នៅក្នុងជីវិត មានរឿង ៣ មិនគួរគិត និងរឿង ៣ មិនគួរជួយ
នេះជាមេរៀនសំខាន់ណាស់ នៅក្នុងជីវិតនេះ ទោះបីគិតគូរយ៉ាងណា ក៏មិនមែនថាយើងត្រូវតែគិតគ្រប់រឿងនោះដែរ ចំណែកមនុស្សដែលនៅក្បែរខ្លួនយើង មិនមែនសុទ្ធតែត្រូវជួយនោះឡើយ។ យ៉ាងណាក៏ដោយ នេះជារឿង ៣ ដែលយើងមិនគួរគិត និងរឿង ៣ ដែលយើងមិនគួរជួយ។
១. រឿង ៣ យ៉ាងដែលអ្នកមិនគួរគិត
- កុំគិតអំពីការមិនអាចធ្វើបាន
កុំគិតអំពីអ្វីដែលអ្នកមិនអាចធ្វើ ឬសម្រេចបាន។ កុំព្យាយាមនៅជាប់នឹងអ្វីដែលហួសពីសមត្ថភាពរបស់អ្នក។ នៅលើលោកនេះ មានរឿងជាច្រើនដែលហួសពីការគ្រប់គ្រងរបស់យើង ត្រូវចេះទទួលយកអ្វីគ្រប់យ៉ាងដែលកើតឡើង។ បើអាចដោះស្រាយបាន ត្រូវដោះស្រាយ។ ប្រសិនបើអ្នកមិនអាចដោះស្រាយបានទេ អ្នកគួរតែទទួលយកវា។ គ្មាននរណាម្នាក់អាចទស្សន៍ទាយជោគវាសនារបស់អ្នកបានទេ ធ្វើអ្វីដែលអ្នកគិតគួរធ្វើ ជឿថាកាន់តែព្យាយាម នោះសំណាងនឹងបើកកាន់តែច្រើន កុំបារម្ភរឿងដែលមិនទាន់កើតឡើង។
- កុំគិតរឿងដែលកន្លងហួសយូរមកហើយ
អតីតកាលមិនអាចត្រលប់មកវិញបានទេ ប្រសិនបើយើងនៅតែវង្វេងក្នុងភាពងងឹតនៃអតីតកាល យើងនឹងបាត់បង់ឱកាសដើម្បីស្វែងរកផ្លូវឆ្ពោះទៅមុខ។ អតីតកាលគឺជាកន្លែងដ៏ល្អសម្រាប់ទស្សនា ប៉ុន្តែមិនមែនជាកន្លែងដ៏ល្អសម្រាប់ស្នាក់នៅនោះទេ។ រំសាយភាពអាប់អួរ ភាពងងឹតដែលបានកើតមានកាលពីអតីតកាល ដើរចេញទៅខាងក្រៅឱ្យបានច្រើន ដើម្បីទទួលអារម្មណ៍ពីរឿងល្អៗនៅជុំវិញអ្នក។
- កុំគិតឆ្ងាយពេក
កុំគិតច្រើនពេកអំពីអនាគតដ៏សែនឆ្ងាយ ថ្ងៃខាងមុខយើងនៅតែមិនដឹងជាមួយនឹងការប្រែប្រួលជាច្រើន ការគិតច្រើនពេកនឹងធ្វើឱ្យអ្នកកាន់តែធ្លាក់ទឹកចិត្ត។ បច្ចុប្បន្នគឺជារឿងតែមួយគត់ដែលអាចគ្រប់គ្រងបាន។ មានអារម្មណ៍ថាជីវិតកំពុងកើតឡើង ហើយបោះជំហានជាបន្តបន្ទាប់ជារៀងរាល់ថ្ងៃ រៀងរាល់ម៉ោង រាល់នាទី រាល់វិនាទី។ អ្វីដែលមាននៅថ្ងៃនេះ គឺជាលទ្ធផលនៃការខិតខំទាំងអស់ក្នុងអតីតកាល។ ដូចគ្នានេះ ការប្រមូលផ្តុំគ្នាបន្តិចបន្តួចក្នុងបច្ចុប្បន្នកាល បង្កើតផ្លូវមួយជាសមិទ្ធផលទៅអនាគត។
