២៤,២៥,២៦ មិនា ម្ចាស់ឆ្នាំ ២ សប្បាយកើបលាភ តែឆ្នាំ ១ នេះប្រឈមការលំបាកច្រើន
ក្បួនហោរាសាស្រ្តសម្រាប់ចុងសប្តាហ៍ចន្លោះថ្ងៃសុក្រតទៅ ២៤,២៥ និង ២៦ មិនា បានដំណាលមកថា ម្ចាស់ឆ្នាំទាំង ២ ខាងក្រោម នឹងមានរាសីឡើងខ្ពស់ត្រដែត តែឆ្នាំ ១ អាចប្រឈមការលំបាកច្រើននៅរយៈពេលខ្លី៖
អ្នកកើតឆ្នាំជូត – កណ្តុរ
ថ្ងៃទី ២៤,២៥ និង ២៦ មិនានេះ សម្រាប់ម្ចាស់ឆ្នាំជូត នឹងទទួលបានចម្រុងចម្រើន ជាពិសេសគឺលាភសម្បូរសប្បាយ តាំងពីបើកដល់បិទថ្ងៃ។ លុយក៏រត់ចូលពេញហោប៉ៅ ដល់អ្នកខ្លះក៏អាចមានសំណាងធំ ដល់ក្លាយជាអ្នកមាននៅចន្លោះថ្ងៃនោះទៀតផង។
លើសពីនេះម្ចាស់ឆ្នាំជូត ដែលចង់ផ្លោះចេញពីកន្លែងចាស់របស់ខ្លួន ទៅរកកន្លែងថ្មី ក៏ជាពេលវេលាល្អ ដ៏សមប្រកបអាចជួយឲ្យពួកគេទទួលបានជោគជ័យ។ រីឯអ្នករកស៊ី ធ្វើជំនួញ ក៏នឹងមានចំណូលកើតច្រើនហួសពីការរំពឹងទុក ដោយល្មមអាចឲ្យពួកគេញញឹមបិទមាត់មិនជិត។
អ្នកកើតឆ្នាំរោង – នាគ
ចន្លោះថ្ងៃទី ២៤,២៥ និង ២៦ មិនា សម្រាប់ម្ចាស់ឆ្នាំរោង គឺអាចមានភាពលេចធ្លោខ្លាំង ទាំងអាជីពការងារ ការរកស៊ី និងជីវិតស្នេហា។ ចាប់ពីដើមសប្តាហ៍ រហូតដល់ពាក់កណ្តាលសប្តាហ៍ ពួកគេដូចបានផ្លោះទៅកាន់ជំហានថ្មីមួយទៀតក្នុងជីវិត។
មនុស្សនេះ ក៏អាចទទួលបានការជឿទុកចិត្តពីថ្នាក់លើ មានគេគោរពស្រលាញ់ច្រើន ហើយក៏ទទួលបានការកោតសរសើរមិនដាច់ពីមាត់។ រឿងលុយកាក់មិនជាបញ្ហាដែលពួកគេត្រូវបារម្ភឡើយ រីឯការប្រកួតប្រជែងមិនថាក្នុងអាជីព ឬវិស័យណាវិញ ក៏នឹងឈ្នះអស់គូសត្រូវ។
អ្នកកើតឆ្នាំខាល – ខ្លា
អ្នកកើតឆ្នាំខ្លា អាចនឹងជួបរឿងលំបាក ព្រោះគ្រប់យ៉ាង អាចមានការប្រែប្រួលពីល្អមកអាក្រក់នៅរយៈពេលខ្លីខាងមុខនេះ។ ចូរត្រៀមចិត្តនឹងទទួលយក ហើយកុំខ្លាចនឹងដោះស្រាយបញ្ហាទាំងឡាយ ដែលត្រូវជួបប្រទះ។
វាអាចថា អ្នកនឹងឆ្លងកាត់ត្រឹមរយៈពេលខ្លីប៉ុណ្ណោះ រួចបើអ្នកបន្តខិតខំ មិនបោះបង់គោលដៅ នោះគ្រោះ ក៏អាចនឹងក្លាយជាលាភធំទៅវិញ នៅពេលបន្ទាប់ទៀត។ រាសីដែលស្រុតចុះនេះ ត្រូវចាំហើយចាំទៀត គឺមិនយូរទេសម្រាប់អ្នកកើតឆ្នាំខាល៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
