កំហុស ១០ យ៉ាងដែលឪពុងម្តាយមើលរំលង និងបង្កើតជារឿងស្តាយក្រោយសម្រាប់កូននៅពេលចាស់ទៅ!
ឪពុកម្តាយទាំងអស់ចង់ឱ្យកូន ៗ របស់ពួកគេមានជីវិតល្អប្រសើរបំផុតទៅថ្ងៃអនាគតពួកគេ ។ ភាគច្រើននៃឪពុកម្តាយតែងតែធ្វើការងារ ដើម្បីទិញរបស់ក្មេងលេងថ្មីៗសម្រាប់កូនៗ ហើយខ្លះទៀតមានភាពតឹងតែងពីព្រោះពួកគេចង់ឱ្យកូនរបស់ពួកគេមានវិន័យល្អនិងតម្រង់គោលដៅពួកគេឲ្យបានល្អ ហើយអ្នកផ្សេងទៀតផ្តល់ឱ្យកូន ៗ នូវជម្រើសនិងបង្រៀនពួកគេឱ្យធ្វើការសម្រេចចិត្តដោយខ្លួនឯង ។
គ្រួសារនីមួយៗមានរបៀបចិញ្ចឹមអប់រំផ្ទាល់ខ្លួនប៉ុន្តែមានរឿងមួយដែលឪពុកម្ដាយទាំងអស់បានធ្វើដូចគ្នាគឺ: នៅពេលដែលក្រលេកមើលទៅក្រោយវិញឪពុកម្តាយទាំងអស់ ចង់កែនូវកំហុសខ្លះដែលពួកគេបានធ្វើកាលពីអតីតកាលចំពោះកូនៗពួកគេ ។
យើងប្រាកដថាជីវិតដំបូងរបស់កុមារគឺជាពេលវេលាវេទមន្តដែលអ្នកគួររីករាយបំផុត ដោយសារតែនៅពេលអនាគតអ្នកប្រហែលជាសោកស្តាយចំពោះឱកាសដែលបាត់បង់ចំពោះកូនអ្នក ។ ដូច្នេះសូមមើលអ្វីដែលឪពុកម្តាយជាច្រើនមានការសោកស្ដាយដើម្បីជៀសវាងពីការធ្វើខុសម្តងទៀតនូវកំហុសដូចគ្នាទាំងនេះរបស់អ្នក ។
1. ជាឪពុកម្តាយដែលមិនរីករាយជាមួយនិងទំនាក់ទំនងកូនរបស់ខ្លួន
កូនក្មេងដែលលូតលាស់យ៉ាងឆាប់រហ័សពីទារកទៅមនុស្សដែលមានភាពគ្រប់គ្រាន់ដោយខ្លួនឯងពិតជាត្រូវការទំនាក់ទំនងជាមួយមនុស្សពេញវ័យខ្លាំងណាស់ ។ ប៉ុន្តែការពិតគឺថាឪពុកម្តាយត្រូវការផ្តល់ទំនាក់ទំនងនេះផងដែរដល់ពួកគេ ។ ត្រូវហើយ បើមានពេលទំនេរតិចតួចនោះ ត្រូវធ្វើអ្វីមួយខណៈពេលដែលកូនៗកំពុងលេងកំសាន្ត ។
ប៉ុន្តែប្រសិនបើអ្នកប្តូរទម្លាប់នេះទៅជាទម្លាប់ដែលគ្មានទំនាក់ទំនងជិតស្និតជាមួយពួកគេទេនោះ អ្នកប្រហែលជាកត់សំគាល់ឃើញថាកូនៗរបស់អ្នកនៅពេលពួកគេធំឡើងនោះ ពួកគេនឹងមានចរិកឯកជន ជាជីវិតមួយដែលគិតតែពីខ្លួនឯង ដែលមិនគិតឬខ្វល់ពីអ្នកដ៏ទៃឡើយ ហើយអាចរាប់បញ្ចូនរួមទាំងអ្នកជាឪពុកម្តាយផងដែរ ក៏ថាបានដែរ ។
វាមិនអាចមានវិធីដើម្បីនាំយកនូវពេលវេលាដែលអ្នកបានបាត់បង់ទាំងនោះមកកែតំរូវឡើយវិញបាននោះទេ ដូច្នេះចូរព្យាយាមនៅជិតកូនៗអ្នក ធ្វើអ្វីក៏ដោយឲ្យតែមានភាពជិតស្និទ្ធជាមួយពួកគេផងដែរ ហើយរីករាយជាមួយពេលវេលាដែលអ្នកចំណាយពេលជាមួយគ្នា ។
