ក្បួនហុងស៊ុយ៖ ផ្ទះ ៤ ប្រភេទនេះ នៅកាន់តែយូរ កាន់តែជួយឲ្យម្ចាស់ផ្ទះមានបានជួបសំណាងច្រើន
ផ្ទះដែលអាចលើកយីអ៊ុនសមាជិករស់នៅក្រោមដំបូលនោះបាន ភាគច្រើនរមែងស្ថិតក្នុងប្រភេទ ៤ ដូចបង្ហាញខាងក្រោម៖
៤) ផ្ទះដែលមានមេទ្វាររឹងមាំ
នេះមានន័យថា បើទោះបីជាផ្ទះនោះសាងសង់យូរមកហើយក៏ដោយ តែទ្វារមេនៅតែរឹងមាំ មិនងាយច្រេះ គ្មានកណ្តៀរ នោះប្រៀបដូចជាពរជ័យជូនដល់ម្ចាស់ផ្ទះ ហើយអារម្មណ៍របស់ម្ចាស់ផ្ទះក៏រមែងស្ងប់ស្ងាត់ល្អផងដែរ។
៣) ផ្ទះដែលស្ថិតក្នុងទីតាំងល្អ
នេះមិនសំដៅថាស្ថិតនៅទីតាំងសេដ្ឋកិច្ចអ្វីនោះទេ តែគឺស្ថិតនៅទីតាំងដែលមានហុងស៊ុយល្អ ពោលឲ្យតែឆ្ងាយពីវត្ត ឆ្ងាយពីប្រាសាទចាស់បុរាណណាជាដើម។ ទន្ទឹមនេះ បើស្ថិតនៅលើផ្ទៃដីដែលមើលទៅល្អ មិនមានការលិចលង់ណាមួយទៀតនោះ វាកាន់តែលើកថាមពលវិជ្ជមានចូលដល់ម្ចាស់ផ្ទះ ឲ្យទ្រព្យហូរចូលកាន់តែច្រើន ហើយអាជីវកម្មនិងកិច្ចការងារនានាក៏ប្រកបទៅយ៉ាងរលូនថែមទៀត។
២) ក្មេងៗចូលចិត្តមកលេង
តាមក្បួន ផ្ទះដែលមានក្មេងតូចៗនៅក្បែរចូលចិត្តមកប្រមូលផ្តុំគ្នាលេង នោះក៏ជាផ្ទះដែលមានថាមពលវិជ្ជមានខ្ពស់ដែរ។ ជាពិសេសគឺក្មេងៗក្រោមអាយុ ៣ ឆ្នាំ ពេលចូលផ្ទះរបស់យើង បើពួកគេសើចសប្បាយ មិនស្រែកយំអ្វីនោះ វាជារឿងល្អសម្រាប់ម្ចាស់ផ្ទះ តែបើទម្លាប់ក្មេងតូចៗ ឲ្យតែមកដល់ឃើញស្រែកយំរហូតនោះ គឺជាសញ្ញាមិនល្អឡើយ។
១) ផ្ទះមានទេសភាពស្រស់ស្អាតជុំវិញ
អ្នកគួរតែជ្រើសរើសទីតាំងផ្ទះ ដែលមានអំណោយទានធម្មជាតិ មានន័យថា មានដើមឈើពណ៌បៃតង ហើយបើអាចមានទឹកខ្លះទៀតក៏កាន់តែល្អ។ វានឹងលើកយីអ៊ុនម្ចាស់ផ្ទះឲ្យឡើងខ្ពស់ ហើយបរិយាកាសទាំងនេះទៀតសោត ក៏ជួយដល់សុខភាពអ្នកដែលរស់នៅជុំវិញនោះផងដែរ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
