លំបាកច្រើនហើយ ពីរខែដើមឆ្នាំ ឥឡូវដល់ពេលម្ចាស់ឆ្នាំទាំង ៣ ប៉ះលាភធំ មានលុយទិញឡានទិញផ្ទះ
ឆ្នាំ ២០២៣ រយៈពេលពីរខែដំបូងនេះ អាចថាជាឆ្នាំដ៏លំបាកមួយ សម្រាប់មនុស្សមួយចំនួនធំ។ តែយ៉ាងណា ដោយសារតែជោគជតារាសី គួបផ្សំនឹងចំណេះដឹងនៃការគ្រប់គ្រងហិរញ្ញវត្ថុបានល្អផង ក៏រុញឲ្យម្ចាស់ឆ្នាំទាំង ៣ ខាងក្រោម មកដល់ខែថ្មី ខែមិនា ២០២៣ បែរក្លាយជាពេលវេលាសំណាងសម្រាប់ពួកគេទៅវិញ ពោលគឺដល់ពេលបើកកំណប់ទ្រព្យឈុតធំប្រចាំឆ្នាំហើយ៖
អ្នកកើតឆ្នាំជូត – កណ្តុរ
ស្ថានភាពតាំងពីដើមឆ្នាំមក អាចថារដាក់រដុប ជួបគ្រោះច្រើនជាងលាភ តែអាជីពការងារ រកស៊ីរបស់អ្នកកើតឆ្នាំជូត នៅតែមានផ្លូវដើរជានិច្ចមកទល់ពេលនេះ។ ពួកគេទទួលបានឱកាសច្រើន មានទំនាក់ទំនងល្អច្រើនជាមួយមនុស្សម្នាក្នុងសង្គម ជាហេតុជួយបើកផ្លូវ បើកឱកាសច្រើនមិនចេះអស់ឡើយ។
មកទល់ទំព័រធំទី ៣ ប្រចាំឆ្នាំ ដោយសារអំណោយទាននៃរាសីឡើងខ្ពស់ត្រដែតផង ក៏នាំឲ្យម្ចាស់ឆ្នាំជូត អាចមានលុយចាយពេញដៃ ដោយមិនខ្វល់រឿងលុយកាក់ រឿងចំណាយលើការចង់បានរបស់អ្វីឡើយ។ មិនថាផ្ទះថ្មី ឡានថ្មី ពេលវេលាកើបលុយធំនៅចុងឆ្នាំ ក៏ល្មមអាចឲ្យពួកគេអាចមានឱកាសទិញរបស់ទាំងនោះបានផងដែរ។
អ្នកកើតឆ្នាំម្សាញ់ - ពស់
ជីវិតម្ចាស់ឆ្នាំម្សាញ់ មិនងាយស្រុត ឃើញតែផ្លូវឡើងជាប់ជានិច្ច បើទោះបីជួបបញ្ហាជារឿយៗក៏ដោយ។ មនុស្សនេះពូកែជម្នះឧបសគ្គខ្លាំងណាស់ ហើយមិនងាយនឹងជួបរឿងខកចិត្តក្នុងជីវិតនោះទេ។
តាមហោរាសាស្រ្តបានចារមក ថាឆ្នាំពស់ សម្រាប់ខែមិនា នៃឆ្នាំ ២០២៣ បណ្តាក់ទុនអ្វីក៏នឹងបានផលចំណេញមកវិញ ហើយការវិនិយោគខ្លះ រុញឲ្យអ្នកឆ្ពោះទៅរកជោគជ័យហួសពីការរំពឹងទុកត្រឹមតែរយៈពេលខ្លីក៏មាន។ មនុស្សដែលពូកែប្រើខួរក្បាល ដូចជាអ្នកកើតឆ្នាំម្សាញ់ ត្រៀមតែបើកកំណប់ទ្រព្យធំទៅនៅពេលដ៏ខ្លីខាងមុខ។
អ្នកកើតឆ្នាំថោះ - ទន្សាយ
ទ្រព្យសម្បត្តិនាឆ្នាំ ២០២៣ សម្រាប់អ្នកកើតឆ្នាំថោះ គឺរាប់បានថាមានស្ថិរភាព បើទោះបីមនុស្សជាច្រើនគេជួបរឿងលំបាកក៏ដោយ នៅក្នុងឆ្នាំនេះ។ តែតាមសញ្ញាជោគជតារាសីចូលមកដល់បិទត្រីមាសទីមួយនេះ ពួកគេក៏កាន់តែបានផលធំ នេះវាកើតចេញពីការខិតខំកន្លងមកផង គួបផ្សំនឹងសំណាងផង។
អ្នកបម្រើការងារ នឹងមានប្រាក់ខែខ្ពស់ជាងមុនដល់ពេលចាំទទួលដំណឹងល្អ អាចឡើងឋានៈ មុខងារកាន់តែខ្ពស់ រីឯអ្នករកស៊ី ទទួលបានអតិថិជនច្រើនជាងពីពាក់កណ្តាលឆ្នាំ ជួយឲ្យកើនលុយចំណូលខ្ពស់ពីមួយថ្ងៃ ទៅមួយថ្ងៃ។ យ៉ាងណាក្នុងគ្រាលំបាកនៅឆ្នាំ ២០២៣ អ្នកកើតឆ្នាំទន្សាយ ត្រូវបានគេកោតសរសើរ ពីវិធីនៃការគ្រប់គ្រងហិរញ្ញវត្ថុ ដោយពូកែសន្សំណាស់ផងដែរ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