២. រឿង ៣ យ៉ាងដែលមិនគួរជួយ
- រឿងដែលលើសពីសមត្ថភាព
បុរាណតែងពោលថា៖ កុំលើកបន្ទុកធ្ងន់ បើមានកម្លាំងខ្សោយ កុំទូន្មាននរណាបើពាក្យសម្ដីអ្នកគ្មានទម្ងន់។ ជួយនរណាម្នាក់ ឱ្យពិចារណាពីសមត្ថភាពរបស់ពួកគេ ហើយកុំធ្វើតាមអំពើចិត្តតាមការសន្យា មិនដូច្នោះទេ អ្នកនឹងបរាជ័យ។ នៅពេលអ្នកពេញចិត្តនឹងជួយគេ ប៉ុន្តែធ្វើឱ្យស្ថានការណ៍បរាជ័យ ឬធ្វើឱ្យខូចខាត កាន់តែយ៉ាប់យ៉ឺន គេមិនដឹងគុណអ្នក មិនដឹងទឹកចិត្តអ្នក តែបែរជាត្រូវគេស្ដីបន្ទោសទៅវិញ បែបនេះ វាពិតជាឈឺចាប់ណាស់។
- កុំជ្រៀតជ្រែកក្នុងកិច្ចការស្នេហាអ្នកដទៃ
ការជ្រៀតជ្រែកក្នុងកិច្ចការស្នេហា គឺចូលជ្រៀតជ្រែកក្នុងអារម្មណ៍ និងអាពាហ៍ពិពាហ៍របស់អ្នកដទៃ។ បុរាណបានពោលថា៖ បើមិនធ្វើជាអ្នកផ្គូផ្គងទេ ជីវិតទាំង៣របស់អ្នកនឹងល្អ ។ ជោគវាសនាត្រូវបានកំណត់ដោយស្ថានសួគ៌ មនុស្សមិនគួរជ្រៀតជ្រែកជ្រៅពេក ក្នុងជីវិតស្នេហា គ្រួសារអ្នកដទៃនោះឡើយ។ នៅសម័យបុរាណ បុរស និងស្ត្រីមិនត្រូវបានអនុញ្ញាតឱ្យប្រាស្រ័យទាក់ទងគ្នាដោយសេរីទេ ដូច្នេះពួកគេត្រូវការនរណាម្នាក់ណែនាំ ឬធ្វើជាមេអណ្ដើក។ សព្វថ្ងៃនេះទំនាក់ទំនងរវាងបុរស និងស្ត្រីកាន់តែបើកចំហ ដូច្នេះ ការរកដៃគូមិនបាច់ពឹងពាក់អ្នកដទៃឡើយ។
- កុំជួយក្នុងរឿងការងារមិនបន្ទាន់
ពេលមនុស្សជាទីស្រឡាញ់មានបញ្ហា វាជារឿងធម្មតាក្នុងការជួយតាមសមត្ថភាពរបស់ខ្លួន។ ទោះយ៉ាងណាក៏ដោយ គ្មាននរណាម្នាក់អាចផ្លាស់ប្តូរជោគវាសនារបស់មនុស្សបានទេ ពួកគេអាចជួយបានតែពេលមានគ្រោះថ្នាក់ប៉ុណ្ណោះ។ សម្រាប់អ្នកដែលមិនព្រមដើរទៅមុខដោយជើងពីររបស់ពួកគេ ជំនួយឥតឈប់ឈររបស់អ្នកដទៃនឹងធ្វើឱ្យពួកគេកាន់តែពឹងផ្អែក ទន់ជ្រាយ គ្មានថ្ងៃរឹងមាំនោះឡើយ៕
ព័ត៌មានថ្មីៗ
