អ្នកដែលមានកន្ទុយលេខទូរស័ព្ទ ៥ ខ្ទង់នេះ តាមក្បួនឆ្នាំ ២០២៣ ជាឆ្នាំនាំលាភ មានបានតជំនាន់
ប្រសិនជាលេខទូរស័ព្ទរបស់អ្នក មានកន្ទុយលេខ ១ ក្នុងចំណោម ៥ លេខខាងក្រោម នោះយើងសូមចូលរួមរីករាយ ដោយឆ្នាំ ២០២៣ នេះ គឺជាឆ្នាំនាំលាភ នាំសំណាងដល់ជីវិតនិងក្រុមគ្រួសាររបស់អ្នក៖
លេខ ១
អ្នកដែលមានកន្ទុយលេខទូរស័ព្ទគឺលេខ ១ (ឧទាហរណ៍៖ ០១២ ៤៤ ៣៣ ១១) នោះអ្នកនឹងទទួលបានសំណាង ហើយរាល់អាជីវកម្មនិងកិច្ចការងារ គឺដំណើរការរលូន ថែមទាំងបានឡើងប្រាក់ខែទៀតផងនៅឆ្នាំនេះ។
យ៉ាងណាអ្នកត្រូវប្រយ័ត្នបន្តិច គឺការចេះគ្រប់គ្រងអារម្មណ៍ ដែលត្រូវតែប្រមូលមិត្ត ឲ្យបានច្រើនជាងប្រមូលសត្រូវ ទើបកាន់តែនាំឲ្យជីវិតអ្នកឡើងខ្ពស់ត្រដែត។
លេខ ៣
អ្នកដែលមានកន្ទុយលេខទូរស័ព្ទលេខ ៣ ក៏នាំសំណាងចូលជីវិតដូចគ្នានៅឆ្នាំ ២០២៣។ ដោយឡែកនិយាយពីទំនាក់ទំនងស្នេហា ក៏កាន់តែសមប្រកបតាមការចង់បាន។
លេខ ៥
អ្នកដែលកាន់លេខទូរស័ព្ទមានកន្ទុយលេខ ៥ អ្នកនឹងទទួលបានថាមពលវិជ្ជមានច្រើន ដោយមានការគាំទ្រ ចាំជួយយកអាសាពីមនុស្សក្បែរខ្លួនច្រើន ជាកត្តារុញឲ្យជីវិតអ្នកឡើងអណ្ដែត។
លេខ ៦
អ្នកដែលមានកន្ទុយលេខទូរស័ព្ទលេខ ៦ ហើយបើបានកន្ទុយ ៦៦ ទៀត នេះជាឆ្នាំមានបានខ្លាំងហើយ។ គ្រប់បញ្ហាដែលធ្លាប់មាននៅឆ្នាំចាស់ នឹងក្លាយជាលាភនៅឆ្នាំនេះ ហើយរឿងរ៉ាវស្នេហាក៏ល្អឥតខ្ចោះ ពោលនាំឲ្យមនុស្សជាច្រើនច្រណែនចង់បានជីវិតដូចជាអ្នក។
លេខ ៨
ជាលេខនាំសំណាងមួយផងដែរ ការប្រកបអាជីវកម្មដាក់ទុនអ្វី ក៏នឹងបានចំណេញ បានស្នាមញញឹមមកវិញពីអតិថិជន។ ទោះជួបបញ្ហាលំបាកប៉ុណ្ណា ក៏នៅតែឆ្លងផុត ហើយមានលុយពេញហោប៉ៅ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
