រូបអ្វីដែលអ្នកឃើញមុនគេ? ជ្រើសរើសមួយដើម្បីបង្ហាញពីអារម្មណ៍ដែលលាក់ក្នុងចិត្តរបស់អ្នកពេលនេះ
តើក្នុងចិត្តរបស់អ្នកពេលនេះ មានលាក់បាំងនៅអារម្មណ៍ឈឺចាប់ ឬអារម្មណ៍ត្រូវការអ្វីខ្លះ? តាមរយៈការតេស្តបែបវិទ្យាសាស្រ្ត យើងអាចស៊ីជម្រៅដឹងពីក្នុងចិត្តរបស់អ្នកពេលនេះបាន ដោយត្រឹមតែជ្រើសរើសនូវរូបភាពមួយដែលអ្នកបានប្រទះឃើញមុនគេក្នុងរូបភាពបន្លំភ្នែកខាងលើ។
១) ទម្រង់មុខមនុស្សស្រី
ជាទូទៅមានមនុស្ស ៤៥ ភាគរយហើយដែលមើលឃើញទម្រង់មុខមនុស្សស្រីមុនគេ ហើយវាជាការបន្លំដែលងាយឲ្យអ្នកចាប់អារម្មណ៍បំផុត បើធៀបនឹងរូបភាពផ្សេងទៀត។
ជាមួយជម្រើសរូបភាពទី ១ នេះ បង្ហាញថា អ្នកជាមនុស្សល្អម្នាក់ ដែលចូលចិត្តផ្គាប់ចិត្តអ្នកដទៃ និងធ្វើឲ្យមជ្ឈដ្ឋានជុំវិញខ្លួនមានភាពល្អប្រសើរ ប៉ុន្តែត្រូវចាំណាពេលខ្លះសូមបំពេញតាមអារម្មណ៍ខ្លួនឯងខ្លះផង។
ពេលនេះអ្នកកំពុងខិតខំលើការងារមួយ ហើយអ្នកជាមនុស្សពូកែ ដែលជាលទ្ធផលវានឹងតបស្នងមកការខិតខំប្រឹងប្រែងសម្រាប់អ្នកវិញនៅប៉ុន្មានខែបន្ទាប់។ ជាសារសម្រាប់អ្នក សូមឆ្លៀតពេលបន្ធូរអារម្មណ៍បន្តិច ដើរចេញពីរឿងសៅហ្មងទាំងឡើយ ហើយសម្រាក មុនបន្តដំណើរទៅមុខទៀត។
២) សេះទាំងពីរក្បាល
ប្រហែលជាមនុស្ស ៤០ ភាគរយ ដែលជ្រើសរើសចម្លើយនេះដូចអ្នក។ បើស្ថិតក្នុងទំនាក់ទំនងស្នេហា ពេលនេះអ្នកកំពុងជួបបញ្ហាមែនទេ? ជួនខ្លះអ្នកអាចមិនចាប់អារម្មណ៍ ប៉ុន្តែអារម្មណ៍តូចៗ ការអន់ចិត្តបន្តិចបន្តួច វាបានក្លាយជាអណ្តាតភ្លើងឆេះក្នុងចិត្តរបស់អ្នក។ អ្នកប្រហែលជាកំពុងមានគូស្នេហ៍ដែលគេព្រងើយកន្តើយនឹងអ្នក ហើយកំពុងតែឃ្លាតឆ្ងាយពីគ្នាបន្តិចម្តងៗ។
មិនថាស្ថិតក្នុងបញ្ហាអ្វី សូមព្យាយាមដោះស្រាយវាត្រលប់មកភាពល្អប្រសើរវិញ គួររកពេលវេលាល្អៗនៅក្បែរគ្នា និងពេលវេលារ៉ូមែនទិកតាមរយៈការបរិភោគអាហារពេលល្ងាច ឬដំណើរកម្សាន្តណាមួយ។
យើងសូមណែនាំអ្នកឲ្យធ្វើការសម្រេចចិត្ត ដោយស្តាប់ព្រមគ្នាទាំងដំណើរការខួរក្បាលនិងបេះដូង ដើម្បីសម្រេចយកចម្លើយដ៏ល្អមួយក្នុងជីវិតអនាគតរបស់អ្នក។
៣) សត្វបក្សី
នៅប្រភេទទី ៣ នេះ គឺជាមនុស្សដែលលម្អិតទៅលើអ្វីមួយខ្លាំងបំផុត ព្រោះបក្សីជារូបតូចដែលយើងមិនសូវចាប់អារម្មណ៍ជាងទម្រង់រូបធំផ្សេងទៀតនោះទេ។ ប្រភេទនេះបង្ហាញថាអ្នកជាមនុស្សដែលយកចិត្តទុកដាក់លើអ្វីៗគ្រប់យ៉ាងដែលកើតឡើងនៅជុំវិញអ្នក ដែលវាត្រូវបានចាត់ទុកជាប្រយោជន៍សម្រាប់ថ្ងៃអនាគត។
តើអ្នកចាប់អារម្មណ៍ទេ ពេលនេះកំពុងមានបុគ្គលឬមនុស្សណាម្នាក់ ដែលគេបានរាប់អានអ្នកក្នុងន័យទាញប្រយោជន៍ពីអ្នកតែប៉ុណ្ណោះ។ ជារៀងរាល់ថ្ងៃគ្រប់សកម្មភាពទាំងអស់ អ្នកប្រៀបបាននឹងការដើរពីក្រោយគេ។ ជាសារណែនាំសូមធ្វើការសម្លឹងមើលនរណាម្នាក់ឲ្យបានល្អិតល្អន់បំផុត មិនថាតែក្នុងការសិក្សា ឬការងារបម្រើការណាមួយ ហើយទៅថ្ងៃមុខអ្នកនឹងទទួលបានជោគជ័យដូចការរំពឹងទុក៕
ប្រភព៖ Namatest | ប្រែសម្រួល៖ ក្នុងស្រុក
ព័ត៌មានថ្មីៗ
