នរណាធ្វើឲ្យថូផ្កាបែក? ជ្រើសរើសចម្លើយមួយអាចបង្ហាញពីចរិតលក្ខណៈរបស់អ្នកបាន
នេះជាការតេស្តថ្មីមួយផ្សេងទៀត ដោយឆ្លងកាត់ការជ្រើសរើសចម្លើយតាមរយៈការវិភាគមើលថា តើក្នុងតួអង្គទាំង ៤ ខាងលើ នរណាមួយ (A,B,C ឬ D) ដែលជាអ្នកធ្វើឲ្យធ្លាក់ថូផ្កាបែក?
ការជ្រើសរើសចម្លើយមួយរបស់អ្នក អាចបង្ហាញពីអត្តចរិតឬចរិតលក្ខណៈរបស់អ្នកពីកំណើតបាន។ ធ្វើការផ្ទៀងផ្ទាត់ចម្លើយដូចខាងក្រោម៖ (បញ្ជាក់ថា អត្ថបទនេះពុំបានបង្ហាញចម្លើយថានរណាជាអ្នកធ្វើឲ្យធ្លាក់ថូផ្កាពិតប្រាកដទេ តែគ្រាន់ជាការបង្ហាញអំពីការវិភាគនៃចរិតលក្ខណៈរបស់អ្នកតែប៉ុណ្ណោះ)
១) តួអង្គ A
ប្រសិនអ្នកជ្រើសរើសតួអង្គ A ជាអ្នកធ្វើឲ្យធ្លាក់ថូផ្កាបែក នោះមានន័យថា អ្វីៗក្នុងការគិតរបស់អ្នកគឺមានតែពណ៌សឬខ្មៅ ដោយគ្មានពណ៌ប្រផេះចូលមកលាយឡំទេ។
តាមរូបភាពយើងឃើញថាក្មេងប្រុសនោះ ហាក់កំពុងបង្ហាញពីភាពសោកស្ដាយ ដូចជាបង្ហាញថាខ្លួនបានបង្កកំហុស ហើយអ្នកឯទៀតក៏កំពុងចោទប្រកាន់មកលើគេថែមទៀត។ ការជ្រើសរើសនេះ អាចសន្មតបានថា អ្នកជាមនុស្សមានហេតុផលឬការគិតបែប Logic ខ្ពស់។
២) តួអង្គ B
បើអ្នកមើលទៅតួអង្គ B ឲ្យកាន់តែច្បាស់ គឺនាងហាក់ដូចជាមានអារម្មណ៍រីករាយមិនខ្វល់ខ្វាយអ្វីនោះទេ។ ប្រសិនអ្នកជ្រើសរើសតួអង្គនេះ មានន័យថា អ្នកជាមនុស្សដែលមិនសូវឲ្យតម្លៃលើរបស់របរណាមួយ ហើយជីវិតរបស់អ្នកគឺរស់នៅក្នុងសភាពធូរស្រាល ដោយគ្មានការដាក់សម្ពាធអ្វីខ្លាំងឡើយ។
៣) តួអង្គ C
ប្រសិនអ្នកជ្រើសរើសក្មេងប្រុសនេះជាអ្នកទទួលខុសត្រូវលើថូផ្កាដែលបែក មានន័យថាអ្នកគឺជាមនុស្សដែលធ្វើអ្វីដោយល្អិតល្អន់បំផុត ហើយមិនមែនសុទ្ធតែការជឿលើកដំបូងជាការសម្រេចចម្លើយរបស់អ្នកទេ ពោលគឺការសង្ស័យតែងតែមានប្រយោជន៍ចំពោះអ្នក។
បើយើងមើលទៅក្មេងប្រុសនោះ គេប្រៀបដូចជាមានអ្វីលាក់បាំងនៅក្នុងហោប៉ៅ ហើយការសើចរបស់គេប្រៀបបានដូចជាការសើចចំអក ដែលមើលទៅគេពិតជាគួរឲ្យសង្ស័យខ្លាំងណាស់។ ប្រសិនអ្នកជ្រើសរើសតួអង្គនេះ មានន័យថា គ្រប់យ៉ាងដែលបានឃើញ ពេលខ្លះវាមិនដូចជាការគិតទាំងស្រុងទេ។
៤) តួអង្គ D
ប្រសិនអ្នកជ្រើសរើសក្មេងស្រីតួអង្គ D នោះមានន័យថាអ្នកជាមនុស្សដែលប្រើប្រាស់អារម្មណ៍ខ្ពស់ ហើយឆាប់ទទួលរងសម្ពាធ និងមានអារម្មណ៍ថាមានកំហុសនៅមុខស្ថានភាពជួបប្រទះណាមួយ ហើយវាគឺជាចំណុចដែលរំខានជីវិតអ្នកបំផុត។ នៅពេលជួបហេតុការណ៍លំបាកឬគួរឲ្យខ្លាចណាមួយ អ្នកចាំបាច់ត្រូវការមនុស្សចាំការពារ ចាំលើកទឹកចិត្តជាចម្បង៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
