ការបញ្ជូនបាល់របស់ Luke Shaw ជិតតាមទាន់កំណត់ត្រាអតីតកីឡាករជម្រើសជាតិអង់គ្លេសរូបនេះហើយ
Luke Shaw បានបញ្ជូនបាល់ឲ្យមិត្តរយមក្រុមស៊ុតបញ្ចូលទីបាន២គ្រាប់ក្នុងជំនួបអង់គ្លេស ឈ្នះអ៊ុយក្រែន៤ទល់០វគ្គ៨ក្រុមចុងក្រោយកក់កៅអីឡើងទៅវគ្គពាក់កណ្ដាលផ្ដាច់ព្រ័ត្រ Euro 2020។
នេះមានន័យថាខ្សែការពារស្លាបឆ្វេងរបស់បិសាចក្រហមរូបនេះកំពុងឈរមុខគេក្នុងនាមជាកីឡាករបញ្ជូនបាល់ឲ្យមិត្តរួមក្រុមច្រើនជាងគេក្នុងពានរង្វាន់មួយនេះដែលសរុបបាន៣លើក។ មានតែ David Beckham ប៉ុណ្ណោះដែលមានកំណត់ត្រាបញ្ជូនបាល់ច្រើនជាង Shaw ប្រវត្តិសាស្រ្តពានជើងឯកទ្វីបអឺរ៉ុបឲ្យជម្រើសជាតិអង់គ្លេស។
ពិតណាស់! ខ្សែការពារស្លាបឆ្វេងនៅមានឱកាសវ៉ាដាច់កំណត់ត្រារបស់វីរបុរសក្លិបបិសាចក្រហម Man Utd ប្រសិនបើគាត់បន្តបង្ហាញទម្រង់លេងបានល្អឲ្យជម្រើសជាតិអង់គ្លេសក្នុងការប្រកួតដែលនៅសល់នៃពាន Euro 2020 នេះ។
ក្រុមតោបីអង់គ្លេសនឹងត្រូវជួបដាណឺម៉ាកក្នុងវគ្គពាក់កណ្ដាលផ្ដាច់ព្រ័ត្រ ហើយការប្រកួតនេះគឺជាឱកាសដេល Shaw នឹងសង្ឃឹមថាបង្ហាញទម្រង់លេងដសោយសឆារបញ្ជូនបាល់បាន១ឬ២លើកទៀត៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
ព័ត៌មានថ្មីៗ