2. ជាឪពុកម្តាយដែលមិនឱបកូនៗរបស់ខ្លួនឲ្យបានញឹកញាប់
អ្នកវិទ្យាសាស្រ្តបានបង្ហាញពីសារៈសំខាន់នៃឱប សម្រាប់កូនៗអ្នក (ទាំងសុខភាពផ្លូវកាយនិងផ្លូវចិត្តពួកគេ) ។ មានគុណសម្បត្តិច្បាស់លាស់ជាច្រើនប៉ុន្តែអ្នកប្រហែលជាយល់ស្របថាវាគ្រាន់តែជាការរូបភាពល្អក្នុងការឱបកូនៗប៉ុណ្ណោះ ។
ជួនកាលឪពុកម្តាយមិនធ្វើបែបនេះទេ ដោយសារហេតុផលផ្សេងទេ ហើយភាគច្រើននៃឪពុកម្តាយបែបនេះ គឺ បរាជ័យ (ដូចជាការផ្តល់ដំបូន្មានដល់ពួកគេ " ពួកគេមិនចង់ស្តាប់សំដីអ្នកឡើយ ហើយកុំបន្ទោសពួកគេ គួរតែបន្ទោសខ្លួនឯងទើបត្រូវ…") ។
ក្នុងពេលកន្លងមកកូនក្មេង ពួកគេនឹងធំឡើងដោយមិនចង់នៅជិតអ្នកឡើយ ហើយនឹងមិនអនុញ្ញាតឱ្យអ្នកឱបពួកគេឡើយ ។ ដូច្នេះគួរតែយកឱកាសល្អខណៈពេលដែលពួកគេនៅតូចនោះ ។
3. មិនថតរូបឬវីដេអូជាមួយកូនៗក្នុងនាមជាឪពុកម្តាយ
ជាការពិតណាស់វាមិនមានអ្វីអាក្រក់កើតឡើងទេ ប្រសិនបើអ្នកមិនថតរូបជាមួយកូនៗនោះ ។ វាក៏មិនប៉ះពាល់ដល់អារម្មណ៍ផ្លូវចិត្តរបស់កុមារ គុណភាពសីលធម៌ ឬ សុខភាពផ្លូវចិត្តរបស់ពួកគេនោះទេ ។
ប៉ុន្តែនៅពេលអនាគតអ្នកនឹងមិនអាចចងចាំនូវពេលវេលាដ៏មានតម្លៃបំផុតនៃជីវិតរបស់អ្នកនិងចែករំលែកអារម្មណ៍ទាំងនេះជាមួយកូនៗនៅពេលដែលពួកគេពេញវ័យនោះទេ ។ ឪពុកម្តាយជាច្រើនពិតជាសោកស្តាយខ្លាំងណាស់ ដែលមិនបានថតរូបឱ្យបានច្រើននៅពេលដែលកូនៗនៅតូចគួរឲ្យស្រឡាញ់ អ្នកពិតជាចង់ឃើញជំហានដំបូងដែលកូនៗរបស់អ្នកចាប់កំណើតមក ។
4. កូនៗអ្នកមិនបាននិយាយពាក្យថាស្រឡាញ់នៅលើកដំបូងរបស់ពួកគេជាមួយអ្នកទេ
ទាំងនេះគឺជាការចងចាំដ៏ល្អសំរាប់អ្នក ប្រសិនបើអ្នកបង្រៀនពួកគេឲ្យនិយាយពាក្យថា ស្រឡាញ់ សំរាប់អ្នក។ ប៉ុន្តែបើសិនជាអ្នកមិនបានទម្លាប់បង្រៀនកូនៗរបស់អ្នកឱ្យនិយាយពាក្យថាស្រឡាញ់ នៅពេលដែលកូនៗរបស់អ្នកធំឡើងពួកគេនឹងមានអារម្មណ៍ថារឹងមាត់ក្នុងការនិយាយថាកូនស្រឡាញ់ម៉ាក់ឬប៉ា។
5. កូនៗអ្នកមិនបានរៀនឬលេងហ្គេមដែលមានការច្នៃប្រឌិតគ្រប់គ្រាន់ជាមួយអ្នក
