នៅថៃអ្នកលក់ម៉ាសតម្លៃលើសពី ២,៥ បាត/ម៉ាស ត្រូវជាប់គុក ៥ ឆ្នាំ ហើយពិន័យជាប្រាក់ដល់ទៅ
ក្រសួងពាណិជ្ជកម្មរបស់ប្រទេសថៃបានប្រកាសនៅថ្ងៃព្រហស្បតិ៍កន្លងទៅនេះថាសម្រាប់ជនណាដែលលក់ម៉ាសក្នុងមួយម៉ាសតម្លៃលើសពី ២,៥ បាត (ឬជាង ៣០០ រៀល/ម៉ាស រូបិយប័ណ្ណកម្ពុជា) នឹងត្រូវជាប់ពន្ធនាគាររយៈពេល ៥ ឆ្នាំនិងពិន័យជាប្រាក់ដល់ទៅ ១០០ ០០០ បាតឬជាង ៣ ១០០ ដុល្លារអាមេរិក។
បច្ចុប្បន្ននៅប្រទេសថៃមានការផ្គត់ផ្គង់ម៉ាសដោយរោងចក្រចំនួន ១១ ទីតាំង ដែលក្នុងមួយថ្ងៃអាចផលិតបានប្រមាណ ១,២ លានម៉ាស ដែលនេះជាការធ្លាក់ចុះមួយកម្រិតបើធៀបនឹងពេលមុន ១,៣៥ លានម៉ាស។
ចំពោះចំនួនកំណត់មួយនេះសោត រដ្ឋាភិបាលបានចាត់វិធានការដោយផ្គត់ផ្គង់ប្រមាណ ៧០០ ០០០ ម៉ាសទៅកាន់ផ្នែកសុខាភិបាលសាធារណៈ រួមមានមន្ទីរពេទ្យរដ្ឋនិងមន្ទីរពេទ្យឯកជន ខណៈ ៥០០ ០០០ ម៉ាសផ្សេងទៀតត្រូវផ្គត់ផ្គង់ទៅតាមហាងលក់ចែកចាយផ្សេងៗ។
រំឭកថាគិតមកទល់ព្រឹកថ្ងៃទី ៦ មិនា ឆ្នាំ ២០២០ នៅប្រទេសថៃមានករណីអ្នកឆ្លងវីរុស COVID-19 ចំនួន ៤៧ ករណី ដោយមានអ្នកបាត់បង់ជីវិត ១ រូប ខណៈព្យាបាលជោគជ័យមាន ៣១ ករណីហើយ៕
ប្រែសម្រួល៖ Knongsrok | ប្រភព៖ Bangkokpost
ព័ត៌មានថ្មីៗ
