កាំភ្លើងបាញ់ស៊ីប L115A3 តម្លៃមួយដើមជាង៣ម៉ឺនដុល្លារ មានឥទ្ធិពលកម្រិតណា?
ក្នុងខែវិច្ឆិកាឆ្នាំ២០០៩ កាំភ្លើងបាញ់ស៊ីបម៉ាក L115A3 (Accuracy International's L115A3) គឺជាអាវុធដែលជាប់កំណត់ត្រាបាញ់ចំគោលដៅបានឆ្ងាយជាងគេនិងមានកម្លាំងបំផ្លាញ់គោលដៅមានប្រសិទ្ធិភាពជាងគេក្នុងប្រវត្តិនៃកំណត់ត្រាបាញ់ស៊ីបរបស់យោធា។
កាលពីប៉ុន្មានឆ្នាំមុននេះ! ទាហានបាញ់ស៊ីបអង់គ្លេសក្នុងប្រទេសអាហ្វហ្គានីស្ថានក្នុងកងអង្គរក្ស Coldstream Guards បានសម្លាប់ទាហានបះបោរ៦នាក់ត្រឹមតែបាញ់មួយគ្រាប់ក្នុងចម្ងាយ ៨៥០ម៉ែត្រដោយបើកាំភ្លើងបាញ់ស៊ីបម៉ាក L115A3នេះ។ តាមរយៈរបាយការណ៍របស់កាសែតអង់គ្លេស The Telegraph, កាលពីខែធ្នូទាហានបាញ់ស៊ីបក្នុងកង Coldstream Guards បានសម្លាប់ទាហានតាលីបង់៦នាក់ដោយប្រើតែមួយគ្រាប់ប៉ុនណោះ ក្នុងឆាកប្រយុទ្ធដោយកាំភ្លើងមួយ ដេលមានទាហានតាលីបានពី១៥ទៅ២០នាក់ក្នុងតំបន់ Kakaran ភាគខាងត្បូងប្រទេសអាហ្វហ្គានីស្ថាន។
គោលដៅដែលបាញ់ត្រូវនោះគេដឹងថាបានពាក់អាវកាក់ភ្ជាប់ជាមួយគ្រាប់បែក ដែលទាហានតាលីបង់និយមប្រើប្រាស់ក្នុងការវាយប្រហារបំផ្ទុះគ្រាប់បែកអត្តឃាត ហើយគ្រាប់កាំភ្លើងបានហោះទៅចំគ្រាប់បែកផ្ទុះនិងសម្លាប់ពួកតាលីបង់ ៥ នាក់នៅក្បែរនោះ។ អាវកាក់ចង់គ្រាប់បែកធ្វើអត្តឃាតមិនទាន់ផ្ទុះមួយទៀតត្រូវបានគេរកឃើញនៅក្បែរនោះ ហើយមួយគ្រាប់របស់ទាហានអងគ្លេសម្នាក់នេះបានជួយសង្គ្រោះជីវិតប្រជាជននៅតំបន់នោះបានមួយចំណែកដែរទោះបីជាលោកបានផ្ដាច់ជីវិតទាសហានតាលីបង់អស់៦នាក់ក៏ដោយ។
ខណៈដែលទាហានម្នាក់នេះកំពុងបំពេញបេសកកម្មនៅក្នុងសង្គ្រាមនៅឡើយ អត្តសញ្ញាណរបស់គាត់មិនត្រូវបានគេបង្ហាញនោះទេ ប៉ុន្តែគេដឹងថាគាត់ស្ថិតក្នុងកងបាញ់ស៊ីបរបស់ Coldstream Guard មាននវ័យតែ២០ឆ្នាំប៉ុនណោះ។ រឿងដែលគួរឲ្យចាប់អារម្មណ៍មួយទៀតគឺសម្លាប់ទាហានតាលីបង់ដែលកាន់កាំភ្លើងយន្តក្នុងចម្ងាយ១៣៤០ម៉ែត្រហើយនោះ គឺជាគ្រាប់ដំបូងបំផុតដែលគាត់បាញ់ចេញក្នុងពេលធ្វើសង្គ្រាមលើកដំបូង។