យើងមិននិយាយថាប្រសិនបើអ្នកលេងហ្គេមប្រកបដោយការច្នៃប្រឌិតជាមួយកូនរបស់អ្នកនោះ ពួកគេនឹងក្លាយទៅជាសិល្បករឬតន្ត្រីករនោះទេ ប៉ុន្តែពួកគេអាចមានឱកាសមួយផងដែរ ។ ទីមួយ: ប្រសិនបើអ្នកចូលរួមជាមួយកូនៗរបស់អ្នកនៅក្នុងសកម្មភាពផ្សេងៗជាច្រើនអ្នកអាចដឹងថាតើពួកគេមានចំណាប់អារម្មណ៍ទៅលើអ្វីដែលពួកគេមានសម្ថតភាពក៏ថាបាន ។ ក្រោយមកអ្នកអាចធ្វើការដើម្បីអភិវឌ្ឍភាពខ្លាំងរបស់ពួកគេបានយ៉ាងងាយស្រួលផងដែរ ។
ទីពីរ: សកម្មភាពណាមួយឧទាហរណ៍ការអានអក្សរឮ ៗ ទៅឲ្យពួកគេ ឬ ការលេងជាមួយឧបករណ៍លេងជាមួយពួកគេ ដើម្បីបង្កើតឱ្យមានបញ្ញា ការស្រមើលស្រមៃ និងបង្កើនសម្ថភាពការគិតរបស់ពួកគេ ។ ទីបំផុតអ្នកធ្វើឱ្យទំនាក់ទំនងរវាងអ្នកនិងកូនរបស់អ្នកកាន់តែរឹងមាំហើយនេះជាហេតុផលដ៏ល្អមួយដើម្បីធ្វើអ្វីមួយរួមគ្នាជាមួយកូនៗអ្នកឲ្យបានច្រើន ។
ឪពុកម្តាយដែលធ្លាប់ឆ្លងកាត់បែបនេះ មានការសោកស្តាយដែលមិនបានកត់សំគាល់ពីទេពកោសល្យរបស់កូន ៗ របស់ពួកគេ បើទោះបីជាសមត្ថភាពមួយចំនួនអាចត្រូវបានដឹងថាពួកគេមានតាំងពីក្មេងក៏ដោយ ។ គួរតែផ្តល់ពេលវេលាជាមួយកូនៗអ្នកនូវឱកាសដើម្បីសាកល្បងលេងហ្គេមផ្សេងៗជាច្រើនតាមតែអាចធ្វើទៅបាន ។
6. អ្នកតែងតែដាក់ច្បាប់តឹងរ៉ឹងខ្លាំងពេកដល់កូនៗអ្នក
វាជារឿងសំខាន់មួយដែលត្រូវប្រាប់អ្នកអំពីរឿងដ៏អាក្រក់នេះ ដែលឪពុកម្តាយបានធ្វើទៅលើទៅកូនៗ វាពិតជាខុសគ្នាទាំងស្រុងក្នុងការចាប់ផ្តើមភាពតានតឹងនេះ ។ ការដាក់ពិន័យចំពោះពិន្ទុដ៏ទាបគឺមានគ្រោះថ្នាក់ដល់អ្នក – ពួកគេអាចកាត់បន្ថយភាពជោគជ័យរបស់ពួកគេនៅក្នុងសាលារៀនផងដែរ ។ ហើយការដាក់ទណ្ឌកម្ម របស់អ្នកគួរតែជារឿងដែលពួកគេមិនអាចកែបានឬជារឿងដែលសំខាន់បំផុត ។
7. ជាឪពុកម្តាយដែលមិនបានគិតពីគំនិតរបស់កូន ៗ
ការមិនសូវខ្វល់ពីពាក្យសម្តីរបស់កូនៗរបស់អ្នកមិនមែនជារឿងដែលអាក្រក់បំផុតទេសំរាប់អ្នកនោះ ។ តែអ្នកគួរតែអនុញ្ញាតឱ្យកូនៗរបស់អ្នកជ្រើសរើសនិងបញ្ចេញមតិផ្ទាល់ខ្លួនរបស់ពួកគេ។ វាជាការប្រសើរជាងមុនដើម្បីពិភាក្សាពីបំណងប្រាថ្នារបស់កូនៗ និងពន្យល់ពីរឿងនានាជាជាងមិនអើពើនិងដាក់កម្រិតលើពួកគេនោះ (ផលលំបាករបស់អ្នកនៅពេលអ្នកចាស់ទៅ ពួកគេអាចមិនខ្វល់ពីអ្នកវិញ)។
