សកម្មភាពសាមញ្ញ ៣ អាចឲ្យអ្នកស្រកទម្ងន់ គ្រាន់តែធ្វើវាពេលកំពុងធ្វើដំណើរ
នៅពេលដែលធ្វើដំណើរថ្មើរជើងនៅពេលណាមួយ មិនថាតែពេលនៅសាលា ឬកន្លែងធ្វើការ ក៏អ្នកអាចធ្វើលំហាត់ប្រាណកំឡុងពេលនោះបានដែរ ហើយវាក៏ជាផ្នែកមួយជួយឲ្យអ្នកស្រកទម្ងន់បានយ៉ាងងាយ។
ខាងក្រោម Knongsrok ណែនាំសកម្មភាពសាមញ្ញ ៣ ដែលអាចធ្វើឲ្យអ្នកស្រកទម្ងន់ និងមានរូបរាងកាយស្អាត៖
៣) ដើរជណ្តើរជើង ជាជាងជណ្តើរយន្តឬប្រអប់
អ្នកដែលមាន Condo ឬទៅកន្លែងធ្វើការដែលមានទីតាំងខ្ពស់ ហើយមានជម្រើសរវាងជណ្តើរជើង និងជណ្តើរប្រអប់។ នៅករណីដែលអ្នកមិនប្រញាប់នោះទេ សុំធ្វើការថ្មើរជើងគឺល្អបំផុត ព្រោះតាមរយៈការថ្មើរជើងនៅជណ្តើរជើង ១៥ នាទី អាចឲ្យអ្នកដុតកាឡូរីចេញពីខ្លួនបាន ១៥០ គីឡូកាឡូរីផងដែរ។ លើសពីនេះការថ្មើរជើងច្រើន ក៏ជួយឲ្យផ្នែកនៃត្រគាកមើលទៅមានភាពរឹងមាំល្អថែមទៀត។
២) ជំនួសពីការជិះរថយន្ត ឬម៉ូតូមកជាការជិះកង់
តាមពិតទៅការធ្វើដំណើរដោយកង់ទៅកន្លែងធ្វើការ ក្រៅពីជួយកាត់បន្ថយការកកស្ទះចរាចរណ៍លើដងផ្លូវ ជាងនេះក៏ជួយសន្សំពេលវេលាសម្រាប់អ្នកផងដែរប្រសិនអ្នកស្ថិតក្នុងកន្លែងដែលមានចរាចរណ៍កកស្ទះ ព្រោះដោយសារតែកង់ងាយក្នុងការបម្លាស់ទីជាងរថយន្ត ឬម៉ូតូ។ លើសពីនេះវាក៏ជួយឲ្យអ្នកទទួលបានការធ្វើលំហាត់ប្រាណកំឡុងពេលធាក់កង់ និងអនុញ្ញាតឲ្យយើងអាចស្រូបយកខ្យល់បរិសុទ្ធ ក៏ដូចជាកម្តៅពីពន្លឺព្រះអាទិត្យគ្រប់គ្រាន់ផងដែរ។
១) ចង្អឺតចុះឡើង
កុំអង្គុយតែមួយកន្លែងពេក ចូរក្រោកឈរហើយចង្អឺតជើងចុះឡើងយឺតៗជាប្រចាំរៀងរាល់ថ្ងៃ។ ធ្វើបែបនេះអាចធ្វើឲ្យកំភួនជើងអ្នកមានភាពរឹងមាំ ហើយវាក៏ជួយឲ្យផ្នែកក្បាលពោះស្រកខ្លាញ់ ឡើងរឹងល្អជាងមុនផងដែរ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
