ពួកម៉ាកស្រឡាញ់រាប់អានគ្នា បើយកលុយជាធំ គង់តែបែកបាក់នៅថ្ងៃណាមួយមិនខាន
មនុស្សស្រឡាញ់រាប់អានគ្នាជាមិត្តល្អយ៉ាងណាក៏ដោយ តែបើអ្នកឱ្យតម្លៃលុយជាធំហើយ មិនយូរឡើយគង់តែមានបញ្ហា បែកបាក់គ្នាមិខាន។
មើលឃើញច្រើនណាស់ហើយ ហើយក៏ធ្លាប់ជួប ធ្លាប់ឆ្លងកាត់ដូចគ្នាដែរ ដូចពាក្យគេថា "លុយមិនអាចទិញទំនាក់ទំនងល្អបានទេ ប៉ុន្តែលុយអាចបំផ្លាញទំនាក់ទំនងល្អបាន"។ រាប់អានមិត្តភក្តិបងប្អូន យកលុយជាធំ អ្នកនឹងមិនអាចរកបានមនុស្សល្អស្មោះត្រង់ចូលក្នុងជីវិតបានទេ។ ប៉ុន្តែ បើការរាប់អានគ្នា បើអ្នកមិនស្មោះត្រង់ បើអ្នកចង់តែខ្សែលើ កេងចំណេញលើគ្នា ព្រោះតែរឿងលុយកាក់នេះ វាក៏ពិបាកនឹងក្ដោបក្ដាប់ និងរក្សាចំណងឱ្យនៅគង់វង្សបានណាស់។
រឿងលុយ ពួកម៉ាក បងប្អូនខ្ចី បើយើងមាន មិនបាច់ឱ្យខ្ចីទេ គឺឱយផ្ដាច់តែម្ដងទៅ ទើបមិនសូវមានបញ្ហា ហត់ចិត្ត នឹងទារ ដល់ថ្នាក់មើលមុខគ្នាលែងត្រង់។ តែបើអ្នកចង់រក្សាមិត្តភាពឱ្យគង់វង្ស សូមកុំខ្ចីលុយពួកម៉ាកខ្លួនឯង នាំឱ្យគ្នាទើសទាល់ចិត្តអី៕
អត្ថបទ ៖ ភី អេក
ក្នុងស្រុករក្សាសិទ្ធ
ព័ត៌មានថ្មីៗ