8. ជាឪពុកម្តាយដែលមិនបានធ្វើឱ្យកូនៗសប្បាយរីករាយបានគ្រប់គ្រាន់
ការចងចាំនូវអនុស្សាវរិយ៍ល្អៗពីកុមារភាពគឺជារឿងដ៏មានតំលៃបំផុតដែលគ្មាននរណាម្នាក់អាចយកចេញពីយើងបានទេ ។ លើសពីនេះទៅទៀតវាអាចក្លាយទៅជាសមិទ្ធផលដ៏ធំធេងនៅពេលក្រោយ: ប្រសិនបើកុមារកំពុងរីកលូតលាស់នៅក្នុងបរិយាកាសដែលមានសុខភាពល្អ និងមានបទពិសោធន៍ថ្មីៗជាច្រើនជាមួយអ្នកនោះ មានន័យថាពួកគេកំពុងអភិវឌ្ឍខ្លួនយ៉ាងសកម្មជាមួយអ្នក ។
9. ជាឪពុកម្តាយដែលតែងតែធ្វើតាមដំបូន្មានរបស់អ្នកដទៃ
ប្រសិនអ្នកជាមនុស្សដែលចូលចិត្តផ្តល់ដំបូន្មានដល់កូនៗអ្នកនោះ ទោះបីជាអ្នកផ្តល់នៅអ្វីដែលមិនសមរម្យក៏ដោយក៏ពួកគេធ្វើតាមអ្នកដែរ ។ ប៉ុន្តែការពិតគឺថាអ្នកគឺជាឪពុកម្តាយហើយអ្នកដឹងពីអ្វីដែលល្អសម្រាប់កូនរបស់អ្នក ។
ពិតណាស់អ្នកអាចផ្តល់ដំបូន្មានទាំងនេះដល់ពួកគេ ប៉ុន្តែអ្នកអាចមានន័យថា មិនគួរធ្វើតាមអ្នកក៏បាន តែជាផ្លូវឲ្យពួកគេដើរ ។ អ្នកគួរតែធ្វើឱ្យពួកគេមានអារម្មណ៍ថាអ្នកតែងតែគាំទ្រពួកគេមិនថាមានអ្វីកើតឡើងក៏ដោយ នៅពេលដែលពួកគេត្រូវការ ការគាំទ្រពីអ្នកនោះ ។
10. ជាឪពុកម្តាយដែលមិននៅទីនោះសម្រាប់កូន ៗ ក្នុងគ្រាដ៏សំខាន់បំផុតនៃជីវិតរបស់ពួកគេ
រឿងមួយចំនួនដែលមិនមានភាពធ្ងន់ធ្ងរចំពោះអ្នកជាឪពុកម្តាយនោះ អាចជារឿងដ៏ធ្ងន់ធ្ងរចំពោះកូន ៗ របស់អ្នក ។ ហើយមនុស្សទាំងអស់ (ជាពិសេសកុមារ) ត្រូវការនរណាម្នាក់ដែលជិតស្និទ្ធនឹងពួកគេនៅពេលភ្លាមៗនោះ ។ ទោះបីជាអ្នកមានហេតុផលដែលមិនធ្វើពិធីខួបកំណើតសម្រាប់កូនៗក៏ដោយ សូមធ្វើឱ្យកូនរបស់អ្នកទៅ ។ នៅពេលអនាគតអ្នកនឹងមានការសោកស្តាយនៅពេលដែលអ្នកមិនបានចងចាំពីពីព្រឹត្តិការណ៍ដ៏សំខាន់ៗដែលអ្នកបានខកខាននោះ ។
សូមជ្រើសរើសពេលវេលាដើម្បីតុបតែងពេលវេលាអ្នកជាមួយកូនៗឲ្យបានច្រើននិងល្អៗ រឿងទាំងនេះគឺសំខាន់ណាស់។ ហើយនៅពេលកូនៗអ្នកធំឡើង ពួកគេនឹងនឹកឃើញគ្រាដ៏ល្អៗទាំងនេះរបស់អ្នក ។
តើអ្នកគិតដូចម្តេចចំពោះទង្វើទាំង១០របស់ឪពុកម្តាយនេះ ? ប្រាប់យើងនៅក្នុងមតិយោបល់ខាងក្រោម ស៊ែរចែករំលែកទៅកាន់មិត្តភ័ក្តិរបស់អ្នក។
ប្រែសម្រួលដោយ៖ kalib9
រក្សាសិទ្ធិដោយ៖ ក្នុងស្រុក
ព័ត៌មានថ្មីៗ
