ជ្រើសរើសស្លាបទិព្វ ដើម្បីដឹងពីអំណោយទានពីធម្មជាតិដែលអ្នកទទួលបាន
យើងមានជម្រើសស្លាបទិព្វចំនួន ៩ ហើយសូមឲ្យអ្នកអានធ្វើការជ្រើសរើសមួយ ដើម្បីដឹងពីអំណោយទានពីធម្មជាតិនៃចំណុចណាមួយរបស់អ្នក៖
១) ស្លាបនៃយុត្តិធម៌
អ្នកនឹងទទួលបានភាពយុត្តិធម៌ជាប់ខ្លួនជានិច្ច ដោយនឹងបន្ថែមការគិតរបស់អ្នកឲ្យកាន់តែស្ទាត់ជំនាញទៅលើអ្វីដែលល្អនិងអាក្រក់។ រីឯរាល់ការបង្កកំហុសណាមួយរបស់អ្នក ក៏មិនងាយនឹងកើតមានឬអាចដោះស្រាយបានយ៉ាងឆាប់រហ័ស។
២) ស្លាបនៃក្តីស្រលាញ់
អ្នកជាមនុស្សដែលមានក្តីស្រលាញ់និងអារម្មណ៍បែបរ៉ូមែនទិចខ្ពស់ ហើយអំណោយសម្រាប់អ្នកគឺជាក្តីស្រលាញ់ដែលអ្នកមានចំពោះអ្នកដទៃ ត្បិតបើជីវិតស្នេហាអ្នកកន្លងមកធ្លាប់ត្រូវបានគេបោកប្រាស់ប៉ុន្មានលើកហើយក៏ដោយ។ អំណោយនេះនឹងធ្វើឲ្យអ្នកក្លាយទៅជាមនុស្សអស្ចារ្យមួយក្នុងទំនាក់ទំនងស្នេហា។
៣) ស្លាបនៃដួងព្រលឹង
បង្ហាញថាអ្នកជាមនុស្សចិត្តត្រជាក់ ឆ្លាតវៃ និងមានប្រាជ្ញា ជាមួយភាពបរិសុទ្ធក្នុងចិត្តទាំងនេះហើយ ក៏ជួយឲ្យផ្លូវនៅពេលខាងមុខរបស់អ្នក មានភាពភ្លឺស្វាង ហើយតែងតែជួយអ្នកឆ្លងផុតនៅគ្រាលំបាកទាំងឡាយ។
៤) ស្លាបនៃភាពពិត
អ្នកជាមនុស្សស្មោះត្រង់ ហើយអំណោយរបស់អ្នកគឺជាសមត្ថភាពក្នុងការបែងចែករវាងមិត្តពិត និងមិត្តក្លែងក្លាយ។ អ្នកដែលច្បាស់លាស់នឹងអ្នក គេមិនចាកចេញពីអ្នកទេ តែអ្នកដែលមកមួយឆាវគេនឹងចាកចេញ ហើយក៏កុំឃាត់គេអី។
៥) ស្លាបនៃក្តីសង្ឃឹម
ជាមនុស្សដែលគិតអំពីភាពវិជ្ជមាន មានអាកប្បកិរិយាល្អ និងមិនចូលចិត្តនៅក្បែរមនុស្សបំពុលនោះទេ។ អំណោយរបស់អ្នកគឺនឹងនាំឲ្យអ្នកទៅជួបតែមនុស្សល្អៗនៅថ្ងៃខាងមុខ។
៦) ស្លាបនៃក្តីសង្ឃឹម
ពីកំណើតមកអ្នកជាមនុស្សចូលចិត្តសុបិន ហើយចូលចិត្តភាពស្ងប់ស្ងាត់។ អំណោយរបស់អ្នកគឺជាអារម្មណ៍ដ៏ពិសេសរបស់អ្នក ជាមនុស្សដែលពូកែគិតនិងពោរពេញដោយភាពច្នៃប្រឌិត។
៧) ស្លាបនៃបំណងប្រាថ្នា
អ្នកមានបំណងប្រាថ្នាជាច្រើនដែលស្ថិតក្នុងទ្រង់ទ្រាយធំ ហើយអំណោយទានពីធម្មជាតិរបស់អ្នកគឺបាននាំឲ្យអ្នកក្លាយជាមនុស្សដែលមិនរាថយ ឬបោះជំហានថយក្រោយវិញ ពោលគឺរមែងដើរទៅមុខរហូតដល់សម្រេចរឿងនោះបាន។
៨) ស្លាបនៃអ្នកចម្បាំង
អ្នកមានបេះដូងជាអ្នកចម្បាំង បើទោះបីជាពេលខ្លះសភាពខាងក្រៅរបស់អ្នកមើលទៅរាងទន់ភ្លន់និងស្ងប់ស្ងាត់ ប៉ុន្តែបើអ្នករងរបួសត្រង់ផ្នែកកាយឬចិត្តណាមួយ គឺអ្នកតែងតែក្រោកឈរមិនចុះចាញ់អ្វីងាយៗនោះទេ។
៩) ស្លាបនៃភាពជោគជ័យ
អ្នកអាចសិក្សាដឹងច្បាស់ពីចំណុចអ្វីដែលអាចនាំឲ្យអ្នកទទួលបានជោគជ័យ ហើយគ្រប់យ៉ាងកំពុងជំរុញឲ្យអ្នកឈានទៅមុខ។ ត្រូវចាំថាភាពជោគជ័យរបស់អ្នក គឺពឹងផ្អែកលើកត្តាបច្ចុប្បន្ននេះឯង៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
