ជ្រើសរើសផ្កាឈូកមួយ ដើម្បីទម្លាយថា តើជីវិតអ្នកកំពុងជួបរឿងអ្វីនៅពេលនេះ?
ផ្កាឈូក គឺត្រូវបានប្រើប្រាស់ក្នុងអត្ថន័យផ្សេងពីគ្នាទៅតាមជាតិសាសន៍នីមួយៗ ដោយឡែកសម្រាប់ព្រះពុទ្ធសាសនា គឺត្រូវបានគេឲ្យតម្លៃខ្ពស់ ដោយឈូកតំណាងឲ្យបញ្ញានៃអ្នកគោរពព្រះពុទ្ធ ព្រោះព្រះសម្មាសម្ពុទ្ធបានចាត់ទុកបញ្ញារបស់សត្វលោកដូចជាផ្កាឈូកបួនពួកក្នុងជលសា។
ក្រឡេកមកក្នុងអត្ថបទនេះយើងជ្រើសរើសផ្កាឈូកចំនួន ៦ ឲ្យអ្នកធ្វើការចុចយកមួយ ហើយផ្ទៀងផ្ទាត់ចម្លើយនៅខាងក្រោម ថាតើជីវិតអ្នកពេលនេះកំពុងជួបប្រទះនូវរឿងរ៉ាវអ្វីខ្លះ?
ផ្កាឈូកទី ១
ប្រសិនជាផ្កាឈូកទី ១ បានទាក់ទាញចិត្តអ្នកឲ្យជ្រើសរើសយកនោះ មានន័យថា អ្វីដែលអ្នកត្រូវធ្វើពេលនេះ គឺការរក្សាភាពស្ងៀមស្ងាត់និងអត់ធ្មត់ខ្ពស់តាមដែលអាចធ្វើទៅបាន។ បញ្ហារបស់អ្នក គឺទាមទារការប្រើប្រាស់អារម្មណ៍ពិតមកដោះស្រាយ តែត្រូវដឹងការដែលអ្នកពន្យារវាឲ្យបានកាន់តែយូរ គឺកាន់តែល្អ។
ផ្កាឈូកទី ២
ការដែលអ្នកធ្វើសកម្មភាពអ្វីមួយដោយពុំបានគិតល្អិតល្អន់ វាជាធម្មតាហើយដែលបានទាញឲ្យអ្នកធ្លាក់មកដល់ចំណុចនេះ។ បញ្ហារបស់អ្នកបានកើតឡើងប៉ុន្មានសប្តាហ៍មកហើយ តែយ៉ាងណាចូរបន្តផ្តោតលើដំណោះស្រាយ និងត្រូវតែព្យាយាមធ្វើឲ្យគ្រប់គ្នានៅជុំវិញខ្លួនគិតថាមិនអី។
បញ្ហាហិរញ្ញវត្ថុជាអ្វីដែលអ្នកប្រឈមធំបំផុតនៅពេលនេះ តែតាមមើលឃើញគឺអ្នកធ្វើបានល្អច្រើនជាងមុន បែបនេះចូរបន្តការខិតខំរបៀបហ្នឹងទៀត។
ផ្កាឈូកទី ៣
ជីវិតរបស់មនុស្សយើងមិនស្ថិតស្ថេរជារៀងរហូតនោះទេ ពេលខ្លះគេឡើងខ្ពស់ដល់មេឃ គេនៅតែធ្លាក់មកវិញ ចុះទម្រាំយើង? ជួបរឿងអ្វីក៏ដោះហ្នឹងទៅ ហើយនៅទីបំផុតរយៈពេល ២-៣ សប្តាហ៍បន្ទាប់ អ្នកនឹងមើលឃើញថា ខ្លួនឯងជាអ្នកប្រយុទ្ធនឹងបញ្ហាដ៏អស្ចារ្យម្នាក់។ ពេលវេលានេះចូរសង្កេតមើលហើយព្យាយាមលុបចេញនូវមនុស្សដែលបង្កើតជាតិពុល ចេញពីជីវិតរបស់អ្នក ជារឿងដែលគួរតែធ្វើ។
ផ្កាឈូកទី ៤
ជីវិតរបស់អ្នកកំពុងស្ថិតក្នុងភាពច្របូកច្របល់យ៉ាងខ្លាំង អ្នកសឹងតែលែងចង់បើកភ្នែក ព្រោះពេលបើកគឺឃើញតែបញ្ហានៅចំពោះមុខ។ វាជាហេតុបណ្តាលឲ្យអ្នកឆាប់មានអារម្មណ៍ខឹងឆេវឆាវ រហូតសឹងតែធ្វើឲ្យអ្នកចង់លាក់ខ្លួនពីអ្នកដទៃមួយរយៈទៅហើយ។
ជំនួសពីការរស់នៅជាមួយភាពសោកសៅ ចូរអ្នកនឹងឃើញនូវពេលវេលាដែលអ្នកបានខិតខំកន្លងមក រឿងដែលអ្នកបានឆ្លងកាត់កន្លងមក ហើយត្រូវប្រាប់ខ្លួនឯងថា អ្នកជាមនុស្សដ៏អស្ចារ្យម្នាក់ដែលអាចឆ្លងកាត់រឿងជាច្រើន ហើយកុំបោះបង់ត្រឹមតែបញ្ហាមួយពេល ធ្វើឲ្យខូចការធំនូវរឿងជាច្រើននោះ។
ផ្កាឈូកទី ៥
ចូរចំណាយពេលឲ្យបានច្រើនជាមួយមនុស្សដែលគេយកចិត្តទុកដាក់នឹងអ្នកពិតប្រាកដ ហើយកាត់បន្ថយពេលវេលាជាមួយមនុស្សឥតបានការដែលសម្លឹងឃើញតែប្រយោជន៍។ មួយរយៈនេះបញ្ហាបេះដូង ការជឿជាក់លើមនុស្សខុស បានធ្វើឲ្យអ្នករាងស្រងាកចិត្តបន្តិចហើយ។
ផ្កាឈូកទី ៦
អតីតកាលកំពុងញាំញីផ្លូវអារម្មណ៍អ្នក អ្វីដែលអ្នកគួរធ្វើនៅពេលនេះ គឺត្រូវដោះស្រាយបញ្ហាផ្លូវចិត្ត។ ចូរបើកបេះដូងឲ្យទូលាយ ឆ្ពោះទៅរកដំណើរផ្សងព្រេងថ្មី ការសាកល្បងរបស់ថ្មី នឹងនាំមកវិញនូវប្រយោជន៍ដល់អ្នក ហើយកុំភ្លេចពាំនាំនូវបទពិសោធន៍ពីមុន មកបង្រៀនអ្នកតាមផ្លូវដែលត្រូវដើរផង៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