កាំភ្លើងបាញ់ស៊ីប L115A3 ជាផលិតផលរបស់ក្រុមហ៊ុនអាវុធអង់គ្លេស Accuracy International ដែលមានមូលដ្ឋាននៅទីក្រុង Portsmouth ។ក្រុមហ៊ុនមួយនេះបានទទួលមេដាយមាស២ដងក្នុងកម្មវិធីប្រកួតប្រជែងបាញ់កាំភ្លើងOlympic Malcolm Cooper។ មានកាំភ្លើងបាញ់ស៊ីបជាង១០០ប្រភេទខុសៗគ្នាដែលផលិតក្នុងពិភពលោកហើយក្រុមហ៊ុន Accuracy International មកដល់ក្រោយគេតែផលិតផលមានគុណភាពគួរឲ្យកត់សម្គាល់។
ក្នុងមួយដើមវាមានតម្លៃ ២៣០០០ផោន(៣៨២៥០ដុល្លារ)មានទម្ងន់៦.៨គីឡូក្រាមដែលរចនាដោយលោក Cooper ហើយវាបានទទួលបានការបាញ់ចំគោលដៅជាលក្ខណៈអន្តរជាតិជាមួយនឹងគ្រាប់ទំហំ ៨.៥៩មីលីម៉ែត្រ។ មិនត្រឹមបាញ់បានឆ្ងាយនិងចំគោលដៅគ្រាប់កាំភ្លើងប្រើជាមួយ L115A3 បំផ្លាញគោលដៅខ្លាំងជាងគ្រាប់.44 Magnum ទៅទៀត។
កាំភ្លើងដែលបាញ់ចំគោលដៅក្នុងរយៈចម្ងាយឆ្ងាយមួយនេះទទួលបានការពេញនិយមបំផុតពីកងពិសេសនានាក្នុងពិភពលោកហើយកងពិសេសអង់គ្លេស British SAS និងកងពិសេសអាមេរិក US Delta Force ប្រើច្រើនជាងគេ។
-ប្រទេសផលិត៖អង់គ្លេស
-ប្រភេទ៖ កាំភ្លើងបាញ់ស៊ីប
-បង្ហាញខ្លួនក្នុងសង្គ្រាម៖ ១៩៩៦ដល់បច្ចុប្បន្ន
-ក្រុមហ៊ុនផលិត៖ accuracyinternational
-ឆ្នាំផលិត៖១៩៩៦-២០០៣
-បាញ់ចំគោលដៅល្អបំផុតក្នុងរយៈចម្ងាយ ១១០០ម៉ែត្រដោយប្រើគ្រាប់កាំភ្លើងទំហំ (.300 Winchester Magnum)និងបាញ់ចំគោលដៅក្នុងរយៈចម្ងាយ១៥០០-២៤៧៥ម៉ែត្រដោយប្រើគ្រាប់ទំហំ (.338 Lapua Magnum)ហើយមួយបង់មាន៥គ្រាប់។
-បំពាក់កែវអុបទិក Aperture Type iron sightsដែលអាចបាញ់នៅទីងងឹតនិងពេលយប់។
-ប្រទេសដេលប្រើប្រាស់កាំភ្លើងនេះក្រៅពីអាមេរិកអង់គ្លេសមាន៖ អាមើនៀ បង់ក្លាដេស អេហ្ស៊ីប អាល្លឺម៉ង់ ឥណ្ឌូនេស៊ី អៀកឡង់ អ៊ីតាលី ម៉ាឡេស៊ី ហូឡង់ ន័រវេស ប៉ូឡូញ ព័រទុយហ្គាល់ រុស្សី កូរ៉េខាងត្បូង...។
ព័ត៌មានថ្មីៗ
