តើ ខុង ជឺ ជានរណា? ហើយលោកបានបន្សល់នូវទស្សនៈអ្វីខ្លះដល់មនុស្សជាតិ?
ខុង ជឺ (ភាសាអង់គ្លេស: Confucius, ភាសាចិន: 孔子) តាមអក្សរសាស្ត្រចិនត្រូវបានគេស្គាល់ថា "លោកគ្រូខុង" (តាមប្រតិទិនបុរាណ: ២៨ កញ្ញា ៥៥១ មុនគ.ស – ៤៧៩ មុនគ.ស) គឺជាមហាទស្សនវិទូចិនមួយរូបដ៏ល្បីល្បាញ ដែលបានបង្រៀន និងបន្សល់ទុកនូវទស្សនវិជ្ជាដ៏មានឥទ្ធិពលយ៉ាងជ្រាលជ្រៅចំពោះផ្នត់គំនិត និងជីវិតរស់នៅរបស់ប្រជាជនចិន កូរ៉េ ជប៉ុន និងវៀតណាម។
ទស្សនវិជ្ជារបស់គាត់ បានបញ្ជាក់ពីធម្មចរិយាបុគ្គល និងការគ្រប់គ្រង ដោយសច្ចធម៌នៃទំនាក់ទំនងសង្គម យុត្តិធម៌ និងភាពស្មោះត្រង់។ តម្លៃទាំងនេះ បានលេចត្រដែតឡើងនៅក្នុងប្រទេសចិន លើសលទ្ធិដទៃទៀតដូចជា លទ្ធិនីតិនិយម ឬ លទ្ធិតាវ ក្នុងសម័យរាជវង្សហាន (២០៦ មុនគ.ស – គ.ស ២២០)។ ផ្នត់គំនិតរបស់ខុង ជឺ ត្រូវបានវិវឌ្ឍទៅជាប្រព័ន្ធទស្សនវិជ្ជា ដែលត្រូវបានគេស្គាល់ថា លទ្ធិខុងជឺ។ លទ្ធិនេះ ត្រូវបាននាំចូលទៅអឺរ៉ុប ដោយអ្នកបួសនិកាយយ៉េស៊ូអ៊ិតជាតិអ៊ីតាលីឈ្មោះ Matteo Ricci ដែលបានសរសេរឈ្មោះខុង ជឺ ជាភាសាឡាតាំងលើកដំបូងថា "Confucius" (កុងហ៊្វូស៊ីយូស)។
ការបង្រៀនរបស់គាត់ អាចត្រូវបានគេប្រទះឃើញនៅក្នុងចំណានអក្សរសាស្ត្រខុងជឺ គឺជាការប្រមូលផ្ដុំសម្រង់សុភាសិតខ្លី ដែលត្រូវបានគេចងក្រងឡើងអស់រយៈពេលជាច្រើនឆ្នាំក្រោយមរណភាពរបស់គាត់។ ប្រវត្តិសាស្ត្រសម័យទំនើប មិនជឿថា មានឯកសារជាក់លាក់ណាមួយ អាចបញ្ជាក់បានថា ត្រូវបានសរសេរដោយខុង ជឺ នោះឡើយ។ ប៉ុន្តែ អស់រយៈពេលជិត ២,០០០ មកនេះ គាត់ត្រូវបានគេជឿថា ជាអ្នកកែសម្រួល ឬ ជាអ្នកនិពន្ធ នូវគម្ពីរបុរាណទាំងប្រាំ ដូចជា គម្ពីរប្រតិបត្តិបញ្ញត្តិសាសនាបុរាណ Classic of Rites (五經) (អ្នកកែសម្រួល) និងគម្ពីរនិទាឃៈរដូវនិងសរទរដូវ Spring and Autumn Annals (春秋) (អ្នកនិពន្ធ)។ ប្រភព៖ wikipedia
ហើយខាងក្រោមនេះជាសម្រង់ទស្សនៈរបស់លោក៩ប្រយោគដើម្បីដូសខាត់និងជាផ្លូវនៃការផ្លាស់ប្តូរការរស់នៅរបស់យើង៖
១. ដើរយឺតមិនសំខាន់ អ្វីដែលសំខាន់គឺបន្តដើរទៅមុខកុំឈប់។
២. កុំបង្កើតមិត្តជាមួយមនុស្សដែលអន់ជាងអ្នក។
៣. ពេលខឹងខ្លាំងចូរគិតអំពីផលវិបាកជាមុនសិន។
៤. ពេលមិនអាចសម្រេចគោលដៅបាន កុំប្តូរគោលដៅ តែត្រូវប្តូរយុទ្ធសាស្រ្តនិងសកម្មភាព។
៥. ប្រសិនបលើអ្នកស្អប់នរណាម្នាក់នុះមានន័យថាអ្នកចាញ់គេហើយ។
៦. មនុស្សខ្លាំងគឺស្វែងរកអ្វីដែលមានក្នុងខ្លួនគេ រីឯមនុស្សអន់គឺស្វែងរកអ្វីមានក្នុងខ្លួនអ្នកដទៃ។
៧. ទៅកាន់ទីណាក៏ដោយគឺត្រូវទៅទាំងបេះដូង។
៨. អំពើណាដែលធ្វើទៅហើយបានទទួលផលដល់ខ្លួនឯងហើយ បានទុកដល់អ្នកដទៃ សូមជៀសវាងកុំធ្វើអំពើនោះជាដាច់ខាត។
៩. អំពើណាដែលអ្នកស្រឡាញ់ចង់បាន និងចង់ឲ្យអ្នកដទៃធ្វើមកលើរូបអ្នក ចូរអ្នកធ្វើអំពើនោះទៅអ្នកដទៃជាមុនសិន។
ទាំង៩ប្រយោគខាងលើគឺជាទស្សនៈដកស្រង់
ព័ត៌មានថ្មីៗ
