ត្រូវ ៩០ ភាគរយ ជ្រើសរើសផ្កាមួយ អាចបង្ហាញច្បាស់ដូចថ្ងៃពីបុគ្គលលក្ខណៈរបស់អ្នក
ផ្កាវារមែងមានភាពស្រស់ស្អាតនិងប្លែកខុសៗពីគ្នា ហើយតាមរយៈការសាកល្បងចិត្តសាស្រ្តបែបទំនើបមួយនេះ អ្នកគ្រាន់តែធ្វើការជ្រើសរើសនូវផ្កាមួយក្នុងចំណោមផ្កាទាំង ៦ ហើយយើងអាចទស្សន៍ទាយដឹងពីចរិតលក្ខណៈរបស់អ្នកបាន៖
១) ផ្កាឈូករ័ត្ន
អ្នកជាមនុស្សដែលបើកចំហចិត្តដូចជាផ្កាឈូករ័ត្ននោះអ៊ីចឹង ពោលជាមនុស្សដែលបើកចិត្តស្វាគមន៍មនុស្សស្ទើរតែគ្រប់ប្រភេទមកក្នុងជីវិតអ្នក។ អ្នកមិនខ្លាចនឹងការប្រឈមហានិភ័យក្នុងការទទួលយកនរណាម្នាក់ឡើយ ហើយអ្នកមិនខ្លាចនឹងការដោះស្រាយ។ លើសពីនេះ ការជួយអាសាអ្នកដទៃ គឺជាថ្នាំព្យាបាលចិត្តសម្រាប់អ្នក។
២) ផ្កា Peony
អ្នកគឺជាមនុស្សដែលល្អិតល្អន់ ហើយព្យាយាមធ្វើគ្រប់យ៉ាងល្អៗឲ្យគេចាប់អារម្មណ៍ និងធ្វើអ្វីដែលត្រឹមត្រូវ។ អ្នកជឿថាសកម្មភាពរបស់អ្នកអាចធ្វើឲ្យមានការផ្លាស់ប្តូរសម្រាប់ជីវិតអ្នកដទៃបាន មិនថាតែធំឬតូចក៏ដោយ ហើយអ្នកកម្រនឹងបង្ហាញអំពីភាពទុក្ខសោករបស់អ្នកទៅកាន់ពិភពលោកខ្លាំងណាស់។
៣) ផ្កា Pansy
ជាមនុស្សដែលមានទុក្ខ មានអតីតកាលមកច្របូកច្របល់ចិត្តជារឿយៗ។ តាមពិតទៅអ្នកក៏ព្យាយាមស្វែងរកសន្តិភាពផ្លូវចិត្តដែរ តែរកមិនឃើញ ប៉ុន្តែចំណុចខ្លាំងមួយរបស់អ្នក គឺដួលនៅកន្លែងណា ក្រោកនៅកន្លែងហ្នឹង មិនងាយនឹងបោះបង់អ្វីមួយឡើយ។
៤) ផ្កាលីលី
អ្នកជាប្រភេទមនុស្សទស្សនវិជ្ជា អ្នកចូលចិត្តឆ្លុះបញ្ចាំងពីអត្ថន័យជ្រាលជ្រៅនៃរឿងរ៉ាវណាមួយខ្លាំងណាស់។ ប៉ុន្តែពេលខ្លះអ្នកក៏មានការវង្វេងនឹងគំនិតរបស់ខ្លួនឯងម្តងម្កាលដែរ ហើយប្រភេទមនុស្សមិនសូវចេះអួតអាងពីភាពវាងវៃរបស់ខ្លួនទៅកាន់ពិភពខាងក្រៅឡើយ។
៥) ផ្កាឈូក
អ្នកជាប្រភេទមនុស្សដែលកត់សម្គាល់អ្វីគ្រប់យ៉ាង ហើយមិនភ្លេចអ្វីងាយៗនោះទេ។ អ្នករមែងប្រើប្រាស់អារម្មណ៍ខ្ពស់និងស៊ីជម្រៅ ហើយក៏ឆាប់ទទួលរងផលប៉ះពាល់ផ្លូវអារម្មណ៍លឿនណាស់ដែរ។ ជាទូទៅអ្នកងាយត្រូវបានគេនាំឲ្យសើចឬយំអំពីរឿងអ្វីមួយដោយឆាប់រហ័ស។
៦) ផ្កាកុលាបក្រហម
អ្នកជាមនុស្សអាថ៌កំបាំង ហើយអ្នកដទៃគឺពិតជាពិបាកយល់អំពីជម្រៅចិត្តខាងក្នុងរបស់អ្នកខ្លាំងណាស់។ អារម្មណ៍របស់អ្នកបានផ្លាស់ប្តូរសឹងតែជារៀងរាល់ថ្ងៃ ពោលអ្នកអាចប្រែក្លាយជាមនុស្សមួយផ្សេងទៀតបានត្រឹមរយៈពេលខ្លី។
យ៉ាងណាមិញប្រភេទមនុស្សនេះ មិនសូវចេះនិយាយស្តី ហើយចូលចិត្តអង្កេតមើល និងសិក្សាច្បាស់លាស់មុនប្រលូកចូលក្នុងទំនាក់ទំនងជាមួយនរណាម្នាក់។ អ្នកនិយាយតែអ្វីដែលប្រាកដដឹងច្បាស់តែប៉ុណ្ណោះ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
