ជួបម្តងលង់មួយជីវិត! បុរសភាគច្រើនដកចិត្តមិនរួច បើបានជួបនារី ៥ ប្រភេទនេះ
សម្រាប់មនុស្សស្រី ៥ ប្រភេទដូចរៀបរាប់ខាងក្រោម បើទោះបីសម្រស់របស់នាងមិនជាស្អាតណាស់ណា សម្ភារៈខាងក្រៅក៏មិនពេញនិយម មិនមានការតុបតែងខ្លួនខ្លាំង តែនាងនៅតែអាចឆក់យកបេះដូងបុរសជាច្រើនបាន ហើយអ្នកខ្លះជួបម្តងលង់មួយជីវិតដកចិត្តលែងរួច៖
៥) មានពាក្យ "ស្កប់ស្កល់"
មនុស្សស្រីដែលរីករាយបំផុត គឺជាស្រ្តីដែលមានពាក្យ "ស្កប់ស្កល់" នៅក្នុងចិត្ត។ នាងនឹងមិនមែនជាមនុស្សដែលត្អូញត្អែរចង់បានគ្រប់យ៉ាង មួយថ្ងៃៗអង្គុយតែច្រណែនជីវិតអ្នកដទៃ ហើយមើលមិនឃើញពីសុភមង្គលនៃបច្ចុប្បន្នភាពរបស់ខ្លួនឯងនោះទេ។
ផ្ទុយទៅវិញនាងជាមនុស្សស្រីស្លូតបូត រស់នៅប្រកបដោយសន្តិភាព គ្មានការច្រណែនឈ្នានីស គ្មានការចង់កំហឹង ដែលនាំឲ្យអារម្មណ៍របស់នាង បង្ហាញចេញមកក្នុងផ្លូវវិជ្ជមានជានិច្ច។ មនុស្សស្រីប្រភេទនេះ ជាចំណុចធំមួយ ដែលបុរសគ្រប់រូបប្រាថ្នាចង់បាន។
៤) ចេះគិតគូរពីអ្នកដទៃ
នាងមិនរស់នៅតែម្នាក់ឯងនោះទេ នាងមិនស្រលាញ់ខ្លួនឯងខ្លាំងដល់ថ្នាក់ភ្លេចលែងមើលសុខទុក្ខអ្នកដទៃនោះទេ។ ទោះស្ថិតនៅកម្រិតណា ក៏នាងនៅតែមានការប្រយ័ត្នប្រយែងក្នុងការនិយាយស្តី ដឹងតូច ដឹងធំ ហើយរាល់ពាក្យរបស់នាងទាំងឡាយនឹងមិនដាក់បន្ទុកលើអ្នកដទៃឡើយ។
ផ្ទុយទៅវិញនាងមានចេតនាចង់បង្ហាញការឲ្យតម្លៃទៅមនុស្សជុំវិញខ្លួន ចេះរៀនស្តាប់ រៀនយល់ពីមនុស្សជុំវិញខ្លួន ពុំបានគិតថាក្នុងលោកមានតែឯងឡើយ។ នេះក៏ជាស្រ្តីដែលបុរសជាច្រើនចង់បានជាភរិយាផងដែរ។
៣) មានចិត្តស្មោះត្រង់
នាងមិនចេះតែដើរប្រគល់បេះដូងឲ្យនរណានោះទេ មុនដាក់ចិត្តស្រលាញ់ ឬចាប់អារម្មណ៍ទៅលើនរណាម្នាក់ នាងចំណាយពេលជាយូរដើម្បីសង្កេតមើលបុរសម្នាក់នោះ។ លើសពីនេះ នៅពេលបានក្លាយជាគូ នាងរមែងមានចិត្តស្មោះត្រង់ នាងមិនបង្ហាញអារម្មណ៍ស្និទ្ធស្នាលជាមួយអ្នកដទៃ ពោលនឹងមិននាំឲ្យបុរសដែលជាដៃគូ ទទួលរងសម្ពាធផ្លូវអារម្មណ៍ឬអាក់អន់ចិត្តជារឿយៗឡើយ។
២) មនុស្សស្រីរស់នៅដោយប្រើការស្រលាញ់
ទន់ភ្លន់ តែមិនទន់ជ្រាយ គ្រប់ឥរិយាបថ សម្តីសំដៅ ទាំងប្រើជាមួយគ្រួសារ ស្វាមី ក៏ដូចជាកូនៗ នាងប្រើដោយឆ្លងកាត់ការគិត ប្រើដោយក្តីស្រលាញ់ ការផ្តល់ភាពកក់ក្តៅ។ ពេលប្តីត្រលប់មកផ្ទះវិញ ចេះសួរនាំទុក្ខធុរៈ បងហត់ឬអត់ថ្ងៃនេះ? បងមានបញ្ហាអ្វីឬអត់?
ដូចគេនិយាយថា ក្តីស្រលាញ់របស់ស្រ្តីគឺជាដើមទុនសាងសង់សុភមង្គលដ៏ពេញលេញមួយនៅខាងក្នុងផ្ទះ។ ពេលខ្លះបើបុរសតែម្ខាង ប្រើអារម្មណ៍ខ្វល់ខ្វាយ អារម្មណ៍ស្រលាញ់ ហើយខាងនារីមិនបញ្ចេញមកសោះ គិតតែពីខ្លួនឯងជាធំ ចាំតែឲ្យគេបារម្ភពីខ្លួន នោះក៏មិនអាចរស់នៅជាមួយគ្នាបានយូរដែរ។
១) ស្រ្តីដែលមានផែនការណ៍ជីវិតច្បាស់លាស់
បុរសនឹងមិនចូលចិត្តពេកនោះទេ នៅស្រ្តីដែលពឹងផ្អែកទាំងស្រុងមកលើខ្លួន ផ្ទុយទៅវិញបុរសសម័យនេះរមែងចង់បានស្រ្តីដែលឈ្លាសវៃ ស្រ្តីដែលតែងតែមានផែនការណ៍ជីវិតច្បាស់លាស់។ ពួកគេចង់បាននារី ដែលអាចរៀបចំជីវិតទៅព្រមគ្នា ចង់មានការផ្លាស់ប្តូរនៃជីវិត ចង់មានភាពល្អប្រសើរ មានក្តីស្រមៃ និងឆន្ទៈក្នុងការសម្រេចវា ពោលមិនមែនចាំតែប្តីជាអ្នកគូសវាសវាតែម្នាក់ឯងឡើយ៕
ប្រភព៖ បរទេស | ប្រែសម្រួល៖ ក្នុងស្រុក
អំពីអ្នកសរសេររបស់យើង៖ Wisdom
ព័ត៌មានថ្មីៗ
