ប្រភេទឈាម បញ្ជាក់ពីអត្តចរិត និងដំណើរជីវិតអ្នកបែបណាខ្លះ?
១ . ឈាមប្រភេទ A
អ្នកជាមនុស្សដែលពិបាកគ្រប់គ្រងណាស់ តាំងពីតូចមកម្ល៉េះ រហូតដល់វ័យជំទង់ អ្នករឹតតែបង្ហាញនូវអាកប្បកិរិយាគួរឱ្យស្អប់ ព្រោះតែចរិតរឹងរូសមានះ ក្បាលរឹង មិនចេះស្ដាប់អ្នកណានោះឡើយ។ ប៉ុន្តែដល់ពេលឈានដល់វ័យមួយដែលអ្នកបានប្រឡូកក្នុងសង្គម ចេញធ្វើការ រកស៊ី អាចរកលុយបានដោយខ្លួនឯង អ្នកបែរជាកែប្រែអត្តចរិតទាំងស្រុង ចូលក្នុងសង្គមចុះ ចេះដឹង និងមានបទពិសោធន៍ច្រើនក្នុងជីវិត។ តែពេឈានដល់វ័យចំណាស់ អ្នកអាចនឹងប្រែទៅជាមនុស្សដែលពូកែអន់ចិត្ត គិតច្រើន ហើយក៏ចាប់ផ្ដើមរឹងរូសមានះសាជាថ្មីម្ដងទៀត ងាចនិយាយបានថា ពិបាកផ្គាប់ចិត្តបំផុត។
២. ឈាមប្រភេទ B
មនុស្សនៅក្នុងក្រុមឈាមនេះ ច្រើនតែមានកូនកើតមកស្អាតៗ គួរឱ្យស្រឡាញ់ ហើយមនុស្សមានឈាមប្រភេទហ្នឹង កាន់តែចាស់ កាន់តែស្លុតត្រង់។ ហើយបើតាមការសង្កេត មនុស្សប្រភេទហ្នឹង មិនសូវជាកែប្រែ ផ្លាស់ប្ដូរអត្តចរិតឡើយ សំខាន់ មនុស្សក្រុមនេះ មិនសូវជាមានមិត្តច្រើនទេ។
៣. ឈាមប្រភេទ AB
មនុស្សក្នុងក្រុមឈាមនេះ កាលពីតូច មិនងាយលេងចូលអ្នកណាផ្ដេសផ្ដាសទេ ជាពិសេសគឺ មិនចូលចិត្តមនុស្សប្លែកមុខ។ តែពេលដែលគេធំឡើង បែរជាប្ដូរចរិតផ្ទុយស្រឡះ ក្លាយជាមនុស្សរួសរាយរាក់ទាក់ ចូលចិត្តសន្ទនា ឬអាចនិយាយបានថា ជាមនុស្សនិយាយច្រើន។ ហើយមនុស្សឈាមនេះដែរ ក៏ជាមនុស្សដែលមានភាពជឿជាក់លើខ្លួនឯងខ្ពស់ និងមានការប្រយ័ត្នបំផុត តែជាមនុស្សដែលមានចរិតសាមញ្ញបំផុត ទោះជាអ្នកមានកម្រិតណាក៏ដោយ។
៤. ឈាមប្រភេទ O
មនុស្សក្នុងក្រុមឈាមប្រភេទនេះ ច្រើនជាមនុស្សចិត្តល្អ ចរិតសុភាពរាបសារ ។ តែមនុស្សស្ថិតក្នុងប្រភេទឈាមនេះ កាលពីតូចជាក្មេងល្អដែលស្ដាប់បង្គាប់ តែពេលចាស់ទៅរៀងពិបាកបន្តិច ព្រោះចាប់ផ្ដើមកើនចិត្តរឹងរូសមានះ និយាយពិបាកស្ដាប់គ្នាណាស់៕
ប្រែសម្រួល ៖ ភី អេក ( ក្នុងស្រុក )
ប្រភព ៖ Thai Web
ព័ត៌មានថ្មីៗ
