្យបានខ្ពស់នៅចន្លោះពេលនេះ ព្រោះចុងក្រោយអាចនាំឲ្យខាតបង់ និងហត់នឿយទាំងសងខាងទេ។ ចូរត្រៀមខ្លួនទុកជាមុនសម្រាប់បញ្ហាពេលខាងមុខ។
អ្នកកើតឆ្នាំមមែ (ពពែ)
ក្នុងអាជីពការងារ សម្រាប់អ្នកកើតឆ្នាំមមែ អាចនឹងជួបបញ្ហារាំងស្ទះ និងការលំបាកមួយចំនួនតូច ដែលនាំឲ្យគុណភាពការងាររបស់ពួកគេមានការថយចុះក្នុងកំឡុងពេលនោះផងដែរ។ និយាយពីមុខជំនួញធំៗវិញ ពួកគេក៏ត្រូវប្រយ័ត្នលើកិច្ចកុងត្រា និងពាក្យសម្តីមួយចំនួន ព្រោះអាចនឹងនាំឲ្យបាត់បង់ទ្រព្យធំ។
ដំបូន្មានសម្រាប់អ្នកកើតឆ្នាំមមែ នៅចន្លោះពេល ៧ ថ្ងៃនេះ ត្រូវតែប្រយ័ត្នឲ្យមែនទែននៅការរាប់អានមិត្តភក្តិថ្មី និងការរកដៃគូថ្មីណាមួយ កុំប្រញាប់ជឿគេពេក កុំត្រេកត្រអាលលឿនពេក ត្រូវមើលឲ្យគ្រប់ជ្រុងជ្រោយ។ ឆ្លងផុតមួយសប្តាហ៍នេះទៅ ជីវិតអ្នកនឹងល្អប្រសើរវិញហើយ។
អ្នកកើតឆ្នាំច (ឆ្កែ)
តាមហោរាសាស្រ្តសម្រាប់អ្នកកើតឆ្នាំច បើចង់ស្នើសុំថ្នាក់លើឡើងមុខងារតួនាទី គួរកុំទាន់សុំពេលនេះអី។ ជោគជតារបស់ពួកគេហាក់មិនល្អឡើយ ដោយចូររង់ចាំមួយរយៈទៀតសិន។
ទាំងការនិយាយស្តី ការអាកាត់រឿងណាមួយ ចូរកុំប្រើប្រាស់អារម្មណ៍មួយឆាវ ពោលត្រូវគិតឲ្យបានវែងឆ្ងាយទៅមុខ ព្រោះពេលវេលានេះ ជាពេលដែលអ្នកអាចនាំផលលំបាកដល់ជីវិតខ្លួនឯង។ បើនិយាយពីរឿងលុយកាក់ អ្នកក៏ត្រូវគ្រប់គ្រងឲ្យបានល្អដែរ ជៀសវាងការចំណាយលើសចំណូល ហើយគួរទុកលុយបម្រុងមួយចំនួនផងដែរ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
